قۇلجا اۋدانى كاسىپورىندارعا ويداعىداي قىزمەت وتەپ، اناعۇرلىم كوپ نىساننىڭ ىرگە تەبۋىن ىلگەرىلەتتى

ساۋداگەر شاقىرىپ، قارجى ەنگىزۋدى تانىستىرۋ ماجىلىسىندە 9 ميلليارد 350 ميلليون يۋاندىق توقتامعا قول قويىلدى

تىلشىلەرىمىز لي جيان، ليۋ چىڭگاڭ حابارلايدى. 3 - ايدىڭ 30 - كۇنى قۇلجا اۋدانى ”اسەم قۇلجا اۋدانى − كوركەم ورىك مەكەنى“ اتىنداعى ساۋداگەر شاقىرىپ، قارجى ەنگىزۋدى تانىستىرۋ ٴماجىلىسىن وتكىزىپ، سول جەردىڭ وزىندە 15 كاسىپورىنمەن سەلبەستىك كەلىسىمىنە قول قويىستى، كەلىسىم جالپى سوماسى 9 ميلليارد 350 ميلليون يۋانعا جەتتى.

بيىل جىل باسىنان بەرى قۇلجا اۋدانى نازاردى اۆتونوميالى وبلىستىڭ ”سەگىز ٴىرى كاسىپ سالاسى شوعىرىن“ قۇرۋعا شوعىرلاندىرىپ، قۇلجا اۋدانىنىڭ بايلىق باسىمدىعىمەن ۇشتاستىرىپ، كاسىپ سالاسى ورنالاسۋىن بەلسەنە ساپالىلاندىرىپ، ساۋداگەر شاقىرىپ، قارجى ەنگىزۋ قىزمەتىن ورىستەتتى. وسى رەتكى قول قويىلعان نىساندار حۇي - ىر اۋىل شارۋاشىلىعى سۇيىق تىڭايتقىشىنان ۇلگى كورسەتۋ نىسانى، اتا ـ انا  جانە بالا مادەنيەت - ساياحاتىن ٴبىر تۇلعالاندىرۋدان ۇلگى كورسەتۋ نىسانى، جيڭنىڭ حالىقارالىق جەل ەلەكترى جانە ونىڭ زاپاس قورىن ٴبىر تۇلعالاندىرۋ نىسانى، داشىڭ توقىماشىلىعىنىڭ 200 مىڭ ۇرشىقتىق ٴجىپ ٴيىرۋ نىسانى سياقتى 15 نىساندى قامتيدى. بۇل نىساندار − اۋىل شارۋاشىلىعى، مادەنيەت - ساياحات، جاڭا ەنەرگيا، توقىماشىلىق سياقتى كاسىپ سالالارىنا سايادى. 

”بۇل نىسانداردىڭ ىرگە تەبۋى قۇلجا اۋدانى ەكونوميكاسىنىڭ جوعارى ساپالى دامۋىن بارىنشا ىلگەرىلەتەدى“ دەدى قۇلجا اۋداندىق ساۋدا ىستەرى جانە ونەركاسىپتى ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى لياڭ جۋ. 

قۇلجا اۋداندىق پارتكومنىڭ شۋجيى ليۋ شىنيڭ بىلاي دەپ تانىستىردى: قۇلجا اۋدانى نىسانداردىڭ ىرگە تەۋىپ، وندىرىسكە قوسىلۋىن جەدەلدەتۋ، رەسميات ٴبىتىرۋ ”جاسىل ارنالارىن“ اشۋدى ارقاۋ ەتىپ، كاسىپورىنداردىڭ دامۋىنا ٴتيىمدى ٴبىر قىدىرۋ ساياساتتاردى شىعارىپ، نىسانداردىڭ الدىڭعى مەرزىمدىك، قارجى قۇراۋ، جەردەن، ەلەكتردەن پايدالانۋ، جۇمىسشى ىستەتۋ سياقتى فاكتورلارمەن قامتاماسىزداندىرۋ تەبىنىن ارتتىرىپ، كاسىپورىنداردىڭ دامۋى ٴۇشىن اناعۇرلىم جاقسى شارت - جاعداي ازىرلەۋگە قۇلشىنىپ، ”بۇكىل ىنتا - پەيىلمەن كاسىپورىندار ٴۇشىن قىزمەت وتەپ، اناعۇرلىم كوپ نىساننىڭ قۇلجا اۋدانىنا ىرگە تەبۋىن، قۇلجا اۋدانىندا تۇراقتاپ قالۋىن ىلگەرىلەتتى“. 

”قۇلجا اۋداندىق ۇكىمەتتىڭ ساۋداگەر شاقىرۋ تەبىنى مەن بەكىمىن كورىپ، بىلتىرعى 200 مىڭ ۇرشىق ٴجىپ ٴيىرۋ نىسانىنا قول قويۋ نەگىزىندە، بيىل تاعى 100 مىڭ ۇرشىق ٴجىپ ٴيىرۋ نىسانىنا قول قويدىق، جىل سوڭىندا تۇگەلدەي وندىرىسكە قوسىلادى“ دەدى شينجياڭ حۇڭجى ماقتا توقىماشىلىق شەكتى سەرىكتەستىگىنىڭ القا باستىعى پان جيانحى. 

شينجياڭ يچىڭ توقىماشىلىق عىلىم ـ تەحنيكا شەكتى سەرىكتەستىگى 2020 ـ جىلى 6 ـ ايدا قۇلجا اۋداندىق توقىماشىلىق كاسىپ سالاسى باقشاسىنا ىرگە تەپكەن، سونداي ـ اق سول جىلى 12 ـ ايدىڭ سوڭىندا رەسمي وندىرىسكە قوسىلعان. وسى سەرىكتەستىكتىڭ القا باستىعى ۋاڭ شىڭ تىلشىگە بىلاي دەدى: ”وندىرىسكە قوسىلعان ٴبىر جىلدان استام ۋاقىتتان بەرى، سەرىكتەستىگىمىز بەلگىلى قوعامدىق ونىمدىلىككە جانە ەكونوميكالىق ونىمدىلىككە قول جەتكىزدى، كەلەسى قادامدا ٴبىز 2 ـ مەرزىمدە 46 مىڭ شارشى مەترلىك سەح سالىپ، كورىكتى شينجياڭ قۇرۋعا ٴوز ۇلەسىمىزدى قوسامىز“.