汉文 ىلە اقپارات تورابىنا حوش كەلدىڭىزدەر!
ءتىپتى دە قولايلى بولدى! ءۇرىمجى تاۋار ءۇي ارناۋلى كۇتىمدەۋ قاراجاتىن تاپسىرۋ ىسپاتتاماسى ءۇشىن ەلەكتروندىق تالوندى قولدانا باستادى
2023-03-18 18:17:46     كورىلىم:رەت كەلۋ قاينارى:تيانشان تورى  جاۋاپتى رەداكتور:جاڭىلقان قوجا قىزى

3 - ايدىڭ 13 - كۇنىنەن باستاپ، ءۇرىمجى قالاسى تاۋار ءۇي ارناۋلى كۇتىمدەۋ قاراجاتىن تاپسىرۋ ىسپاتتاماسى ءۇشىن ەلەكتروندىق تالوندى قولدانا باستادى، تۇرعىندار ينتەرنەت جەلىسىندە كۇتىمدەۋ قاراجاتىن تاپسىرۋىنا، ەلەكتروندىق تالوندى كوشىرىپ الىپ باسىپ شىعارۋىنا بولادى.

ءتىلشىنىڭ ءۇرىمجى قالالىق تۇرعىن ءۇي قامتاماسىزداندىرۋ جانە قورا - جاي باسقارۋ مەكەمەسىنىڭ كۇتىمدەۋ قاراجاتىن باسقارۋ ورتالىعىنان ۇعىسۋىنشا، شارۋاشىلىق - ساۋدا ورتاسىن ءۇرتىس ساپالىلاندىرۋ، كاسىپورىن، بۇقارانىڭ ءىس بىتىرۋىنە شىن مانىندە قولايلىق جاراتۋ ماقساتىمەن، بۇگىننەن باستاپ ءۇرىمجى قالاسى تاۋار ءۇي ارناۋلى كۇتىمدەۋ قاراجاتىن تاپسىرۋ ىسپاتتاماسى ءۇشىن ەلەكتروندىق تالوندى قولدانا باستايدى ەكەن، بۇل كۇتىمدەۋ قاراجاتىن تاپسىرۋ قىزمەتىنىڭ بارلىق بارىسى ينتەرنەت جەلىسىندە بىتىرىلەتىندىگىن، قوجالىق يەسى ارى - بەرى سابىلۋدان قۇتىلعاندىعىن، تۇرعىن ءۇيدىڭ ”زەينەت اقىسىن“ ينتەرنەت جەلىسىندە تاپسىرۋدىڭ ”ەڭ سوڭعى ءبىر كيلومەترى“ تۇبەگەيلى تۇتاستىرىلعاندىعىن بىلدىرەدى.

ۇعىسۋعا قاراعاندا، ەلەكتروندىق تالون ىسكە قوسىلۋدان بۇرىن، قوجالىق يەسى كۇتىمدەۋ قاراجاتى كاسىبىن قابىلداۋ تەرەزەسىنەن كۇتىمدەۋ قاراجاتىن تاپسىرادى، قىزمەتكەر قوجالىق يەسىنە كۇتىمدەۋ قاراجاتىنىڭ قاعاز جۇزىندەگى ارناۋلى تالونىن ياعني كۇتىمدەۋ قاراجاتىن تاپسىرۋ ىسپاتتاماسىن بەرەدى. ۋيشين شاعىن باعدارلاماسى ”انجۇي گۋاڭشيا“ ارقىلى ينتەرنەت جەلىسىندە كۇتىمدەۋ قاراجاتىن تاپسىرعان قوجالىق يەسى جانە دە كاسىپ قابىلداۋ تەرەزەسىنەن ءوزى الادى نەمەسە EMS پوچتا جولداماسى ارقىلى قاعاز جۇزىندەگى تالوندى الادى.

ەلەكتروندىق تالون ىسكە قوسىلعاننان كەيىن، قوجالىق يەسى كۇتىمدەۋ قاراجاتى كاسىبىن قابىلداۋ تەرەزەسىنەن كۇتىمدەۋ قاراجاتىن تاپسىرعان بولسىن، ياكي ۋيشىن شاعىن باعدارلاماسى ”انجۇي گۋاڭشيا“ ارقىلى ينتەرنەت جەلىسىندە كۇتىمدەۋ قاراجاتىن تاپسىرعان بولسىن، ءارقانداي ۋاقىتتا، كوشىرىپ الۋىنا، تەكسەرۋىنە، ەلەكتروندىق تالوندى باسىپ شىعارىپ الۋىنا بولادى، سونىمەن قاتار، ەلەكتروندىق تالون مەن قاعاز جۇزىندەگى تالوننىڭ ءبارى دە زاڭدىق كۇشكە يە. ءۇرىمجى قالالىق كۇتىمدەۋ قاراجاتىن باسقارۋ ورتالىعىنىڭ كاسىپ قابىلداۋ تەرەزەسى ارناۋلى تۇردە كۇتىمدەۋ قاراجاتىن تاپسىرۋ ەلەكتروندىق تالونىن كوشىرۋ، باسىپ شىعارۋى قولايسىز قوجالىق يەلەرىنە ەلەكتروندىق تالوندى كوشىرۋ، باسىپ شىعارۋ جاعىندا قىزمەت وتەيدى، قوجالىق يەسى ازاماتتىق كۋالىگىنىڭ اسىلگى نۇسقاسىن الىپ ءىس بىتىرۋ تەرەزەسىندە ەلەكتروندىق تالوندى باسىپ شىعارىپ الۋىنا بولادى، بۇل قوجالىق يەلەرىنە بارىنشا قولايلىلىق جاراتتى.

تۇرعىن ءۇي ارناۋلى كۇتىمدەۋ قاراجاتى تۇرعىن ءۇي ”زەينەت اقىسى“ دەپ تە اتالادى، تۇرعىن ءۇيدىڭ ورتاق بولەگى، ورتاق قۇرىلعى - جابدىقتارىنىڭ كۇتىمدەۋ مەرزىمى تولعاننان كەيىنگى كۇتىمدەۋ، جاڭالاۋ جانە وزگەرتۋىنە ارناۋلى پايدالانىلادى.