وسى كوكتەمدە جۇمىستاندىرۋ دەگەن ٴسوز تاعى دا قولامتالى تۇيىنگە اينالدى. مەملەكەتتىك ەكى ٴماجىلىستىڭ قىزۋ تالقى تاقىرىبىنان بۇكىل شينجياڭنىڭ جەر - جەرىندەگى ادام ٴيىن تىرەسكەن قىزمەتكەر قابىلداۋ بازارلارىنا دەيىن؛ جوعارى مەكتەپتەن وقۋ تاۋىسقانداردى جۇمىسقا قابىلداۋعا اكەلگەن - اپارعان جالدامالى اۆتوكولىكتەردەن ۆوگزالدىڭ پويەز كۇتۋ زالىندا جۇمىس ورنى ينفورماتسيالارىن جەتكىزۋگە دەيىن، بارلىعىندا ”جۇمىستاندىرۋ − ەڭ نەگىزگى حالىق تۇرمىسى“ دەگەنگە جاندى تۇسىنىك قوسىلدى.

اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساندى مالىمەتىندە كورسەتىلۋىنشە، بيىل جىل باسىنان بەرى، رايونىمىزداعى ٴار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى ۇيىمداستىرعان ٴتۇرلى جۇمىسقا قابىلداۋ قيمىلدارى 1317 رەت بولىپ، 591 مىڭ ەڭبەكشىنىڭ جۇمىستانۋى ٴۇشىن 406 مىڭ جۇمىس ورنىن ازىرلەگەن.

قىزمەت تۇعىرى الدىندا، ۇلاسپالى جەلىدە، رەستورانداردىڭ اس ۇيىندە، ساياحاتتىق كورىنىس وڭىرلەرىندە... جوعارى مەكتەپتەردەن وقۋ تاۋىسقاندار، اۋىل - قىستاق ەڭبەككۇشتەرى، جۇمىستانۋى قيىن بولعاندار ٴوز جۇمىس ورىندارىندا تەر توگىپ، رايونىمىزدىڭ ەكونوميكاسىنىڭ، قوعامىنىڭ جوعارى ساپالى دامۋىنا سارقىلماس قوزعاۋشى كۇش ۇستەدى.

الدا ٴجۇرىپ قىزمەت وتەپ، سۇرانىس ولشەمىنە تۋرالاپ، ناقتى شارا قولداندى

كاسىپورىن − بازارلانعان جۇمىستاندىرۋدى ىلگەرىلەتۋدىڭ نەگىزگى بۋىنى، جۇمىستاندىرۋ قىزمەتىنىڭ ساپاسىنا باعا بەرۋدە، ەڭ اۋەلى، كاسىپورىننىڭ قاجەتىن ٴدال بىلگەن - بىلمەگەندىگىنە قاراۋ كەرەك.

ٴشوپ كۇركەگە ٴۇش رەت بارۋ دەگەن بۇرىنعىلاردان قالعان ٴسوز بار، ٴبىراق كاسىپورىندارعا بارىپ قاجەتسىنۋ جاعدايىن ۇعىسۋ جاعىندا ساۋان قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ جۇمىستاندىرۋعا قىزمەت وتەۋ ورتالىعىنىڭ مەڭگەرۋشىسى دىڭ رۇيجياڭ 3 رەت بارۋدى ازىرقاندى.

ٴوندىرىس جەلىسى ٴبىر - بىرلەپ اينالىمعا ٴتۇسىپ، ساۋان قالاسىنداعى جۇمىسشى ىستەتۋ كولەمى ەڭ ۇلكەن ەڭبەككۇش شوعىرلانعان كاسىپورىن سانالاتىن شينجياڭ شيڭتاي تالشىق عىلىم - تەحنيكاسى شەكتى سەرىكتەستىگىنىڭ جۇمىسشى ىستەتۋ قاجەتى دە بارعان سايىن زورايىپ، دىڭ رۇيجياڭ كاسىپورىننىڭ تۇراقتى قوناعىنا اينالدى.

كەم بولىپ تۇرعان جۇمىسشى سانى (جۇمىس ٴتۇرى)، جۇمىسشى ىستەتۋ قاجەتى، جۇمىس ورنىنا كەلۋ تالابى... ٴار جولى كاسىپورىنعا بارعاندا دىڭ رۇيجياڭنىڭ ەستەلىك داپتەرىنە جاڭا مازمۇندار ەستەلىككە الىنادى. قىزمەت ورنىنا قايتىپ بارعاننان كەيىن، تاعى ”ٴبىر كاسىپورىنعا ٴبىر شارا قولدانۋ“ ولشەمى بويىنشا باعىتتامالى قىزمەت وتەۋ شارالارىن زەرتتەيدى.

ٴوندىرىستىڭ قاۋىرت مەزگىلىندە كاسىپورىنداردا ادام جەتىسپەيدى، دىڭ رۇيجياڭ ۇگىت كىتاپشالارى مەن جۇمىسشى قابىلداۋ ينفورماتسياسىن سىچۋان، حىنان سياقتى ەڭبەككۇش شىعاراتىن ٴىرى ولكەلەرگە الا بارىپ تانىستىردى. ٴوندىرىس جەلىسىندە تىكە تاراتۋ ارقىلى جۇمىس ورىندارىن تانىستىرىپ، ەڭبەكشىلەرگە كاسىپورىنداردىڭ ٴوندىرىس مازمۇنى مەن قىزمەت ورتاسىن اناعۇرلىم كورنەكتى ٴتۇسىندىردى... كۇتۋشى ۇلگىسىندەگى بارلىعىن قامتىعان قىزمەت وتەۋ ارقىلى كاسىپورىنداردىڭ ٴوندىرىس جەلىسىن دەر كەزىندە 303 اداممەن تولىقتاپ، جۇمىس مەرزىمىن ٴبىر كۇن دە كەشەۋىلدەتپەدى.

التاي ايماعى تۇرعىن ٴۇي جانە قالا - اۋىل قۇرىلىسى، مادەنيەت - ساياحات، ونەركاسىپ جانە ينفورماتسيالاندىرۋ سياقتى كاسىپتىك تاراۋلارمەن ىرىقتىلىقپەن ۇشتاسىپ، جۇمىسشى ىستەتۋ سۇرانىسى ٴتىزىمىن قالىپتاستىردى. قاشقار ايماعى جۇمىس ورنى ينفورماتسياسىن ۇدايىلاندىرا جەتكىزۋ مەن ارناۋلى جۇمىسقا قابىلداۋ جينالىسىن ٴوزارا ۇشتاستىرۋعا تاباندى بولىپ، كاسىپورىنداردىڭ جۇمىس ورنى ينفورماتسيالارىن كوپ ارنامەن توپتادى. تارباعاتاي ايماعى جەرگىلىكتى ورىنداعى ەڭبەككۇش شوعىرلانعان كاسىپورىنداردى ارالاپ، كاسىپورىنداردىڭ ىزدەپ كەلۋىن قىزمەت وتەۋدى جەتكىزىپ بەرۋگە وزگەرتتى. ٴۇرىمجى قالاسى تەكسەرۋ - زەرتتەۋ گرۋپپاسىن قۇرىپ، 3 دارەجەلى الەۋمەتتىك جۇمىستاندىرۋعا قىزمەت وتەۋ قۇرىلىمدارىن، شاعىن، ۇساق كاسىپورىنداردى، جەكە ساۋدا - ونەركاسىپشىلەردى جانە تۇرعىندار اۋماعىن ارالاپ، ساتىلارعا، كاسىپتەرگە، تۇرلەرگە ايىرىپ، كاسىپورىندارداعى ادام كەمشىل بولعان جۇمىس ورىندارىنىڭ ٴتىزىمىن شىعاردى... بۇكىل شينجياڭنىڭ جەر - جەرى كاسىپورىنداردىڭ قاجەتىن ارقاۋ ەتە شىنايى كۇش سالىپ، ناقتى ٴادىس - امال قولدانىپ، كاسىپورىنداردىڭ دامۋ سەنىمىن بەكەمدەدى.

”ٴار اپتانىڭ جۇما كۇنى ٴبىز قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى تاراتقان جۇمىسشى قابىلداۋ سۇرانىسى كەستەسىن تاپسىرىپ الامىز، جۇمىسقا قابىلداۋ جينالىسى بولا قالسا، ادام كۇشى بايلىعى جانە قوعامدىق قامتاماسىزداندىرۋ مەكەمەسى اۆتوكولىك جىبەرىپ ٴبىزدى اپارىپ - اكەلىپ قويادى، اۋەلى، تاماق اقىسىن دا ٴوزىمىز تولەمەيمىز، ۇكىمەتتىڭ ٴوزى وسىلاي كوڭىل ٴبولىپ جاتقاندا، ٴبىزدىڭ قۇلشىنبايتىن نە ٴجونىمىز بار“! - دەدى ىلە حۇيچاڭ ينفورماتسيا عىلىم - تەحنيكاسى شەكتى سەرىكتەستىگىنىڭ باس ديرەكتورى حان ۋيۋي.

اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ قاتىستى جاۋاپتىسى بىلاي دەپ تانىستىردى: سوڭعى جىلدارى رايونىمىز جۇمىستاندىرۋعا قىزمەت وتەۋ ساپاسىن جوعارىلاتۋ ينجەنەرياسىن ىشكەرىلەي اتقاردى، ٴار دارەجەلى ادام كۇشى بايلىعى جانە قوعامدىق قامتاماسىزداندىرۋ كادرلارى نەگىزگى ساتى ٴبىرىنشى شەبىنە ىشكەرىلەي بارىپ، جۇمىستاندىرۋ قىزمەت وتەۋىن دالمە - ٴدال ورىستەتىپ، جۇمىس ورىندارىن ورنىقتىرۋدىڭ، جۇمىستاندىرۋدى جەبەۋدىڭ مىقتى تۇتقاسىنا اينالدى.

وڭىرلەر بىرلەسىپ قيمىلداپ، دارىندى قابىلداۋ ۇلكەن ارناسىن كەڭەيتتى

بيىل جىل باسىنان بەرى، كاسىپورىنداردىڭ جۇمىسشى قابىلداۋداعى قاجەتسىنۋ مولشەرى ۇزدىكسىز ارتىپ، جۇمىستاندىرۋ بازارىندا قۋاتتى جالىندى كۇش جارىققا شىقتى. رايونىمىزدىڭ الەۋمەتتىك جۇمىستاندىرۋعا قىزمەت وتەۋدەگى 24 ارناۋلى قيمىلىنىڭ ۇزدىكسىز تەرەڭدەۋىنە، ناقتىلانۋىنا بايلانىستى بۇكىل رايوننىڭ جەر - جەرى تۇرلەر بويىنشا جۇمىسقا قابىلداۋ جينالىسىن وتكىزىپ، جۇمىسقا قابىلداۋ جينالىسىن بۇقارانىڭ ەسىك الدىندا اشىپ، ينتەرنەت جەلىسىندە جۇمىسقا قابىلداۋ، تىكە تاراتىلىمدا جۇمىس ورنىن تانىستىرۋ ارقىلى جۇمىستاندىرۋ ارناسىن كەڭەيتۋ قالىپتى كۇيگە اينالدى. ال وڭىرلىك شەكتەمەنى بۇزىپ، بىرلەسىپ قيمىلداۋدى كۇشەيتىپ، جوعارى جيىلىكتە ٴوڭىر اتتاپ، ولكە اتتاپ دارىندىلاردى قابىلداۋ وسى رەتكى تالاسا - تارماسا ادام قابىلداۋدىڭ ناق شارىقتاۋ شەگى بولدى.

قارامايلى قالاسى توڭىرەكتەگى ايماق - وبلىستارعا جۇمىسقا قابىلداۋ جينالىسىنا شاقىرۋ حاتىن جولداپ، اۆتوكولىك جالداۋ ارقىلى شينجياڭ كولەمىندەگى جوعارى مەكتەپتەردەن بيىل وقۋ تاۋىساتىن وقۋشىلاردان جۇمىسقا قابىلداۋ جينالىسىنا قاتىناسۋشىلاردى اپارىپ - اكەلىپ قانا قويماي، بيىل تاعى شىحىزى داشۋەسىمەن «جۇمىستاندىرۋ سەلبەستىك كەلىسىمىن» جاساسىپ، دارىندىلار باسىمدىعى جانە كاسىپ سالاسى باسىمدىعى سىندى قوس باعىتتا كىرىسۋ ارقىلى جۇمىستاندىرۋ قىزمەتىنىڭ باياندى دامۋىن جەبەدى.

”كاسىپورىندار مەن دارىندىلاردىڭ اۋىس - كۇيىس قامالىن بۇزۋ ٴبىر تۇلعالانعان ادام كۇشى بايلىعى بازارىن قالىپتاستىرۋعا اناعۇرلىم ٴتيىمدى بولىپ، ٴار ۇلت بۇقاراسىنىڭ اناعۇرلىم تولىق، اناعۇرلىم جوعارى ساپالى جۇمىستانۋىن جەبەيدى“، - دەدى اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعى شارۋاشىلىق قۇرۋعا قىزمەت وتەۋ ٴبولىمىنىڭ باستىعى جاڭ وۋ.

بۇكىل رايوننىڭ جەر - جەرى وڭىرلىك بىرلەسۋدى ىرىقتىلىقپەن كۇشەيتىپ، جۇمىستاندىرۋ بازارىن ونان ارى جانداندىرىپ، بايلىقتىڭ قوس باعىتتا جىلجۋىن جەبەۋمەن بىرگە، ولكە اتتاعان جۇمىسشى قابىلداۋدى جەدەلدەتۋ تەتىگىن ىركەس - تىركەس باسىپ، شالعايدان سۋ باستاۋ ارقىلى كاسىپورىنداردىڭ ٴشولىن قاندىردى.

توقىماشىلىق جۇمىسشىلارى، قىزىل بۇرىش جينايتىن ماۋسىمدىق جۇمىسشىلار، باعىمشىلىق تەحنيكتەرى، قۇرىلىس جۇمىسشىلارى... تارباعاتاي ايماعى 2 - ايدىڭ 25 - كۇنىنەن 3 - ايدىڭ 9 - كۇنىنە دەيىن قاشقاردان، حوتاننان شاندۇڭنىڭ ۋيفاڭىنا، سىچۋاننىڭ جۋنيڭىنا، گانسۋدىڭ لۇڭنانىنا ويىسىپ، ەڭبەككۇشتەردى ٴتۇيىلىستىرۋ قىزمەتىن ورىستەتىپ، 642 ادامنىڭ جۇمىستانۋ ويى بويىنشا كەلىسۋىن جەبەپ قانا قويماي، 13 ەڭبەك كەلىسىمىن جاساستى.

”شينجياڭنىڭ ٴىشى - سىرتىنداعى ٴار جەرمەن ەڭبەككۇشتەردى ٴتۇيىلىستىرۋ ٴبىزدىڭ ەڭبەككۇش شىعارۋ جاعىنداعى پايدالى تاجىريبەلەردى توپتاۋىمىزعا مۇمكىندىك اپەردى“. تارباعاتاي ايماقتىق ادام كۇشى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى شيا جيانجۇن بىلاي دەدى: بۇدان بىلاي تارباعاتاي ايماعى تاعى اۋىل - قىستاق ارتىق ەڭبەككۇشتەرىن جاقىن ماڭدا، سول جەردە جۇمىستاندىرۋدى جەبەۋ، كۇندىكشىلەر بازارىن جوعارى ساپالى جوبالاپ تۇلعالاۋ، شارۋاشىلىق سيپاتتى ەڭبەككۇش قۇرىلىمدارىن ارناعا ٴتۇسىرۋدى جەبەۋ سياقتىلار توڭىرەگىندە ٴىس تىندىرادى.

سانجى حۇيزۋ اۆتونوميالى وبلىسى ەڭبەككۇش شىعارىلاتىن باستى ولكە - قالالارعا ارناۋلى ادام جىبەرىپ، سول جەرلەردىڭ ەڭبەككۇش بايلىعىنىڭ جاعدايىن ٴبىلدى ٴارى جۇمىسقا قابىلداۋ ۇگىتىن دالمە - ٴدال ورىستەتتى. قارامايلى قالاسى شوجوۋ قالالىق جوعارى دارەجەلى شىفان ارناۋلى تەحنيكۋم مەكتەبىمەن پراكتيكا سەلبەستىك قارىم - قاتىناسىن ورناتىپ، مەكتەپتەگى وقۋشىلاردىڭ قارامايلى قالاسىنداعى جۇمىس ورىندارىندا پراكتيكا جاساۋىنا قولداۋ كورسەتتى. قۇمىل قالاسى قۇمىلعا كەلىپ تۇراقتى جۇمىس ىستەپ جاتقان قۇمىل نوپوسىندا جوق ەڭبەككۇشتەرگە قاتىناس، تۇرمىس، تۇرعىن ٴۇي، باۋلۋ سياقتى جاقتاردا قوسىمشا قاراجات بەردى جانە قولداۋ كورسەتتى... بۇكىل رايوننىڭ جەر - جەرىندەگى ادام كۇشى بايلىعى جانە قوعامدىق قامتاماسىزداندىرۋ تاراۋلارى جۇمىستاندىرۋ توتە كولىگىن جۇرگىزىپ، جۇمىستاندىرۋ بويىنشا قىزمەت كورسەتۋ شاعىن اترەتىن جىبەرىپ، الۋان ٴتۇرلى ٴادىس - امال قولدانۋ ارقىلى جۇمىس ورىندارىن ورنىقتىرىپ، جۇمىس ورىندارىن مولايتۋمەن بىرگە، الەۋمەتتىك جۇمىستاندىرۋ بويىنشا قىزمەت كورسەتۋدەگى جارامدىلىق پەن ريزالىقتى ۇزدىكسىز جوعارىلاتتى.

3 - ايدىڭ 21 - كۇنى شينجياڭ شيڭتاي تالشىق عىلىم - تەحنيكاسى شەكتى سەرىكتەستىگىندە جۇمىسقا شىعۋدان بۇرىن ٴوندىرىس حاۋىپسىزدىگى سياقتى ٴبىر قىدىرۋ مازمۇنداعى باۋلۋدان وتكەننەن كەيىن، گانسۋلىق قىزمەتشى ۋاڭ لياڭ رەسمي جۇمىسقا شىقتى. ”ۇيدەن شىعۋ، كولىككە وتىرۋ، زاۆودقا قابىلدانۋ، جالپى بارىسىندا تۇگەلدەي ادام كۇشى بايلىعى جانە قوعامدىق قامتاماسىزداندىرۋ كادرلارى تۇيىلىستىرەدى، سونداي - اق كاسىپورىن بىزگە اقىسىز جاتاق ازىرلەپ بەرىپ، ٴبىزدى مەيىرگە بولەدى جانە الاڭسىز ەتتى“! - دەدى ۋاڭ لياڭ.

ساياساتتى الدىمەن اتقارىپ، ٴتۇيىندى قاۋىمنىڭ ورنىقتى جۇمىستانۋىنا دەم بەردى

بيىل 2 - ايدا شينجياڭ جول - كوپىر قۇرىلىسى توبى سولتۇستىك شينجياڭ ينجەنەريا قۇرىلىسى شەكتى سەرىكتەستىگى جوعارى مەكتەپتەن وقۋ تاۋىسقاندار اراسىنان جاڭادان قابىلدانعان 52 ادامنىڭ ٴارقايسىسىنا 1500 يۋاندىق جۇمىس ورنىن مولايتۋ تولىقتاما قاراجاتىن ٴوتىنىش ەتتى.

”وسى جۇمىس ورنى تولىقتاما قاراجاتى ارقىلى جاڭا قىزمەتشىلەرگە باعىتتالعان ۇدايىلانعان باۋلۋ قامتاماسىز ەتىلدى، سونداي - اق بۇل ٴبىزدىڭ اۋىرتپالىعىمىزدى جەڭىلدەتتى ٴارى ٴبىزدى جوعارى مەكتەپ تۇلەكتەرىن كوبىرەك قابىلداۋعا شابىتتاندىردى“، - دەدى شينجياڭ جول - كوپىر قۇرىلىسى توبى سولتۇستىك شينجياڭ ينجەنەريا قۇرىلىسى شەكتى سەرىكتەستىگى ادام كۇشى بايلىعى ٴبولىمىنىڭ ديرەكتورى ۋاڭ ياچيۇڭ.

جوعارى مەكتەپتەن وقۋ تاۋىسقاندار، كەدەيلىكتەن ارىلعان حالىق سياقتى جۇمىستاندىرۋداعى ٴتۇيىندى قاۋىمنىڭ شارپيتىن ادام سانى كوپ، بۇلار ورنىقتى جۇمىستاندىرۋ قىزمەتىندەگى ماڭىزدىنىڭ ماڭىزدىسى بولىپ تابىلادى.

”ٴبىز 2020 - جىلى 7 - ايدان كەيىن جۇمىستانباعان جوعارى مەكتەپ تۇلەكتەرى مەن 16 − 24 جاستاعى تىزىمگە الىنعان جۇمىسسىز جاستاردى قابىلداعان كاسىپورىندارعا ٴار ادام ٴۇشىن 1500 يۋاندىق ولشەم بويىنشا جۇمىس ورنىن مولايتۋ ٴبىر رەتتىك تولىقتاما قاراجاتىن تاراتىپ، جاستاردىڭ، اسىرەسە، جوعارى مەكتەپ وقۋ تاۋىسقانداردىڭ جۇمىستانۋ جولىن كەڭەيتەمىز“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ قاتىستى جاۋاپتىسى.

ەڭبەككۇشتەر ىستەستىگى مەحانيزمىن اقاۋسىزداندىرىپ، اۋىل - قىستاقتاعى كەدەيلىكتەن ارىلعان حالىقتىڭ ورنىقتى جۇمىستانۋىن كوپ ارنامەن جەبەدى. ينتەرنەت جەلىسىندەگى جانە جەلىدەن تىس جۇمىسسىزدىقتى تىزىمگە الۋ ارناسىن ىركىلىسسىزدەندىرىپ، جۇمىستانۋى قيىن بولعانداردىڭ بارلىعىن جاردەم بەرۋ كولەمىنە دەر كەزىندە ەنگىزدى... سوڭعى جىلدارى رايونىمىز جۇمىستاندىرۋعا الدىمەن ٴمان بەرۋ ستراتەگياسىن تاباندىلىقپەن اتقارىپ، جۇمىستاندىرۋعا الدىمەن ٴمان بەرۋ ساياساتىن اناعۇرلىم ناقتى، ەگجەي - تەگجەيلى تياناقتاندىرىپ، ٴتۇيىندى قاۋىمدى جۇمىستاندىرۋ بويىنشا كومەكتەسۋ - سۇيەمەلدەۋ سەرپىنىن ۇزدىكسىز ارتتىردى.

بىلەك سىبانىپ، بالاق تۇرە ىسكە كىرىستى... 3 - ايدىڭ 27 - كۇنى شينجياڭ جيڭحى توقىماشىلىق عىلىم - تەحنيكاسى شەكتى سەرىكتەستىگىنىڭ كيىم - كەشەك سەحىندا زۇليمان ابدۇحالەل تىگىلگەن كيىمدەردى ٴبىر - بىرلەپ مۇقيات تەكسەرىپ جاتتى. ”زاۆودقا قابىلدانعان سوڭ، 3 − 6 اي ۇيلەسۋ مەرزىمى بولادى، تەحنيكا تىرەكتىلەرى قالاي ىستەۋ كەرەكتىگىن قولما - قول ۇيرەتتى، ٴار ايدا ەڭ تومەنگى جالاقى قامتاماسىزدىعى بار، مۇنان سىرت، ىشەر اس، جاتار ورىن ازىرلەپ بەرەدى، سونىمەن كوڭىل قويا تەحنيكا ۇيرەنىپ ٴجۇرمىن“، - دەدى زۇليمان.

بيىل زۇليمان سياقتى كەدەيلىكتەن ارىلعان 73 ادام شينجياڭ جيڭحى توقىماشىلىق عىلىم - تەحنيكاسى شەكتى سەرىكتەستىگىنە قابىلدانىپ، ونەركاسىپ جۇمىسشىسىنا اينالدى. ”جاڭا قىزمەتشى قابىلداعان سوڭ، ٴبىز حوتان قالاسىنىڭ ادام كۇشى بايلىعى جانە قوعامدىق قامتاماسىزداندىرۋ تاراۋىنان ٴار ادام ٴۇشىن 2400 يۋاندىق توقىماشىلىق، كيىم - كەشەك بويىنشا جۇمىسقا شىعۋدان بۇرىنعى باۋلۋ قوسىمشا قاراجاتىن ٴوتىنىش ەتۋىمىزگە بولادى، بۇل اۋىرتپالىقتى جەڭىلدەتۋمەن بىرگە، كاسىپورىننىڭ بەلسەندىلىگىن جۇمىلدىردى“، - دەدى وسى سەرىكتەستىكتىڭ ادام كۇشى بايلىعى ٴبولىمىنىڭ باستىعى كۇڭ ليڭجۇڭ.

ىلە قازاق اۆتونوميالى وبلىسى قالا - اۋىلدارداعى الەۋمەتتىك يگىلىك سيپاتتى جۇمىس ورىندارىن بەلسەنە اشىپ، شارتقا ۇيلەسەتىن جۇمىستانۋى قيىن ادامداردى جۇمىسقا شىعۋعا الدىمەن ورنالاستىرىپ، ەڭبەككۇش دەلدالدارىنىڭ رولىن ساۋلەلەندىرىپ، اۋىل - قىستاق ەڭبەككۇشتەرى سياقتى جۇمىستانۋى قيىن ادامداردىڭ اۋىل شارۋاشىلىعى وندىرىسىنە، قالا - اۋىل نەگىزدىك قۇرىلعى قۇرىلىسىنا جانە قارجىلاي كومەكتەسۋدىڭ ورنىنا جۇمىس تاۋىپ بەرۋ نىسانىنا قاتىناسۋعا ۇيىمداستىردى. اقسۋ ايماعى تىزىمگە الىنعان جۇمىسسىزدار، كەدەيلىكتەن ارىلعاندار، مەكتەپتەن كەتكەن سوڭ جۇمىستانباعان جوعارى مەكتەپ تۇلەكتەرى سياقتىلاردان كوز جازباي، جۇمىستانۋ ويى، جۇمىستانۋ ورنى سىندى ەكى ٴتىزىم شىعارىپ، ٴبىر ادامعا ٴبىر شارا بويىنشا دالمە - ٴدال كومەكتەسۋ - سۇيەمەلدەۋدى كۇشەيتتى... بۇكىل رايوننىڭ جەر - جەرى حالىق تۇرمىسىنىڭ تومەنگى شەگىن بەرىك ساقتاۋعا كوبىرەك كۇش سالىپ، ٴتۇيىندى قاۋىمنىڭ كوڭىلىن ورنىقتىرىپ، تىڭعىلىقتى جۇمىستاندىرۋ جاۋاپناماسى ارقىلى سان مىڭداعان وتباسى اڭساعان تاماشا تۇرمىستى جاقىنداتا ٴتۇستى.

شينجياڭ گازەتىنىڭ حابارى (ٴتىلشى جاۋ چۇنحۋا)