نۇرگينا ورىنبەك قىزى:

”جەلەكتىلەردىڭ ناعىز جاناشىرى بولۋعا قۇلشىنامىن“

نۇركەلدى نۇراقىن ۇلى، ۋاڭ ليپيڭ (ٴوز تىلشىلەرىمىز)

”ول باردا قيىنشىلىققا جولىقساق الاڭدامايمىز، ول ٴبىزدىڭ ناعىز جاناشىرىمىز“ دەدى كۇنەس اۋدانى قارابۋرا قالاشىعىنىڭ تۇرعىندارى نۇرگينا ورىنبەك قىزىن اۋىز جاپپاي القاپ.

”قالاشىعىمىزداعى ايەلدەر قايشىلىق، داۋ ـ شارعا جولىقسا مەنى ىزدەپ كەلىپ سىرلارىن اقتارىپ، كەڭەس الادى، كەيدە بىرەۋىنىڭ جۇمىسى بىتپەي جاتىپ، تاعى بىرەۋى تەلەفون شالىپ قولقا سالاتىندارى دا بار... مەن جونىنەن العاندا ايەلدەر مەن بالالار ٴىسى قانشالىق كىشى - گىرىم ٴىس بولسا دا ۇلكەن ٴىس ەسەپتەلەدى“ دەدى نۇرگينا.  2012 - جىلى كونەس اۋدانى كۇنەس قالاشىعى ايەلدەر بىرلەستىگىنە كەلىپ قىزمەت ىستەگەنىنەن باستاپ ول نەگىزگى ساتى ايەلدەر بىرلەستىگىنىڭ ايەلدەردىڭ ۇقىق - مۇددەسىن قورعاۋ جاعىنداعى تاباندىلىعى مەن قۇلشىنىسىن تەرەڭ سەزىندى. ول جاراستىرعان وتباسى زورلىق - زومبىلىعى، مال - مۇلىك، قورا - جاي داۋ - شارى سياقتىلار 121 گە جەتتى. ول ماسەلەگە جولىققاندا، ەشقاشان تارتىنىپ كورمەدى، ايەلدەر بىرلەستىگى شەشە الماعان ماسەلەلەردى قاتىستى تاراۋلارمەن ىرىقتى تۇردە بايلانىس جاساپ، اڭىس ەتىلگەن ماسەلەنىڭ ٴبىر- بىرلەپ شەشىم تابۋىنا دەمەۋشى بولا ٴبىلدى.

”دۇكەن اشۋىما نۇرگينا اپەكەمنىڭ كومەگى زور بولدى، ول كىسىنىڭ كومەگىندە وبلىستىق ايەلدەر بىرلەستىگىنەن 15 مىڭ يۋاندىق <شاش سالونى> نىسان قارجىسىن ٴوتىنىش ەتىپ، يگىلىگىن كوردىم، پارتيا مەن ۇكىمەتتىڭ ابزال ساياساتىنىڭ ارقاسىندا جۇمىس باستاۋ قارجىسىنا يە بولىپ، شارۋاشىلىق قۇرۋ ارمانىم ٴساتتى جۇزەگە استى“ دەدى قارابۋرا قالاشىعى اقبايان شاش سالونىنىڭ قوجايىنى شارگۇل توقاي قىزى قۋانىشتى كوڭىلىن بىزبەن ٴبولىسىپ.

كۇنەس اۋدانى قارابۋرا قالاشىعى پارتكومىنىڭ شۋجيى جي شياڭ بىلاي دەدى: ”نۇرگينا 2012 - جىلى قالاشىعىمىزدىڭ ايەلدەر بىرلەستىگىنىڭ ورىنباسار ٴتورايىمى مىندەتىن ۇستىنە العاننان باستاپ كوكىرەك كەرنەگەن قىزۋ ىنتامەن قالاشىعىمىزداعى ايەلدەر بىرلەستىگى كادرلارىن باستاپ، ايەلدەر مەن بالالار قىزمەتىن تىندىرىمدى ىستەپ، نەگىزگى ساتىدا تامىر تارتىپ، ٴبىرىنشى شەپتە قىزمەت ىستەپ، ايەلدەر قاۋىمىمەن ەتەنە بايلانىس ورناتىپ، كوپشىلىكتىڭ سەنىمىنە يە بولدى“.

كوكىرەك كەرنەگەن قىزۋ ىنتا قىزمەتكە دەگەن قىزۋ سۇيىسپەنشىلىكتەن باستاۋ الادى. نەگىزگى ساتى ايەلدەر بىرلەستىگىنىڭ كادرى رەتىندە، نۇرگينا ٴوز قىزمەت ورنىن تياناق ەتىپ، ايەلدەر جۇرتشىلىعى قايدا بولسا، سول جەرگە ىشكەرىلەي تامىر تارتۋعا، اپەكە ـ سىڭلىلەرى نەنى قاجەت ەتسە، سول ٴۇشىن قىزمەت وتەۋگە قۇلشىندى. 2022 - جىلى ول ”انار گۇلى“ جەلەكتىلەر ۇگىت - لەكسيا اترەتىن قۇرىپ، ۇلگىلى جەلەكتىلەردى، ەرىكتىلەردى ۇيىمداستىرىپ ينتەرنەت جەلىسىندە جانە جەلىدەن تىس ” كولەمدى ۇگىت - لەكسيا“ ورىستەتىپ، قاراپايىم دا ۇعىنىقتى تىلمەن پارتيانىڭ باعىت - ساياساتتارىن نەگىزگى ساتىعا جەتكىزدى. وسى ۇگىت ـ لەكسيا اترەتىندە مەملەكەتتىك ۇزدىك نەگىزگە ساتى نازاريا ۇگىتشىسى جانار نۇرىمقان قىزىن قامتىعان 6 ادام بار. ولار ”جەلەكتىلەر پارتياعا ىلەسەدى“ باستى تاقىرىبىن ارقاۋ ەتىپ، جەلەكتىلەردى ٴوز وتباسىنداعى، قوعامداعى رولىن تولىق ساۋلەلەندىرىپ، جاڭا داۋىردە، جاڭا ساپاردا قايراتتانا ۇمتىلىپ، قىزمەت ورىندارىندا ىسكەرلىك كورسەتىپ، جەلەكتىلەردىڭ ”جارتى الەمدىك“ رولدارىن اناعۇرلىم جاقسى ساۋلەلەندىرۋگە شابىتتاندىردى.

2022 - جىلى ىندەتتەن ساقتانۋ - تىزگىندەۋ كەزىندە، نۇرگينا ”انار گۇلى“ مەيىربان انالار ەرىكتى قىزمەت وتەۋ ۇيىمىن باستاپ، ىلگەرىندى - كەيىندى قۇلجا قالاسى قارا ٴدوڭ اۋىلى توپى ٴدوڭ قىستاعىندا ٴبىرىنشى شەپتە ىندەتپەن شايقاسىپ جاتقان قىزمەتكەرلەرگە قۇنى 15 مىڭ 800 يۋاندىق زاتتىق ماتەريالدى جىلۋعا اتادى، كۇنەس اۋدانى كۇنەس قالاشىعىنا 1200 نان، 10 جاشىك جەمىس - جيدەك، كوكونىس سياقتى زاتتىق ماتەريالداردى جىلۋعا اتادى، كۇنەس اۋدانى قارابۋرا قالاشىعىنا 7500 يۋاندىق زاتتىق ماتەريال جىلۋعا اتادى. ولار ٴىس جۇزىندىك ارەكەتتەرى ارقىلى ىندەتتەن ساقتانۋ - تىزگىندەۋگە جەلەكتىلەر كۇش - قۋاتىن ارنادى“.

”انار گۇلى“ مەيىربان انالار ەرىكتى قىزمەت وتەۋ ۇيىمىندا قازىر 178 مۇشە بار، بۇل ۇيىم ىلگەرىندى - كەيىندى 156 جالعىز باستى قارتتان حال سۇرادى، وتباسىندا قيىنشىلىعى بار، ۇيىندە قالعان جانە جەتىم 240 بالاعا قامقورلىق جاسادى؛ ەرەكشە قيىنشىلىعى بار جانە سالماقتى ناۋقاسقا شالدىققان 180 جەلەكتىگە مەيىر باعىشتاپ، قامقورلىق جاساپ، جيىنى 130 مىڭ يۋان جىلۋ اتادى.

كەدەي بۇقاراعا كومەكتەسىپ - سۇيەمەلدەپ، وتباسى داۋ - شارىن جاراستىرىپ، قىستاق تۇرعىندارى اڭىس ەتكەن ٴتۇرلى ماسەلەلەردى شەشتى...... كوپ جىلدان بەرى نۇرگينا قىزمەت ورنىندا مىندەتى مەن جاۋاپكەرشىلىگىن ادا ەتىپ، ايەلدەر بىرلەستىگىنىڭ كوپىرلىك، دانەكەرلىك رولىن تولىق ساۋلەلەندىرىپ، ايەلدەرگە يدەيالىق جاقتان جەتەكشىلىك ەتۋگە، ولاردىڭ كەدەيلىكتەن ارىلىپ اۋقاتتانۋ، شارۋاشىلىق قۇرۋ، جۇمىستانۋ، زاڭدى ۇقىق - مۇددەسىن قورعاۋ، مەيىر باعىشتاۋ، قامقورلىق جاساۋ سياقتى قىزمەتتەردە بەلسەنە ىسكەرلىك كورسەتتى. جاقىنعى جىلداردان بەرى قارابۋرا قالاشىعى ايەلدەر بىرلەستىگى اۋدان بويىنشا ايەلدەر قىزمەتىن باعالاۋدا الدىڭعى قاتاردان بوي كورسەتىپ كەلەدى. 2021 - جىلى نۇرگينا ”مەملەكەتتىك ايەلدەر بىرلەستىگى جۇيەسى بويىنشا ۇزدىك قىزمەتكەر“ داڭقتى اتاعىنا يە بولدى.

جانار نۇرىمقان قىزى 2019 - جىلعى ”مەملەكەتتىك نەگىزگى ساتى نازاريا ۇگىتىندەگى ۇزدىك جەكە“ بولىپ باعالاندى، ۇلزيا سۇلەيمەن قىزى 2020 - جىلى ”مەملەكەتتىك ەڭ تاڭداۋلى ەرىكتى“ بولىپ باعالاندى... وسى تيپتىك تۇلعالار جەلەكتىلەر قاۋىمىنىڭ ۇلگىسىنە اينالىپ، كوپشىلىكتى بىرگە العا باسۋعا باستادى. الداعى قىزمەت جونىندە توقتالعاندا نۇرگينا: ”مىندەتىمدى ۇزدىكسىز مۇقيات ادا ەتىپ، جەلەكتىلەرگە ساپالى قىزمەت وتەپ، جەلەكتىلەر ٴۇشىن كوپتەپ ناقتى، يگى ىستەر ىستەۋگە، ولاردىڭ ناعىز جاناشىرى بولۋعا قۇلشىنامىن“ دەدى سەنىممەن.