ٴتىلشىمىز ما چىڭلۋ، سۇن ي - نان حابارلايدى. 2023 - جىلعى جوعارى مەكتەپ ەمتيحانى قارساڭىندا، 6 - ايدىڭ 6 - كۇنى تۇستەن كەيىن ىلە وبلىستىق پارتكومنىڭ شۋجيى ياڭ شيۋلي، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى قۇلجا قالاسىندا جوعارى مەكتەپ ەمتيحانىنىڭ دايىندىق قىزمەتىن تەكسەرىپ، پارتيا ورتالىق كوميتەتى مەن اۆتونوميالى رايوندىق پارتكومنىڭ قاتىستى ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، ٴتىپتى دە قاتاڭ، ٴتىپتى دە ەگجەي - تەگجەيلى، ٴتىپتى دە ناقتى ستيلمەن جوعارى مەكتەپ ەمتيحانىنىڭ دايىندىعى مەن ۇيىمداستىرۋ قىزمەتىن تىڭعىلىقتى ىستەپ، جوعارى مەكتەپ ەمتيحانىنىڭ حاۋىپسىز، ورنىقتى، ٴساتتى بولۋىنا كەپىلدىك ەتۋدى تالاپ ەتتى.  ياڭ شيۋلي، ەلشات تۇرسىنباي ۇلى ىلگەرىندى - كەيىندى قۇلجا قالالىق 23 - ورتا مەكتەپ پەن 3 - ورتا مەكتەپتەگى ەمتيحان تۇيىندەرىنە بارىپ، سول جەردىڭ وزىندە حاۋىپسىزدىك تەكسەرۋ زەردەلى ەسىگى، بەينە - ەكراندا باقىلاۋ بولمەسى، ەمتيحان مايدانى، ەمتيحان ىستەرى كەڭسەسى سياقتى ورىنداردى تەكسەرىپ، ەمتيحان مايدانىنىڭ ورنالاستىرىلۋى، ەمتيحان ىستەرىن ۇيىمداستىرۋ، ەمتيحان قاعازىنىڭ قۇپيالىعىن ساقتاۋ، حاۋىپسىزدىكتى قورعاۋ، ازىق - تۇلىك حاۋىپسىزدىگى، توسىن ۋاقيعالارعا، شۇعىل جاعدايلارعا توتەپ بەرۋ جوباسى سياقتى جاعدايلاردى ەگجەي - تەگجەيلى ۇعىستى. ياڭ شيۋلي مىنالاردى باسا دارىپتەدى: جوعارى مەكتەپ ەمتيحانى بارشا وقۋشىلاردىڭ بولاشاعى مەن تاعدىرىنا، حالىق تۇرمىسىنا ساياتىن ٴىرى  ٴىس. قاتىستى تاراۋلار مەن ٴارقايسى ەمتيحان تۇيىندەرى ايرىقشا ٴمان بەرىپ، ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن ايقىنداپ، قىزمەت ٴتارتىبىن اشالاپ، ”ٴاردايىم قام جەپ تۇراتىن“ جاۋاپكەرشىلىك سەزىمىمەن ەمتيحان تاپسىرۋدىڭ الدىنداعى، ەمتيحان تاپسىرعاننان كەيىنگى بۋىندارداعى قىزمەتتەردى مۇقيات، ەگجەي - تەگجەيلى ىستەپ، كەمەلدى دايىندىقپەن جوعارى مەكتەپ ەمتيحانىندا تيتتەي دە اعاتتىق جىبەرمەۋگە شىنايى كەپىلدىك ەتۋ كەرەك. ەمتيحان ىستەرى قىزمەتىن ارناعا ٴتۇسىرىپ، ەمتيحاننىڭ ٴتۇرلى ەرەجە ـ تۇزىمدەرىن قاتاڭ تياناقتاندىرىپ، ەمتيحان مايدانىن باسقارۋدى جانە ەمتيحاندى باقىلاۋ ـ باسقارۋدى كۇشەيتىپ، ادام، زات، تەحنيكا جاقتارىنداعى ساقتانۋ شارالارىن كۇشەيتىپ، ەمتيحان قاعازىنىڭ حاۋىپسىزدىگىن، قۇپيالىعىن ساقتاۋ قىزمەتىن تىڭعىلىقتى ىستەپ، ەمتيحاننىڭ جۇيەلى، ٴادىل، ٴتارتىپتى بولۋىنا كەپىلدىك ەتۋ كەرەك. قىزمەت وتەۋ قامتاماسىزدىعىن ساپالىلاندىرىپ، ەمتيحان بەرۋشىلەردى نەگىز ەتۋگە تاباندى بولىپ، مەكتەپ جانە ونىڭ توڭىرەگىندەگى قاتىناسقا جەتەكشىلىك ەتۋ، اس ـ سۋ، جاتىن ورىن، دەنساۋلىق ساقتاۋ، ەلەكترمەن، سۋمەن قامداۋ، شۋىلدى جونگە سالۋ، مەيىر جەتكىزۋ قىزمەت وتەۋى سياقتى ٴتۇرلى قىزمەتتەردى دەن قويا، سۇيىسپەنشىلىكپەن ويداعىداي ىستەپ، حاۋىپسىز، جايلى ەمتيحان ورتاسىن كۇش سالا قالىپتاستىرىپ، بارشا وقۋشىلاردىڭ تاماشا ناتيجە جاراتۋىنا، ارماندارىن جۇزەگە اسىرۋىنا دەم بەرۋ كەرەك.

وبلىس باسشىلارىنان كۇلان سەيپىلقان قىزى، سۇن حۇي، لي ۋي قيمىلعا قاتىناستى. 

سۋرەتتە: وبلىستىق پارتكومنىڭ شۋجيى ياڭ شيۋلي، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى قاتارلىلار قۇلجا قالالىق 23 - ورتا مەكتەپكە بارىپ، ەمتيحان مايدانىنىڭ قۇرىلعىلارىن كوزدەن كەشىردى.      ما چىڭلۋ فوتوسى