وپەراتسياسى ٴساتتى جاسالعان گىمىڭعازى: ” بايۋ ارمانىم اقىرى ورىندالاتىن بولدى!“ دەدى

ورتالىقتىڭ جەرگىلىكتى ورىنداعى جىلاۋىق قۇرت اۋرۋىنىڭ الدىن الۋ جانە ونى ەمدەۋگە اۋدارىپ تولەۋ نىسانىنان ىلەدەگى 3853 وتباسى يگىلىككە كەنەلدى

سۋرەتتە: گىمىڭعازى گو يۇڭجۇڭ شيپاگەرگە العىس ايتۋدا.         شى شۋەحۇڭ فوتوسى

ٴتىلشىمىز شى شۋەحۇڭ حابارلايدى. ”بويىما ٴال كىرىپتى!“ 3 - ايدىڭ 27 - كۇنى تۇستەن بۇرىن ىلە وبلىستىق دوستىق شيپاحاناسىنىڭ جالپىلىق سىرتقى اۋرۋلار ٴبولىمىنىڭ مەڭگەرۋشىسى گو يۇڭجۇڭدى كورگەندە دەنساۋلىعى قالپىنا كەلىپ، شيپاحانادان شىعۋ الدىندا تۇرعان گىمىڭعازى بورانبەك ۇلى ساڭقىلداي سويلەدى. ەمدەۋ قىزمەتكەرلەرى دە جابال گىمىڭعازىنى قۇتتىقتادى.

كۇن ساۋلەسىنە مالىنعان اۋرۋحانادا 47 جاستاعى گىمىڭعازى ايىرىقشا تولقىپ وتىر. ول ٴوزىن 20 نەشە جىل بويى مازالاپ كەلگەن جىلاۋىق قۇرت اۋرۋىنان اقىرى ايىقتى. گىمىڭعازى وبلىستىق دوستىق شيپاحاناسى «سوڭعى كەزەڭدەگى باۋىر كوپىرشىگى تيبىندەگى جىلاۋىق قۇرت اۋرۋىن باۋىردان ٴبولىپ الىپ تاستاۋ + ٴوز دەنەسىنەن باۋىر كوشىرۋ وپەراتسياسىن» ٴساتتى جاساعان 6 - ناۋقاس.

گىمىڭعازىنىڭ جۇبايى نۇرقايشا توقتاربەك قىزىنىڭ ايتۋىنشا، ولار نىلقى اۋدانى بال فەرماسى اقتۇبەك قىستاعىنىڭ مالشىسى بولىپ، وقۋدا 3 بالاسى بار ەكەن. كۇيەۋى ناۋقاسقا شالدىققاننان كەيىن ۇيىندە ەمدەلۋگە اقشاسى بولماعاندىقتان ناۋقاسىن اسقىندىرىپ الىپتى.

3 - ايدىڭ 5 - كۇنى ٴوڭى سارعايىپ، ٴال - دارمەنى قالماعان گىمىڭعازىنى وتباسىنداعىلار وبلىستىق دوستىق شيپاحاناسىنىڭ قۇلجا قالاسى شەكارا ەكونوميكالىق سەلبەستىك رايونىنداعى شيپاحانا رايونىنا جەتكىزەدى. دياگنوز قويۋ ارقىلى ونىڭ اۋرۋ جاعدايى سوڭعى مەزگىلگە جەتكەنى انىقتالادى. گىمىڭعازىنىڭ ٴومىرىن قۇتقارۋ ٴۇشىن گو يۇڭجۇڭ وعان وپەراتسيا جاساۋدى ۇيعارادى.

وپەراتسيا قاراجاتى 150 مىڭ يۋانعا تايايدى، گىمىڭعازى وتباسىنىڭ جۇگى اۋىرلاپ، ەمدەلۋ قاراجاتىن شىعارا الماي قينالادى. وبلىستىق دوستىق شيپاحاناسى جاعدايدى ۇعىسقاننان كەيىن وعان «جاسىل ارنا» اشىپ، ٴبىر ٴبولىم وپەراتسيا اقىسىن كەشىرىم ەتەدى. گو يۇڭجۇڭ حۋارۇي قورىنا بايلانىس جاساپ، 60 مىڭ يۋان كومەك اقشا الىپ بەرەدى، قالعان وپەراتسيا قاراجاتىن ورتالىقتىڭ جەرگىلىكتى ورىنداعى جىلاۋىق قۇرت اۋرۋىنىڭ الدىن الۋ جانە ونى ەمدەۋگە اۋدارىپ تولەۋ نىسانى بويىنشا ەڭ تومەنگى شەكتەن تۇسىرمەۋ جانە ەمدەۋ قامسىزداندىرۋى بويىنشا ەسەپتەن كوتەرتەدى.

3 - ايدىڭ 13 - كۇنى وبلىستىق دوستىق شيپاحاناسى شينجياڭ مەديتسينا داشۋەسىنە قاراستى 1 - شيپاحانانىڭ ماماندارىن سەلبەسىپ وپەراتسيا جاساۋعا ۇسىنىس ەتەدى. گىمىڭعازى وپەراتسيا بولمەسىنە كىرگەننەن كەيىن، ماماندار ٴنول گرادۋستان تومەنگى مۇز سۋدا كەسىپ الىنعان باۋىردى تەزدىكپەن قالپىنا كەلتىرىپ، ونىڭ دەنەسىندەگى كوپىرشىك ٴتيپتى جىلاۋىق قۇرت قالتاسىن الىپ تاستايدى، وپەراتسيا 10 نەشە ساعاتقا جالعاسادى.

”بۇل رەتكى وپەراتسيا ٴومىرىمدى قۇتقاردى، مەن ٴبىر تيىن اقشا جۇمسامادىم، وتباسىمنىڭ دا اۋىرتپالىعى جەڭىلدەدى، بايۋ ارمانىم دا اقىرى ورىندالاتىن بولدى!“. اۋرۋ ازابىنان ارىلۋ گىمىڭعازى جونىنەن العاندا، اۋقاتتانۋ جولىنداعى بوگەتتى الىپ تاستاعانمەن بىردەي. ول بۇدان بىلاي قۇلشىنا جۇمىس ىستەپ، اۋقاتتانۋ ارمانىن ەرتەرەك جۇزەگە اسىراتىنىن ايتتى.

جىلاۋىق قۇرت اۋرۋى ــ تىكەن قۇرت تۋىسىنا جاتاتىن تاسپا جىلاۋىق بالاپان قۇرتى كەلتىرىپ شىعاراتىن، ادام مەن مال بىردەي جۇعىمدالاتىن اۋرۋ، ەلىمىزدىڭ شينجياڭ، چيڭحاي جانە ورتا ازياداعى ٴبىر ٴبولىم ەلدەر جىلاۋىق قۇرت اۋرۋى كوپ تۋىلاتىن ٴوڭىر ەسەپتەلەدى، ىلە وبلىستىق دوستىق شيپاحاناسى جىلاۋىق قۇرت اۋرۋىن ەمدەۋگە بەلگىلەنگەن شيپاحانا بولىپ تۇراقتاندىرىلعان. 2003 - جىلى شينجياڭ ۇيعۇر اۆتونوميالى رايوندىق جىلاۋىق قۇرت اۋرۋىن كلينيكالىق زەرتتەۋ ورنىنىڭ ىلە وبلىستىق بولىمشەسى اتالعان شيپاحانادا ماڭدايشالىق استى، گو يۇڭجۇڭ وسى بولىمشەنىڭ باستىعىندىق مىندەتىن قوسىمشا وتەيدى. 

گو يۇڭجۇڭ تىلشىگە ٴوزىنىڭ تاياۋدا قىرعىزستان رەسپۋبليكاسىندا اشىلاتىن 29 - كەزەكتى دۇنيە جۇزىلىك ەحنيكوكك قۇرتى اۋرۋى تالقى جينالىسىنا قاتىناساتىندىعىن، وبلىستىق دوستىق شيپاحاناسىنىڭ جىلاۋىق قۇرت اۋرۋىنىڭ الدىن الۋ، دياگنوز قويىپ ەمدەۋ تاجىريبەلەرىن جيىنعا الا بارىپ اۋىس - كۇيىس جاساپ، ٴبولىسىپ، سالاماتتى جۇڭگو ۇستانىمىن ۇگىتتەپ، ”ٴبىر بەلدەۋ، ٴبىر جول“ باستاماسىنا ەمدەۋ كۇشىن قوسىپ، ”ٴبىر بەلدەۋ، ٴبىر جول“ بويىنداعى اناعۇرلىم كوپ ناۋقاستاردى يگىلىككە كەنەلتەتىندىگىن ايتتى.

پارتيا 18 ـ قۇرىلتايىنان بەرى ورتالىقتىڭ جەرگىلىكتى ورىنداعى جىلاۋىق قۇرت اۋرۋىنىڭ الدىن الۋ جانە ونى ەمدەۋگە اۋدارىپ تولەۋ نىسانىنان ىلە وبلىسىنداعى ناۋقاستارعا 10 ميلليون يۋاننان استام اقشا بەرىپ، 3853 وتباسىن اۋرۋ ازابىنان ارىلتتى.