ٴتىلشىمىز حان شاشا، ەرىكتى ٴتىلشى جاڭ يوۋجى حابارلايدى. 3 ـ ايدىڭ 16 ـ كۇنى ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى باس بولىپ، تەكەس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى، بيڭتۋان 4 ـ شىسىنىڭ 78 ـ تۋانى سياقتى ورىندار بىرلەسىپ وتكىزگەن ”جۇمىس ورنىمىز سىزگە دايىن“ اتىنداعى بيڭتۋان مەن جەرگىلىكتى ورىندى توعىستىرۋ جانە كەلەلى نىساندارعا جۇمىسشى قابىلداۋ جينالىسى تەكەس اۋدانىنىڭ ورتالىق الاڭىندا وتكىزىلدى.

وسى رەتكى جۇمىسقا قابىلداۋ جينالىسىنا 94 كاسىپورىن قاتىناسىپ، 400 جۇمىس ورنىمەن قامدادى، سول جەردىڭ وزىندە جينالىسقا قاتىناسقان ادام سانى 3 مىڭ 200 دەن اسىپ، ٴبىر مىڭ 554 ادام جۇمىستانۋ نيەتىنە كەلىستى.

«جۇمىس ورنى قايدا ەكەن؟» تەكەس اۋدانى قارادالا قالاشىعىنان كەلگەن سەرىك شاداۋ ۇلى جۇمىسقا قابىلداۋ كورمە ورنىن بويلاي كورە ٴجۇرىپ، ٴالسىن - ٴالسىن ايالداپ كاسىپورىنداردىڭ جۇمىسقا قابىلداۋ ناقتى جاعدايىن ۇعىستى.

”بۇل رەتكى جۇمىسقا قابىلداۋ جينالىسى كوپتەگەن جۇمىس ورنىن ازىرلەگەن، وزىمە ۇيلەسەتىن قىزمەت تابۋدى ٴۇمىت ەتەمىن“ دەدى سەرىك.

”سەرىكتەستىگىمىز جايشىلىقتا ينتەرنەتتە قىزمەتكەر قابىلداۋ ينفورماتسياسىن جاريالايدى، ٴبىراق نازار اۋدارۋ دەڭگەيى جوعارى بولمايتىن، وسى رەتكى قىزمەتكەر قابىلداۋ جينالىسى كوپتەگەن قىزمەت ىزدەۋشىلەردى اقىل ـ كەڭەس سۇراۋعا، قىزمەت قاراستىرۋعا باۋرادى“ دەدى شينجياڭ قاراجون قارجى قوسۋ شەكتى جارنا سەرىكتەستىگىنىڭ ارناۋلى قىزمەتكەرى جاڭ زىڭيۋە.

ناق مايدان جۇمىسقا قابىلداۋ جينالىسى تاعى ينتەرنەت تىكە تاراتىلىمىندا جۇمىس ورنىن تانىسترۋ ارناۋلى رايونىن قۇرىپ، جەلىدە جۇمىسقا قابىلداۋدى تەڭ قادامدا ورىستەتىپ، جۇمىسقا قابىلداۋدىڭ قامتۋ كولەمىن كەڭەيتىپ، سول جەردىڭ وزىندە جۇمىسقا قابىلداۋعا قاتىناسا المايتىن جوعارى مەكتەپ بىتىرگەن وقۋشىلار، جۇمىستانۋى قيىن ادامدار، قوسىننان شەگىنگەن اسكەريلەر، اۋىل - قىستاقتارداعى بوس ەڭبەككۇشتەر سياقتى قاۋىمعا جەلىدە قىزمەت وتەدى، سول كۇنى تىكە تاراتىلىمدى كورگەندەردىڭ سانى 550 مىڭ ادام - رەتكە جەتتى.

سوڭعى جىلدارى تەكەس اۋدانى بيڭتۋان مەن جەرگىلىكتى ورىننىڭ ٴوزارا پايدا جەتكىزۋ، تەڭ يگىلىككە كەنەلۋ، توعىسپالى دامۋ ۇستانىمىنا تاباندى بولىپ، بيڭتۋاننىڭ كاسىپ سالاسى باسىمدىعىنا سۇيەنىپ، قىسقى قاۋىرت تاربيەلەۋدەن پايدالانىپ، بيڭتۋان مەن جەرگىلىكتى ورىندى توعىسىتىرىپ، ەگىنشى ـ مالشىلاردى تەحنيكالىق جاقتان تاربيەلەۋ كۋرسىن ۇيىمداستىرىپ، اۋىس ـ كۇيىس جاساۋ، باۋلۋ ارقىلى ەگىنشى ـ مالشىلاردىڭ كىرىسىن ارتتىرىپ، اۋقاتتانۋ قابىلەتىن جوعارىلاتتى.

جۇمىسقا قابىلداۋ جينالىسىنىڭ ناق مايدانىندا وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى لۋ ۋىنلي بىلاي دەدى: ”بيڭتۋان مەن جەرگىلىكتى ورىن − ٴبىر ٴۇيلى جان“ ۇستانىمىن بەرىك ورناتىپ، جۇمىس ورنىن ۇزدىكسىز اشىپ، اناعۇرلىم كوپ جۇمىستانۋ ورايىن جاراتۋ كەرەك. ٴارقايسى اۋىل ـ قالاشىقتار دالمە ـ ٴدال اداقتاپ، ەڭبەككۇش سانىن يگەرىپ، كاسىپورىنداردىڭ دامۋى ٴۇشىن جەتكىلىكتى جۇمىسشى كەپىلدىگىمەن قامداۋى كەرەك. جۇمىسشى ىستەتەتىن ورىندار قوعامدىق جاۋاپكەرشىلىكتى ىرىقتىلىقپەن ارقالاپ، جەرگىلىكتى ورىنداعى ەڭبەككۇشتەردى بەلسەنە جۇمىسقا قابىلداپ، ەڭبەكشىلەردىڭ تەز ارادا وزىنە ۇيلەسەتىن جۇمىس ورنىن تاۋىپ، تاڭداۋلى ونەركاسىپ جۇمىسشىسى بولۋىنا مۇمكىندىك جاساۋى كەرەك.

بۇدان كەيىن وبلىسقا توتە قاراستى اۋدان، قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى بيڭتۋان 4 - شىسىنىڭ ادام كۇشى بايلىعى جانە قوعامدىق قامتاماسىزداندىرۋ مەكەمەلەرىمەن اۋىس - كۇيىستى كۇشەيتىپ، بيڭتۋان مەن جەرگىلىكتى ورىننىڭ توعىسۋىن، ىشكەرىلەي دامۋىن جەبەپ، قالا - اۋىل ەڭبەكشىلەرىنىڭ وڭىرلىك شەكتەمەنى بۇزىپ، ەڭبەككۇشتەردىڭ كوپتەپ جۇمىستانۋىن جەبەپ، قامداۋ مەن قاجەتسىنۋ جاعىنداعى اۋىس - كۇيىس تۇعىرىن قۇرىپ، دالمە - ٴدال سايكەسۋدى جەبەپ، قالا - اۋىلداردا، مەكتەپ اۋلاسىندا، شارۋا جۇمىسكەرلەر اراسىندا ارناۋلى قىزمەتكە قابىلداۋ جينالىسىن ٴتۇيىندى ورىستەتىپ، ٴتۇرلى قىزمەتكە قابىلداۋ قيمىلدارىن وبلىسقا توتە قاراستى اۋدان - قالالارعا، تۋان - الاڭدارىنا دەيىن وتكىزىپ، ٴتىپتى دە كوپ ادامنىڭ جۇمىستانۋ ماسەلەسىن شەشۋىنە كومەكتەسەدى.