تىلشىلەرىمىز لۋ جۇڭ، ۋاڭ ليلي حابارلايدى. اۋارايىنىڭ بىرتىندەپ جىلىنۋىنا بايلانىستى قۇلجا قالاسىنىڭ اۋىل شارۋاشىلىعى ٴوندىرىس قۇرال - جابدىقتارى بازارى دا ساۋدانىڭ قاۋىرت مەزگىلىن قارسى الىپ، ەگىنشىلەر ەگىس تۇقىمىن، حيميالىق تىڭايتقىشتى، ەگىس دارىلەرىن ساتىپ الۋمەن قاربالاس بولۋدا.

قۇلجا قالاسى چىڭدۇڭ ۋنيۆەرسالدى بازارىندا اۋىل شارۋاشىلىعى ٴوندىرىس قۇرال - جابدىقتارىن ساتاتىن جالپى 110 نان استام دۇكەن، اۋىل شارۋاشىلىعى ماشينالارىن ساتاتىن 60 تان استام دۇكەن بار، وسىندا اۋىل شارۋاشىلىعى ٴوندىرىس قۇرال - جابدىقتارىن، اۋىل شارۋاشىلىعى ماشينالارىن ساتىپ الۋعا كەلەتىندەردەن قۇلجا قالاسىنىڭ اۋىل - قالاشىقتارىنداعى ديقانداردان سىرت، جاقىن ماڭداعى اۋدان - قالالاردىڭ ديقاندارى دا بار.

چاپچال سىبە اۆتونوميالى اۋدانى شوقىر قالاشىعى شوقىر قىستاعىنان كەلگەن قىستاق تۇرعىنى سۋ جاندىنىڭ جۇگەرى ەككەنىنە ۇزاق بولعان. بيىل ول 110 مۋدان استام جەرگە جۇگەرى ەكپەكشى. 3 - ايدىڭ 29 - كۇنى تاڭەرتەڭ ول بىرنەشە ديقانمەن بىرگە قۇلجا قالاسى چىڭدۇڭ ۋنيۆەرسالدى بازارىنداعى اۋىل شارۋاشىلىعى ٴوندىرىس قۇرال - جابدىقتارىن ساتاتىن ٴبىر تانىس دۇكەنگە كەلىپ، جۇگەرى تۇقىمىن ساتىپ الدى.

سول كۇنى سۋ جاندى ٴۇش ٴتۇرلى جۇگەرى تۇقىمىن ساتىپ الدى، كوپ جىلدان بەرى ەگىپ جۇرگەن ەكى ٴتۇرلى جۇگەرى تۇقىمىنان سىرت، ەگىمشى وتباسى حۋ رۋرۇڭنىڭ ۇسىنىسى بويىنشا تاعى ٴبىر جاڭا سورت ”تيانسى 19“ دى تاڭدادى.

شوقىر قىستاعىنىڭ تۇرعىنى حۋ رۋرۇڭنىڭ ”تيانسى 19“ دى ەككەنىنە 5 جىل  بولىپتى، ”بۇل تۇقىم سورتى جاقسى، باعىپ - باسقارۋ لايىقتى بولسا، مۋىنا 1.3 توننادان 1.5 تونناعا دەيىن ٴونىم بەرەدى“ دەدى حۋ رۋرۇڭ تىلشىگە.

لو شيشيدىڭ اۋىل شارۋاشىلىعى ٴوندىرىس قۇرال - جابدىقتارىن ساتۋمەن شۇعىلدانعانىنا 20 نەشە جىل بولدى، ونىڭ اۋىل شارۋاشىلىعى ٴوندىرىس قۇرال - جابدىقتارى دۇكەنى جۇگەرى تۇقىمى مەن حيميالىق تىڭايتقىشتى ساتۋدى نەگىز ەتەدى. ”ٴبىز ساتىپ جاتقان 7 ٴتۇرلى جۇگەرى تۇقىمىنىڭ باعاسى لايىقتى، تۇسىمىنە كەپىلدىك ەتەمىز، ديقانداردىڭ مويىنداۋىنا يە بولعان، ٴار جىلى ساتىپ الۋشىلاردىڭ باسىم كوبى كونە الارماندار. قازىرگە دەيىن اۋىل شارۋاشىلىعى ٴوندىرىس قۇرال - جابدىقتارى دۇكەنىمىز مىڭ توننادان استام حيميالىق تىڭايتقىش، 50 توننادان استام جۇگەرى تۇقىمىن ساتتى“ دەدى لۋ شيشي.

شيا گۇيشيان بيڭتۋان 4 - شىسى 62 - تۋانىندەگى جەمىس - جيدەك ەگەتىن ديقان. وسى كۇنى ول 10 نەشە جەمىس - جيدەك ەگەتىن ديقانمەن قۇلجا قالاسى چىڭدۇڭ ۋنيۆەرسالدى بازارىنا بىرگە بارىپ كۇردەلى تىڭايتقىش ساتىپ الۋعا كەلىستى. ”ٴارقايسىمىزدىڭ وتباسىمىزدا بىرنەشە مۋ عانا جەمىس باعى بار. ٴبىر وتباسى ەكى دە ٴۇش توننا عانا كۇردەلى تىڭايتقىش ىستەتەدى، جەكە ساتىپ الساق باعاسى قىمبات بولىپ قالماستان، ماشينا جالداۋعا دا ٴتيىمسىز. سوندىقتان جاقىنعى جىلداردان بەرى ٴبىز اۋىل شارۋاشىلىعى ٴوندىرىس قۇرال - جابدىقتارىن توپتىق كەلىپ ساتىپ الاتىن بولدىق“ دەدى شيا گۇيشيان.

ىلە نۇڭجيالى اۋىل شارۋاشىلىعى عىلىم - تەحنيكا شەكتى سەرىكتەستىگى نەگىزىنەن حيميالىق تىڭايتقىش، ەگىس دارىلەرى، سۋلياۋ جارعاق سياقتى ونىمدەر تيجاراتىمەن شۇعىلدانادى. كوكتەمگى ەگىس دايىندىعى قاجەتىن قاناعاتتاندىرۋ ٴۇشىن 2022 - جىلى 11 - ايدا سەرىكتەستىك اۋىل شارۋاشىلىعى ٴوندىرىس قۇرال - جابدىقتارىن ساتىپ الا باستادى. ”سەرىكتەستىگىمىز اۆتونوميالى رايوندىق قامداۋ - ساتۋ كووپەراتيۆىنە قاراستى مەملەكەت مەنشىگىندەگى جارناسى مەڭگەرىلگەن سەرىكتەستىك − شينجياڭ نۇڭجيالى اۋىل شارۋاشىلىعى عىلىم - تەحنيكاسىن دامىتۋ شەكتى سەرىكتەستىگىنىڭ تولىق قارجىلى بولىمشە سەرىكتەستىگى. اۋىل - شارۋاشىلىعى ٴوندىرىس قۇرال - جابدىقتارىمەن قامدايتىن نەگىزگى ارنا رەتىندە سەرىكتەستىگىمىز كوكتەمگى ەگىس ٴوندىرىس قۇرال - جابدىقتارىمەن قامداۋعا كەپىلدىك ەتۋ، باعانى ورنىقتىرۋ قىزمەتىن كۇش سالا ويداعىداي ىستەپ، جالپى 71 مىڭ توننا حيميالىق تىڭايتقىش دايىندادى، قازىر شامامەن ونىڭ 56 مىڭ تونناسى ساتىلىپ، ىلە اڭعارىنىڭ كوكتەمگى ەگىسىن تىڭايتقىشپەن قامداۋىنا نەگىزىنەن كەپىلدىك ەتىلدى“ دەدى ىلە نۇڭجيالى اۋىل شارۋاشىلىعى عىلىم - تەحنيكا شەكتى سەرىكتەستىگىنىڭ ورىنباسار ديرەكتورى لي چياڭ.

ياۋ گۇيجىن چاپچال اۋدانى چاپچال قالاشىعىنداعى كوكونىس ەگەتىن ديقان، وسى كۇنى ول قۇلجا قالاسى چىڭدۇڭ ۋنيۆەرسالدى بازارىنداعى اۋىل شارۋاشىلىعى ماشينالارىن ساتاتىن ٴبىر دۇكەننەن شاعىن تۇرپاتتى ەگىس ماشيناسىن كوردى. ”بۇل شاعىن تۇرپاتتى ەگىس ماشيناسى قولايلى، جۇرگىزۋ وڭاي، ارام ٴشوپ وتاۋمەن بىرگە، ارىق قازۋعا بولادى، كوكونىس ەگەتىن وتباسىلارىنىڭ پايدالانۋىنا ابدەن ۇيلەسەدى، مەملەكەت تاعى اۋىل شارۋاشىلىعى ماشينالارىنا قوسىمشا قاراجات بەرەدى ەكەن، ەسەپتەپ كورسەم ٴوزىم نە بارى ٴبىر مىڭ 700 يۋاننان استام عانا اقشا جۇمسايدى ەكەنمىن“ دەدى ياۋ گۇيجىن.

”ٴار جىلى 3 - ايدان 4 - ايعا دەيىن اۋىل شارۋاشىلىعى ٴوندىرىس قۇرال - جابدىقتارى مەن ەگىس ماشينالارىن ساتۋدىڭ قاۋىرت مەزگىلى، بيىل بازارداعى اۋىل شارۋاشىلىعى ٴوندىرىس قۇرال - جابدىقتارىن ساتاتىن دۇكەندەر كوكتەمگى ەگىس دايىندىعى كەزىندە اۋىل شارۋاشىلىعى ٴوندىرىس قۇرال - جابدىقتارىمەن جەتكىلىكتى قامداۋعا كەپىلدىك ەتۋ ٴۇشىن، بىلتىر جىل سوڭىنان باستاپ اۋىل شارۋاشىلىعى ٴوندىرىس قۇرال - جابدىقتارىن دايىنداپ، قالىڭ ديقانداردىڭ قاجەتىن قاناعاتتاندىردى. قازىر بازارداعى اۋىل شارۋاشىلىعى ٴوندىرىس  قۇرال - جابدىقتارىنىڭ زات قاينارى جەتكىلىكتى بولىپ، ىلە اڭعارىنداعى كوكتەمگى ەگىس قاجەتىن تولىق قاناعاتتاندىرا الادى“ دەدى قۇلجا قالالىق اۋىل شارۋاشىلىعى ساۋداسىنا قارجى قوسۋ (توبى) شەكتى جاۋاپكەرشىلىك سەرىكتەستىگى چىڭدۇڭ ۋنيۆەرسالدى بازارى بولىمشە سەرىكتەستىگىنىڭ ورىنباسار باس ديرەكتورى سۇڭ چاڭجۇن.

سۋرەتتە: ەگىنشىلەر اۋىل شارۋاشىلىعى ماشينالارىن ساتىپ الۋدا.

ۋاڭ ليلي فوتوسى