لو جاۋپىڭ: داڭق — ناقتى ىستەۋدەن كەلەدى

ياڭ جيڭ - ي (ٴوز ٴتىلشىمىز)

وسكەلەڭ جاۋاپكەرشىلىكپەن جانە تاباندىلىقپەن ىستەۋ ارىنىمەن 2021 - جىلى حۋاديان ىلە كومىر ەلەكتر شەكتى سەرىكتەستىگىنىڭ حاۋىپسىزدىككە جاۋاپتى باس باقىلاۋشىسى، قوسىمشا اينالىم ٴبولىمىنىڭ مەڭگەرۋشىسى لو جاۋپىڭ ىلە وبلىسى بويىنشا ەڭبەك ۇلگىسى بولىپ باعالاندى.

گرۋپپاسىنداعى پارتيا مۇشەلەرىنىڭ جاۋاپتىسى بولدى

”كىمنىڭ ۇيىندە قيىنشىلىق بولسا وعان كومەكتەسەمىز، گرۋپپامىزداعى 8 ادام ٴبىر وتباسىنىڭ ادامىندايمىز!“ دەدى لو جاۋپىڭ. سەرىكتەستىك پارتيا قۇرىلىسىنىڭ ”قىزىل انار وتباسى“ سياقتى قيمىلداردى دانەكەر ەتىپ، جۇمىسشى - قىزمەتشىلەردىڭ ۇنىنە قۇلاق اسۋمەن بىرگە، نەگىزگى ساتىعا قىزمەت وتەۋدى ويداعىداي ىستەدى.

گرۋپپاداعى پارتيا مۇشەلەرىنىڭ ”جاۋاپتىسى“ رەتىندە لو جاۋپىڭ قاي - قاشان دا پارتيا مۇشەسىنە ساي ولشەممەن تارتىپكە قاتاڭ بويسۇنىپ، ساياسي نازاريالىق ۇيرەنۋگە تاباندى بولىپ، وزىندىك ساپاسىن جوعارىلاتىپ، پارتيالى كادرلاردىڭ جاۋاپكەرشىلىگىن مۇقيات اتقاردى، تۇرمىستا گرۋپپا مۇشەلەرىنە كوڭىل ٴبولىپ قانا قالماستان، قىزمەت بارىسىندا دا جەكەلەي كومەكتەسىپ، جەتەكشىلىك ەتتى، وسىلايشا گرۋپپا مۇشەلەرىنىڭ كاسىپتىك تەحنيكاسى كۇن سايىن كەمەلدەنە ٴتۇستى.

جۇمىس جۇرگىزۋشىلەردىڭ تەحنيكالىق دەڭگەيىن جوعارىلاتۋ سياقتى ماسەلەلەر جونىندە لو جاۋپىڭ ىرىقتىلىقپەن جاۋاپكەرشىلىك ارقالاپ، پارتيا مۇشەسىنىڭ اۆانگارد ۇلگىلىك رولىن ساۋلەلەندىرىپ، ٴتۇرلى قىزمەتتى باستاماشىلدىقپەن ويداعىداي ىستەپ، سەرىكتەستىكتىڭ جاقسى باعاسىنا يە بولدى.

تىنباي ىزدەنىپ، كاسىپ سالاسىنىڭ  ۇلگىسىنە اينالدى

لو جاۋپىڭ نەگىزىنەن ٴبولىمنىڭ جۇمىس اينالىمىن باسقارۋ جانە كاسىپتىك تەحنيكالىق باسقارۋ قىزمەتىنە جاۋاپتى بولاتىن، ول گەنەراتور اگراگاتتارىنىڭ وندىرىسكە قوسىلۋدان حاۋىپسىز اينالىمعا تۇسۋگە دەيىنگى ٴوندىرىس قىسىمىن قانىق ٴبىلىپ، قىزمەتتە دەن قويا زەرتتەۋ جۇرگىزدى.

لو جاۋپىڭ ”كورسەتكىشتى جوعارىلاتۋ جىلىن“ قىزمەتتىڭ تۇتقاسى ەتە وتىرىپ، گەنەراتور اگراگاتتارىنىڭ كومەسكى كۇشىن ىشكەرىلەي اشىپ، ەنەرگيا ۇنەمدەپ، سارىپ ەتۋدى ازايتۋ قىزمەتىن ورىستەتتى. ٴتۇرلى باسەكە قيمىلدارى ارقىلى قىزمەت ورنىن جانە ناق مايدانداعى ٴىس جۇزىندىك قىزمەتتى تياناق ەتىپ، گەنەراتور اگراگاتتارىنىڭ ۇيلەسىمدى، ارزان اينالىم ٴتاسىلى مەن شاراسى جونىندە ىزدەنىس جاساپ، گەنەراتور اگراگاتتارىنىڭ اينالىمىنىڭ شىعىمىن تومەندەتتى ٴارى شاماسىنشا ەنەرگيانى ۇنەمدەۋ، سارىپ ەتىلۋدى ازايتۋ قىزمەتىن ورىستەتتى. 2021 - جىلى جۇڭگو ەلەكتر كاسىپورىندار بىرلەستىگى ەلەكتر ەنەرگياسى سالاسىنىڭ وت ەلەكتر گەنەراتور اگراگاتتارىنىڭ ەنەرگيا ونىمدىلىك ورەسىن ولشەمدەندىرۋ بارىسىندا لو جاۋپىڭ ىستەپ جاتقان 2 - ٴنومىرلى گەنەراتور اگراگاتتار گرۋپپاسى 350MW اسقىن كريزيستىك تەمپەراتۋرا 5A دارەجەلى ۇزدىك گەنەراتور اگراگاتتار گرۋپپاسى بولىپ باعالانىپ، ونىمدىلىك ولشەمى 2 - ورىنعا شىقتى.

لو جاۋپىڭ جونىنەن العاندا، تەحنيكالىق قىزمەتپەن شۇعىلدانۋدا ىسىلعان كاسىپتىك قابىلەت بولۋ، ينجەنەريا ساپاسىنا كەپىلدىك ەتۋمەن بىرگە، بار زەيىن زەردەسىن ارناۋ جانە تىنباي تالپىنۋ كەرەك.

”ۇيرەتۋ، كومەكتەسۋ، جەتەكتەۋ“ رولىن ساۋلەلەندىرىپ، ونىمدىلىكتى  جوعارىلاتۋدى جەبەدى

جۇمىسشى - قىزمەتشىلەردىڭ جاسىنىڭ ۇلعايۋ جاعدايىنا قاراتا، لو جاۋپىڭ باسقارۋ تاجىريبەسىن تولىق ساۋلەلەندىرىپ، جۇمىس جۇرگىزۋشىلەردى ”ۇيرەتۋ، كومەكتەسۋ، جەتەكتەۋ“ بويىنشا باۋلۋدى كۇشەيتىپ، بىرگە العا باساتىن، بىرگە شىنىعاتىن تاماشا قىزمەت اۋانىن قالىپتاستىردى.

لو جاۋپىڭ شىرعالاڭدى ٴبىر جاقتى ەتۋ قابىلەتىن جوعارىلاتۋدا تاربيەلەۋدى نەگىز، نازاريالىق جانە ناقتى مەڭگەرۋ ەمتيحانىن تۇتقا ەتىپ، جۇمىس جۇرگىزۋشىلەردىڭ تەحنيكالىق ورەسىن ۇزدىكسىز جوعارىلاتتى. ول جاس جۇمىسشى - قىزمەتشىلەردى بەلسەنە العا ۇمتىلۋعا، زاپاس كۇشتەردى دايىنداۋعا شابىتتاندىردى.

سونىمەن بىرگە، لو جاۋپىڭ جۇمىسشى - قىزمەتشىلەردى باستاپ، ٴوندىرىس حاۋىپسىزدىك ىستەرى جونىندە ”تورتتە بوساڭسىماۋ“ پرينسيبىنە تاباندى بولىپ، جابدىقتاردىڭ كەمىستىگى، جۇمىسكەرلەردىڭ جۇمىس مەڭگەرۋى سياقتى جاقتاردان سەبەپ قاراستىرىپ، سايكەستى حاۋىپسىزدىك تەحنيكالىق شارالاردى بەلگىلەپ، جۇمىس جۇرگىزۋشىلەردىڭ حاۋىپسىزدىك تانىمىن جوعارىلاتتى.

”داڭقتىڭ ٴبارى ناقتى ىستەۋدەن كەلەدى، بۇدان كەيىن ۇزدىكسىز ۇيرەنىپ، قۇلشىنا العا باسىپ، قىزمەت ورنىمدا قامال الۋ رولىمدى ساۋلەلەندىرىپ، تاعى دا تاماشا ناتيجە جاراتامىن“ دەدى لو جاۋپىڭ.