汉文 ىلە اقپارات تورابىنا حوش كەلدىڭىزدەر!
ىلە وبلىستىق قىزىل كرەست قوعامىنىڭ جالپىلىق قىزمەت وتەۋ ورتالىعى پايدالانۋعا بەرىلدى
2023-03-25 12:41:56     كورىلىم:رەت كەلۋ قاينارى:ىلە گازەتى  جاۋاپتى رەداكتور:جارقىن تۇسەن ۇلى

ىلە وبلىستىق قىزىل كرەست قوعامىنىڭ جالپىلىق قىزمەت وتەۋ ورتالىعى پايدالانۋعا بەرىلدى

قىزىل كرەست قوعامىنىڭ قۇتقارۋداعى ەڭ ۇلكەن قوعامدىق ونىمدىلىگى ساۋلەلەندىرىلەدى

ٴتىلشىمىز كاميلا حابارلايدى. جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى مەن جياڭسۋ ولكەلىك قىزىل كرەست قوعامى بىرلەسىپ 2 ميلليون يۋانعا جۋىق قارجى شىعارىپ سالعان ىلە وبلىستىق قىزىل كرەست قوعامىنىڭ جالپىلىق قىزمەت وتەۋ ورتالىعى نىسانىنىڭ قۇرىلىسى اياقتاپ، تاياۋدا پايدالانۋعا بەرىلدى.

بۇل نىسان قۇلجا شەكارالىق ەكونوميكالىق سەلبەستىك رايونىنداعى مادەنيەت جولى 99 - ٴنومىرلى اۋلاعا ورنالاسقان، قۇرىلىس كولەمى 272.29 شارشى مەتر، شۇعىل جاعدايعا توتەپ بەرۋ، قۇتقارۋدى باستان كەشىرۋ زالى، قىزىل كرەست قوعامى كورمە زالى، ساباقحانا سياقتىلار قامتىلعان. بۇل نىسان قۇرىلىسىن سالۋداعى باستى ماقسات − قىزىل كرەست قوعامىنىڭ قۇتقارۋ - كومەكتەسۋ كۋرسىن بەسكە جەتكىزۋدى (ورگاندارعا، مەكتەپتەرگە، كاسىپورىندارعا، الەۋمەتتىك اۋماقتارعا، وتباسىلارىنا جەتكىزۋدى) بەلسەنە ىلگەرىلەتىپ، قوعامنىڭ ٴار سالاسىنداعىلارعا قىزىل كرەست قوعامىنىڭ كاسىپتىك بىلىمدەرىن جالپىلاستىرۋ؛ نەگىزىنەن ورتا، باستاۋىش مەكتەپتەرگە جانە ٴتۇيىندى حاۋىپ - قاتەرى بار كاسىپتەرگە باس اماندىقتى قورعاۋ تاربيەسى مەن شۇعىل جاعدايعا توتەپ بەرۋ، قۇتقارۋ بىلىمدەرىن جالپىلاستىرۋ، ۇگىتتەۋ قىزمەتىن ورىستەتىپ، قىزىل كرەست قوعامىنىڭ شۇعىل جاعدايعا توتەپ بەرۋ، قۇتقارۋ كۋرسى قىزمەتىنىڭ تەز، جۇيەلى، اقاۋسىز دامۋىن جەبەۋ.

بىرنەشە كۇننىڭ الدىندا ىلە وبلىسىنىڭ ورىنباسار باستىعى ليۋ چيڭحۋا جاڭادان پايدالانۋعا بەرىلگەن وبلىستىق قىزىل كرەست قوعامىنىڭ جالپىلىق قىزمەت وتەۋ ورتالىعىنا كەلىپ، قىزمەت وتەۋ ورتالىعىنىڭ اينالىمى، پايدالانىلۋى سياقتى جاقتارىنا قاراتا قىزمەت وتەۋ ورتالىعىنىڭ جەبەۋ، جەتەكتەۋ رولىن شىنايى ساۋلەلەندىرىپ، قىزمەت وتەۋ ورتالىعىن قىزىل كرەست قوعامىنىڭ قۇتقارۋ ٴبىلىمى كۋرسىندا بەسكە جەتكىزۋدەن ۇلگى كورسەتەتىن ورىن ەتىپ قۇرىپ شىعىپ، قىزىل كرەست قوعامىنىڭ قۇتقارۋداعى ەڭ ۇلكەن قوعامدىق ونىمدىلىگىن ويداعىداي ساۋلەلەندىرىپ، ٴتۇيىندى كورنەكتىلەندىرىپ، بىرتىندەپ جالپىلاستىرىپ، قوعامعا باقىت جاراتۋىن تالاپ ەتتى.

وبلىستىق قىزىل كرەست قوعامى پارتيا باسشىلىق گرۋپپاسىنىڭ شۋجيى، ۇنەمىلىك ىستەرگە جاۋاپتى ورىنباسار باستىعى لي پىڭ بىلاي دەپ تانىستىردى: قىزمەت وتەۋ ورتالىعى ٴار جىلى 5000 كۋرسانت تاربيەلەپ، ىلە وبلىسىنىڭ باس اماندىقتى قورعاۋ تاربيەسى بازاسىنا، شۇعىل جاعدايعا توتەپ بەرۋ، قۇتقارۋداعى وزەكتى يقۋاتتى ورىنعا اينالىپ، توڭىرەكتەگى وڭىرلەرگە ىقپال جاساپ، ورتالىقتىڭ الەۋمەتتىك بايلىعىنىڭ ەڭ زور ونىمدىلىگىن ساۋلەلەندىردى.

”جالپىلىق قىزمەت وتەۋ ورتالىعىنىڭ قۇرىلۋى قۇتقارۋ ـ كومەكتەسۋ اترەتىنە زور كومەك كورسەتتى، قازىر جۇيەلى وقىتۋ، باۋلۋ الاڭى مەن كەمەلدى جابدىقتارعا يە بولدىق، كاسىپتىك وقىتۋشىلارعا سۇرانىسى بار تۇرعىنداردى ٴتىپتى دە تىكە تاربيەلەي الادى، كوپشىلىك امالياتتىق مايداننان تولىق پايدالانىپ، ٴتۇرلى قۇتقارۋ شارالارىن ٴتىپتى دە جاقسى يگەرە الادى“  دەدى وبلىستىق قىزىل كرەست قوعامى گۇڭياڭ قۇتقارۋ  - كومەكتەسۋ اترەتىنىڭ باستىعى ۋاڭ چىڭ.