تۇتىنۋ سەنىمى ارتتىرىلىپ، تۇتىنۋدىڭ كومەسكى كۇشى ساۋلەلەندىرىلدى

ىلە وبلىسىنىڭ ”2023 تۇتىنۋدى جەبەۋ جىلى“ قيمىلى باستالدى

ٴتىلشىمىز لي يافىڭ حابارلايدى. ىلە وبلىسىندا 3 - ايدىڭ 15 - كۇنى ”2023 تۇتىنۋدى جەبەۋ جىلى“ قيمىلىنىڭ باستالۋ سالتى اۆتونوميالى رايونمەن ٴبىر ۋاقىتتا وتكىزىلىپ، تۇتىنۋ سەنىمى ونان ارى ارتتىرىلىپ، تۇتىنۋ كومەسكى كۇشى ساۋلەلەندىرىلىپ، بۇكىل وبلىستىڭ تۇتىنۋ سالاسىنىڭ ٴبىرىنشى توقساندا تىڭ باستاما باستاۋىن ىلگەرىلەتۋگە قوزعاۋشى كۇش ۇستەلىپ، اۆتونوميالى رايون ەكونوميكاسى دامۋىنىڭ باستاماسىن ٴساتتى باستاۋعا، تۇتاس جىل بويى ٴساتتى بولۋىنا بەلسەندى ۇلەس قوسىلدى. 

اۆتونوميالى رايوننىڭ ”2023 تۇتىنۋدى جەبەۋ جىلى“ − تۇتاس جىل بويىنشا ورنالاستىرىلعان قيمىلدىڭ نەگىزگى تاقىرىبى، نازاردى ”ساۋدا، ساياحات، مادەنيەت، سەرۋەندەۋ، زات ساتىپ الۋ، كوڭىل اشۋ“ سىندى 6 ۇلكەن فاكتورعا شوعىرلاندىرىپ، ساياساتتىق جەتەكشىلىك ارقىلى تۇتىنۋدى جەبەۋ، تۇتاس جىلدىق تۇتىنۋدى جەبەۋمەن ساباقتاستىرۋ، كوپ نەگىزدى توعىستىرۋ ارقىلى تۇتىنۋدى جەبەۋ، ۇلگىگە جاڭالىق ەنگىزۋ ارقىلى تۇتىنۋدى جەبەۋ، ساپانى جوعارىلاتۋ ارقىلى تۇتىنۋدى جەبەۋ، جارمەڭكە - كورمە وتكىزۋ ارقىلى تۇتىنۋدى جەبەۋ، قالا مەن اۋىلدى سايكەستىرۋ ارقىلى تۇتىنۋدى جەبەۋ، بانكە مەن كاسىپورىن سەلبەسىپ تۇتىنۋدى جەبەۋ سىندى 8 مىندەتتى ايقىنداپ،  52 تۇتىنۋ جاعدايىن ارقاۋ ەتىپ، ٴتۇرلى بازار تۇلعالارىن جەلىلەس ساتۋدى جەبەۋ قيمىلىن ورىستەتۋگە ۇيىمداستىرىپ، بازار مەحانيزمىنىڭ رولىن ساۋلەلەندىرۋگە باسا ٴمان بەرىپ، ٴار جاقتىڭ بەلسەندىلىگىن جۇمىلدىرىپ، ٴىرى، ورتا، شاعىن، ۇساق كاسىپورىنداردى، ينتەرنەت جەلىسىندەگى، جەلى سىرتىنداعى ٴتۇرلى بازار تۇلعالارىن ات سالىسۋعا جۇمىلدىرىپ، ۇكىمەت تاراۋلارى، ساۋدا (سەلبەستىك) قوعامى، كاسىپورىندار، فينانس قۇرىلىمدارى سياقتى كوپ جاق ات سالىساتىن، سەلبەسە سايكەسەتىن تۇتىنۋدى جەبەۋ بىرلەسكەن مەحانيزمىن قالىپتاستىرىپ، تۇتىنۋ سەنىمىن ۇزدىكسىز ارتتىرىپ، تۇتىنۋ بەلسەندىلىگىنە دەم بەرۋ.

”ٴبىز العاشقى مەرزىمدە ٴبىر ميلليون 200 مىڭ يۋاندىق تۇتىنۋ تىكە تولىقتاما بەلەتىن تاراتتىق، بۇل 23 ماركانى قامتيدى، جەرگىلىكتى ورىنداعى ٴۇي ەلەكتر جابدىقتارىن ساتاتىن بارلىق كاسىپورىندى شارپىدى ...“ دەدى شينجياڭ بانكەلەر بىرلەستىگى ىلە كاسىپتىك ٴبولىمىنىڭ جاۋاپتىسى ما يۇن. ول تاعى بىلاي دەدى: بيىل 2 ميلليون 700 مىڭ يۋان قارجى قوسۋدى جوسپارلاپ، ٴتۇرلى بۇيىمدار ساۋدا سارايى، ساياحات، ساۋدا ەرەن بازارى، تىزبەكتى قولايلى دۇكەندەر، ەرەكشە اس ـ سۋ سياقتى 8 ۇلكەن سالادا تۇتىنۋ تىكە تولىقتاما بەلەتى قيمىلىن ۇدايىلاندىرىپ ورىستەتىپ، تۇتاس جىلدا تۇتىنۋدى جەبەۋ قويۋ اۋانىن ٴۇرتىس قالىپتاستىرىپ، جالپى حالىقتىق تۇتىنۋ ورلەۋىن قوزعاماقشىمىز.

ىلە ليفىڭ ٴۇي ەلەكتر جابدىقتارى شەكتى سەرىكتەستىگىنىڭ دۇكەن باستىعى شى تيانيىڭ بىلاي دەپ تانىستىردى: وسى رەتكى قيمىلدا تۇتىنۋشىلار يۇنشانفۋ تيىمدىلىك بەلەتىنەن، ونەركاسىپ ـ ساۋدا بانكەسىنىڭ كارتوچكاسىن پايدالانۋ سوماسى ولشەمىنە قاراي تيىمدىلىك جاساۋ قيمىلىنان يگىلىكتەنۋدەن سىرت، كاسىپورنىمىز تاعى 3 - تاۋاردى ٴتيىمدى ساتىپ الۋ قيمىلىن جولعا قويدى، سونىمەن بىرگە 100 نۇسقاداعى ۇلگى ٴۇيدى تەگىن جوبالاپ، تۇتىنۋشىلارعا تيىمدىلىك جاساماقشى.

جىل باسىنان بەرى ىلە وبلىستىق ساۋدا ىستەرى مەكەمەسى وبلىسقا توتە قاراستى ٴارقايسى اۋدان، قالانىڭ اۆتوموبيل ساتۋ كاسىپورىندارىمەن، ٴۇي جيھازدارى، ٴۇي اشەكەيلەۋ كاسىپورىندارىمەن، بانكە بىرلەستىگى ىلە سەرىكتەستىگىمەن بىرلەسىپ تۇتىنۋ بەلەتىن تاراتۋ، حالىقارالىق اۆتوموبيل كورمەسى، كوكتەم مەرەكەسى بايلانىسىمەن ٴۇي اشەكەيلەۋ مەرەكەسى سياقتى ساتۋدى جەبەۋ قيمىلدارىن وتكىزىپ، ”2023 تۇتىنۋدى جەبەۋ جىلى“ ٴتۇرلى قيمىلدارىن ويداعىداي ورىستەتۋ ارقىلى تۇتىنۋ اۋانىن جانداندىرىپ، قامداۋ مەن قاجەتسىنۋدىڭ ۇشتاسۋىن جەبەپ، ساپالى تاۋارلارمەن جانە قىزمەت وتەۋمەن قامداۋدى اناعۇرلىم ساپالىلاندىرىپ، كاسىپورىنداردىڭ ونىمدىلىگىن ارتتىرىپ، تۇرعىنداردى يگىلىككە كەنەلتۋدى جۇزەگە اسىرماقشى.

”تۇتىنۋدى جەبەۋ قىزمەتىن ويداعىداي ىستەۋ -  جاڭا دامۋ ارناسىن قالىپتاستىرۋدا، جوعارى ساپالى دامۋدى ىلگەرىلەتۋدە، جوعارى ساپالى تۇرمىس جاراتۋدا ماڭىزدى مانگە يە“ دەدى ىلە وبلىستىق ساۋدا ىستەرى مەكەمەسى بازار اينالىمى جانە تۇتىنۋدى جەبەۋ باسقارماسىنىڭ باستىعى يىن حۇڭ. ول تاعى مىنانى ٴبىلدىردى: ”15 - ناۋرىز“ حالىقارالىق تۇتىنۋشىلاردىڭ ۇقىق - مۇددەسىن قورعاۋ كۇنىندە تۇتىنۋشىلاردىڭ ۇقىق - مۇددەسىن قورعاۋدى توڭىرەكتەي وتىرىپ ۇگىتتى كۇشەيتىپ، ساۋدا اينالىم كاسىپورىندارىنىڭ تۇلعالىق جاۋاپكەرلىگىن ايقىنداۋدان سىرت، كاسىپورىنداردان ٴونىم ساپاسى مەن ساتۋدان كەيىنگى قىزمەت وتەۋدى قامتاماسىزداندىرۋ تالاپ ەتىلدى. سونىمەن بىرگە، ىلەنىڭ ٴۇي ەلەكتر جابدىقتارىن ساتاتىن كاسىپورىنداردىڭ جاڭا كاسىپ كۇيى، جاڭا ۇلگى، زات اينالىمى، ساتۋدان كەيىنگى قىزمەت وتەۋ، ينتەرنەت جەلىسىندە، جەلىدەن سىرتقى توعىستىرۋ سياقتى جاقتارداعى ابزالدىلىقتارىن تولىق ساۋلەلەندىرىپ، الۋان فورماداعى حالىققا پايدا جەتكىزۋ، ساتۋدى جەبەۋ قيمىلىن بەلسەنە ورىستەتىپ، تۇتىنۋدىڭ كومەسكى كۇشىن ونان ارى اشىپ، تۇتىنۋدى جەبەۋدى، دامۋدى قامتاماسىز ەتۋدى، حالىق تۇرمىسىنا تيىمدىلىك جاساۋدى قۇلشىنا جۇزەگە اسىرۋعا شابىتتاندىرامىز.