وبلىسقا توتە قاراستى ورىندارداعى مەملەكەتتىك حالىق قۇرىلتايىنىڭ ۋاكىلدەرى، ساياسي كەڭەستىڭ مۇشەلەرى:
مىندەت اتقارىپ، جاۋاپكەرشىلىكتى ادا ەتىپ، ىلەدەگى بۇقارانىڭ ٴۇنىن جەتكىزەمىز
ٴتىلشىمىز كاميلا حابارلايدى. كوكتەم دە اتتانىپ، بولاشاققا جەلكەن جايدى. اشىلىپ جاتقان مەملەكەتتىك ەكى ماجىلىستە ۋاكىلدەر مەن مۇشەلەر جاڭا ٴداۋىردىڭ 10 جىلىنداعى ۇلى وزگەرىستى تىلگە تيەك ەتىپ، ەكىنشى 100 جىلدىق كۇرەس نىساناسىنا قاراي العا باسۋدىڭ نۇرلى بولاشاعىنا بىرگە كوز جىبەردى.
”5 جىلدان بەرى ەلىمىزدىڭ ەكونوميكالىق، قوعامدىق دامۋىندا دۇنيە ٴجۇزىن جالت قاراتقان كەلەلى جەتىستىكتەرگە قول جەتتى، بۇل - شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى“. مەملەكەتتىك حالىق قۇرىلتايىنىڭ ۋاكىلى، چاپچال سىبە اۆتونوميالى اۋدانى چاپچال قالاشىق پارتكومنىڭ ورىنباسار شۋجيى، قالاشىق باستىعى كۇڭ فيفي ٴماجىلىس الاڭىندا باياندامانى تىڭداعاننان كەيىن ايرىقشا تەبىرەندى.
وسى بىرنەشە كۇندە كۇڭ فيفي ەكى ماجىلىسكە قاتىناسقان ۋاكىلدەرمەن، مۇشەلەرمەن ىشكەرىلەي پىكىرلەستى، اۋىل - قىستاق كاسىپ سالاسىنىڭ دامۋى جانە قورشاعان ورتانىڭ جاقسارۋى ول ەڭ كوڭىل ٴبولىپ وتىرعان تاقىرىپ بولدى. تالاي جىلدان بەرى نەگىزگى ساتىعا تامىر تارتقان كۇڭ فيفي جونىنەن العاندا، قىستاق تۇرعىندارىنىڭ كىرىسىن ارتتىرۋ، ولاردى بايىتۋ جانە اۋىل - قىستاق ورتاسىن جاقسارتۋ ونىڭ قىزمەتىنىڭ ماڭىزدى ٴتۇيىنى بولىپ كەلەدى. وتباسىلارىن ارالاپ جاعداي ۇعىسۋ بارىسىندا ول بۇقارانىڭ تازا ەنەرگياعا، اسىرەسە، ”كومىردىڭ ورنىنا ەلەكتر پايدالانۋعا“ دەگەن سۇرانىسىنىڭ كۇشتى ەكەندىگىن ۇعىستى، بيىل چاپچال اۋدانى وسى قىزمەتتى ٴتۇيىندى تۇردە ىلگەرىلەتەدى. سوندىقتان ول وسى مازمۇندى ۇسىنىسقا ەنگىزىپ، مەملەكەتتىك ەكى ماجىلىسكە الا كەلدى.
”ٴماجىلىس الاڭىندا جۇرتتى شابىتتاندىراتىن، ەكپىندەي ىلگەرىلەۋگە جەبەيتىن ۇكىمەت قىزمەتىنەن باياندامانى تىڭداعاننان كەيىن ايرىقشا تەبىرەنىپ، تەرەڭ اسەر الدىم. نەگىزگى ساتىدان كەلگەن ۋاكىل رەتىندە مەن دەر كەزىندە وسى كوڭىلدى جەلپىندىرەتىن حابارلاردى اۋىلىمداعى شارۋالار بۇقاراسىنا جەتكىزەمىن“ دەدى مەملەكەتتىك حالىق قۇرىلتايىنىڭ ۋاكىلى، كۇنەس اۋدانى سوربۇلاق قالاشىعى كەرەگەتاس قىستاعىنىڭ تۇرعىنى مۇساجان قايرات.
ساياحات كاسىبىن دامىتۋ اۆتونوميالى رايون، اۆتونوميالى وبلىس دارەجەلى تاڭداۋلى پارتيا مۇشەسى مۇساجان باستان - اياق نازار اۋدارىپ كەلگەن ٴتۇيىن سانالادى. 2006 - جىلى كۇنەس اۋدانى نارات اۋەجايىندا ۇشاق قاتىناعاننان بەرى جەرگىلىكتى ورىننىڭ ەكونوميكاسىنىڭ، قوعامىنىڭ جوعارى ساپالى دامۋىن جەدەلدەتۋ، شينجياڭعا باعىتتامالى كومەكتەسۋدى تەرەڭدەتۋ، تۇتاس اۋداننىڭ ساياحات ساپاسى مەن قىزمەت وتەۋىن جوعارىلاتۋ ٴۇشىن، كۇنەس اۋدانى 2021 - جىلى نارات اۋەجايىن كەڭەيتىپ سالۋ نىسانىنىڭ دايىندىق قىزمەتىن باستادى. مۇساجان ٴتىلشىنىڭ سۇقباتىن قابىلداعاندا مىنانى ٴبىلدىردى: ”نارات اۋەجايىن كەڭەيتىپ سالۋ نىسان قۇرىلىسىن جەدەل ىلگەرىلەتىپ، جول نەگىزدىك قۇرىلعىلارىن سايكەستى قامتاماسىزداندىرۋدى كەمەلدەندىرىپ، ناراتقا ساياحاتتاي كەلگەندەردىڭ ٴجۇرىس - تۇرىسىنا ٴتىپتى دە قولايلىلىق جاراتىپ، جەرگىلىكتى شارۋالاردىڭ ساياحات كاسىبىنە سۇيەنىپ كىرىستى ارتتىرىپ، اۋقاتتانۋىن جەبەۋدى ٴۇمىت ەتەمىن“.
”باياندامانىڭ بارلىق جەرىندە حالىق ٴۇشىن ىستەۋ سۇيىسپەنشىلىگى ايگىلەندى ٴارى مەن تەك بۇقارامەن ٴتىپتى دە ەتەنە بولعاندا عانا، بۇقارانىڭ قاجەتىن اناعۇرلىم تۇسىنۋگە، بۇقارانىڭ قاجەتىن قاي - قاشان دا كوكەيدە ساقتاۋعا بولاتىندىعىن ٴارى جاۋاپكەرشىلىگىمنىڭ اۋىر ەكەنىن ونان ارى سەزىندىم“ دەدى مەملەكەتتىك ساياسي كەڭەستىڭ مۇشەسى، چاپچال اۋداندىق وقۋ - اعارتۋ مەكەمەسى وقۋشى قابىلداۋ، ەمتيحان ورتالىعىنىڭ مەڭگەرۋشىسى گۋان فاڭفاڭ ىشتەي ەرەكشە تەبىرەنىپ. ول كاسىپتىك وقۋ - اعارتۋدىڭ جوعارى ساپالى دامۋىنا دەم بەرۋ، جاستار مەن ورەندەرگە باعىتتالعان زاڭمەن باسقارۋ تاربيەسىن كۇشەيتۋ سياقتى جاقتارداعى ۇسىنىس جوبالاردى الا باردى، وسى ۇسىنىس جوبالاردىڭ شينجياڭنىڭ وقۋ - اعارتۋ ىستەرىنىڭ دامۋىنا دەم بەرىپ، اناعۇرلىم كوپ بايلىقتىڭ شينجياڭنىڭ وقۋ - اعارتۋ ىستەرىنىڭ جوعارى ساپالى دامۋىنا قولداۋ كورسەتۋىنە قول جەتكىزۋىن ٴۇمىت ەتتى.