− ”حالىق تۇرمىسىنىڭ تومەنگى شەگىن بەكەمدەپ، حالىق تۇرمىسىنىڭ قۇت - ىرىسىن ارتتىرۋ“ جونىندەگى جەلىلەس حابار ②

□ انار بۇلت \ شينجياڭ گازەتىنىڭ ءتىلشىسى جاۋ شييا

5 - ايدىڭ 23 - كۇنى قۇلجا قالالىق 22 - بالاباقشانىڭ وقىتۋ عيماراتى قۇرىلىس ورنىندا جۇمىسشىلار تاعانى تولتىرىلعاننان كەيىنگى 2 - رەتكى تۇراقتى سالماق سىناعىن اياقتاتىپ، جەرگىلىكتى ساپا تەكسەرۋ تاراۋىنىڭ تەكسەرىپ وتكىزىپ الۋىن كۇتىپ تۇردى.

”ءاربىر بۋىن اياقتاعاننان كەيىن، تۇگەلدەي ساپا تەكسەرىپ وتكىزىپ الۋ جۇرىلەدى، تولىمدى بولعاننان كەيىن، كەلەسى بۋىنعا وتەدى“. قۇلجا قالالىق وقۋ - اعارتۋ مەكەمەسى نەگىزدىك قۇرىلىس ءبولىمىنىڭ ورىنباسار باستىعى ۋان بيننىڭ تانىستىرۋىنشا، وسى بالاباقشا وقىتۋ عيماراتى قۇرىلىسى نىسانىنا جيىنى 25 ميلليون يۋان قارجى قوسىلعان، نىسان سالىنىپ بىتكەننەن كەيىن، 450 بالا قابىلداۋعا بولادى ەكەن. سونىمەن بىرگە قۇلجا قالالىق 30 - بالاباقشا دا مەردىگەر شاقىرۋ، مەردىگەر بولۋ جۇمىسىن اياقتاتتى، قۇرىلىس جۇرگىزەتىن جاق قۇرىلىس ورنىنا جايعاسىپ، قۇرىلىس جۇرگىزۋ دايىندىعىن جاساۋدا ەكەن.

سوڭعى كۇندەرى قۇمىل قالاسى يجوۋ رايونى جيڭسى جولى، ۋي - ۋ جولى بالاباقشاسىنىڭ قۇرىلىسى باستالدى، سول ماڭداعى تۇرعىندار بۇدان زور ءۇمىت كۇتۋدە. ”بالام كەلەر جىلى بالاباقشاعا كىرۋ جاسىنا تولادى. ۇيىمنەن جاڭا سالىنعان بالاباقشاعا جاياۋ 10 مينۋتتا جەتەمىن، بالانى اپارىپ - اكەلۋگە قولايلى، ءبىز دە قىزمەتتى الاڭسىز ىستەيتىن بولامىز“، - دەدى قۇمىل قالاسىنىڭ تۇرعىنى جاڭ شياۋيۇن.

ءار جاڭا وقۋ جىلىندا بالام قايسى بالاباقشاعا كىرە الادى؟ ۇكىمەتتىك بالاباقشادا بالا قابىلدايتىن ورىن بار ما؟ دەگەندەر كوپتەگەن وتباسى مۇشەلەرىن مازاسىزداندىرعان، ۋايىمداتقان ىسكە اينالعان - دى. بيىل رايونىمىز قالالارداعى ۇكىمەتتىك بالاباقشالاردىڭ بالا قابىلداۋ سانىن ارتتىرۋدى اۆتونوميالى رايوننىڭ نەگىزگى تاقىرىپتىق تاربيەسىندە ”ناقتى ىستەر تىندىرىپ، حالىقتىڭ مۇڭ - مۇقتاجىن شەشۋدەگى“ حالىق تۇرمىسى ناقتى ىستەرىنىڭ ءبىرى ەتىپ، 190 ميلليون يۋان ارناۋلى قارجى بوساتىپ، ءۇرىمجى قالاسى، قۇلجا قالاسى قاتارلى ۇكىمەتتىك بالاباقشاداعى بالالاردىڭ يەلەيتىن سالىستىرماسى ％50تەن تومەن 5 قالادا جاڭادان 11 ۇكىمەتتىك بالاباقشا سالۋعا، ۇكىمەتتىك بالاباقشالارعا تىڭنان 4000 بالا قابىلداۋعا قولداۋ كورسەتتى.

جەر - جەردەگى بالاباقشالاردىڭ جاڭادان قۇرىلىس جۇرگىزگەن نىساندارىنىڭ جوعارى ساپامەن ۋاعىندا وتكىزىپ بەرىلۋىنە شىنايى كەپىلدىك ەتۋ ءۇشىن، اۆتونوميالى رايوندىق پارتكوم وقۋ - اعارتۋ قىزمەت كوميتەتى، اۆتونوميالى رايوندىق وقۋ - اعارتۋ مەڭگەرمەسى قالالارداعى ۇكىمەتتىك بالاباقشالار قۇرىلىسىن ىلگەرىلەتۋدى نەگىزگى تاقىرىپتىق تاربيەنىڭ ماڭىزدى مىندەتى ەتىپ، قاتىستى جەرلەردى ءوز جەرىنىڭ جاعدايىمەن ۇشتاستىرىپ، ”14 - بەسجىلدىقتاعى“ مەكتەپكە دەيىنگى تاربيەنى دامىتۋ، دەڭگەيىن جوعارىلاتۋ ارەكەت جوسپارى جاعدايىن تياناقتاندىرۋعا ۇيىمداستىرىپ، تەكسەرۋ - زەرتتەۋدى تولىق ورىستەتۋ، حالىق رايىن كەڭ كولەمدە تىڭداۋ نەگىزىندە ناقتى اتقارۋ جوباسىن عىلمي جاساپ، قالالارداعى ۇكىمەتتىك بالاباقشالاردىڭ ساپاسىن جوعارىلاتۋدى، كولەمىن ارتتىرۋدى ناقتىلاندىرۋدى، تياناقتاندىرۋدى ىلگەرىلەتىپ، ءار ۇلت بۇقاراسىنىڭ مەكتەپكە دەيىنگى تاربيەدەن يگىلىكتەنۋ، مەكتەپكە دەيىنگى تاربيەدەن ساپالى يگىلىكتەنۋ جونىندەگى تاماشا تىلەگىن اناعۇرلىم ويداعىداي قاناعاتتاندىردى.

ءۇرىمجى قالاسى ميدۇڭ رايونى سانداۋبا وڭتۇستىك جولى بالاباقشاسىن، شۇيموگوۋ رايونى حىماچۋان اۋماعى بالاباقشاسىن جانە گىجياگوۋ اۋماعى بالاباقشاسىن جاڭادان سالىپ، بالاباقشالارعا تىڭنان 1080 بالا قابىلداماقشى. نىساننىڭ ءساتتى ءجۇرىلۋىن ىلگەرىلەتۋ ءۇشىن، ءۇرىمجى قالالىق ۇكىمەتتىڭ وسى سالاعا جاۋاپتى باسشىلارى، وقۋ - اعارتۋ مەكەمەسىنىڭ نەگىزگى باسشىلارى قۇرىلىس اياق الىسىن اي سايىن ورنالاستىردى. ”ءبىز وقۋ - اعارتۋ قۇرىلىس گرۋپپاسىن قۇرىپ، ىلگەرىندى - كەيىندى 4 رەت سايكەستىرۋ ءماجىلىسىن اشىپ، بالاباقشالارى قۇرىلىس نىساندارىنىڭ الدىڭعى مەرزىمدە جەر راسمياتىن ءبىتىرۋ سياقتى جاقتاردا جولىققان ماسەلەلەرىن دەر كەزىندە سايكەستىرىپ شەشىپ، قىزمەت وتەۋ، قامتاماسىز ەتۋ قىزمەتىن بار كۇشپەن ويداعىداي ىستەدىك“. ءۇرىمجى قالالىق وقۋ - اعارتۋ مەكەمەسى دامۋ - جوسپار ءبولىمىنىڭ باستىعى گىڭ جيەنىڭ تانىستىرۋىنشا، جوسپار بويىنشا 6 - ايدىڭ ورتا، سوڭعى شەنىندە نىساندار ىلگەرىندى - كەيىندى قۇرىلىس باستايدى، قۇرىلىس باستاعاننان كەيىن قاتىستى تاراۋلار نىسانداردىڭ ىلگەرىلەۋ جاعدايىن دەر كەزىندە ءجىتى قاداعالاپ، قۇرىلىس ساپاسى مەن قارقىنىنا شىنايى كەپىلدىك ەتەدى ەكەن.

ءۇرىمجى قالاسى سياقتى جەر - جەر كوپ ءتۇرلى شارانى قاتار قولدانىپ، ۇكىمەتتىك بالاباقشالاردى جاڭادان سالۋ سىندى حالىق تۇرمىسىنداعى ناقتى ىستەر قىزمەتىنىڭ ناقتىلانىپ، تياناقتانۋىن بەلسەنە ىلگەرىلەتتى. سانجى قالاسى ۇكىمەتتىك بالاباقشالارى اتقارۋ جوباسىن جاساپ، تاراۋلاردىڭ جاۋاپكەرشىلىگىن اشالاۋدى تياناقتاندىرىپ، قىزمەت بىرىككەن كۇشىن قالىپتاستىردى؛ كورلا قالاسى اي سايىن نىسانداردى ىلگەرىلەتۋدى ورنالاستىرۋ ءماجىلىسىن اشۋعا تاباندى بولىپ، بۋىنداردى ءجىتى قاداعالاپ، نىسان قۇرىلىسىن ورنىقتى ىلگەرىلەتتى؛ قۇلجا قالالىق پارتكومنىڭ، قالالىق ۇكىمەتتىڭ وسى سالاعا جاۋاپتى باسشىلارى بالاباقشا قۇرىلىس نىساندارىن كوتەرمەگە الىپ، راسمياتتاردى جوعارىعا بەكىتتىرۋ، قارجى توپتاۋ، قۇرىلىس قارقىنى سياقتى بۋىندارعا تۇتاس بارىستا ات سالىسىپ، سوڭىنا دەيىن كوتەرمەگە الدى؛ قۇمىل قالاسى نىسان قارقىنى مالىمەتى، قارجى باسقارۋ، تەكسەرۋ جاعدايىن حابارلاندىرۋ ءتۇزىمىن جانە قىزمەت ناتيجەسىن باعالاۋ ءتۇزىمىن ورناتىپ، ارناۋلى قارجىنىڭ ەڭ زور ناتيجە ساۋلەلەندىرۋىنە شىنايى كەپىلدىك ەتتى.

قازىرگە دەيىن، جاڭادان سالىناتىن 11 بالاباقشا نىسانى ورنىن تاڭداۋدى تۇگەلدەي اياقتاتىپ، ۇشەۋى قۇرىلىس باستادى، باسقا نىساندار تارتىپپەن ىلگەرىلەۋدە، بيىل جىل سوڭىندا نەگىزگى تۇلعالىق قۇرىلىسى تۇگەلدەي اياقتايدى.

كەزەكتە اۆتونوميالى رايوندىق پارتكوم وقۋ - اعارتۋ قىزمەت كوميتەتى، وقۋ - اعارتۋ مەڭگەرمەسى سياقتى قاتىستى تاراۋلار قاتىستى ايماق، وبلىس، قالالارمەن بايلانىستى، ءتۇيىلىستىرۋدى ۇزدىكسىز كۇشەيتىپ، جاعدايعا قاراي ورنالاستىرۋ جانە جۇمىس باسىندا ارالاۋ، قۋزاۋ - تەكسەرۋ ءتاسىلى ارقىلى نىسانداردىڭ الدىڭعى مەرزىمدىك جۇمىستارى، قۇرىلىس باستاۋ، قارقىنى، سالىنىپ ءبىتۋ، تەكسەرىپ وتكىزىپ الۋ سياقتى شەشۋشى بۋىندارىن ءجىتى قاداعالاپ، سوڭىنا ءتۇسىپ باسقارۋدى كۇشەيتىپ، جاڭادان سالىناتىن بالاباقشا نىسانى نەگىزگى تۇلعالىق قۇرىلىسىنىڭ 12 - ايدىڭ سوڭىنان ىلگەرى اياقتاۋىنا شىنايى كەپىلدىك ەتتى.