تازارتىلعان سۋدىڭ پايدالانىلۋ مولشەرى جوعارىلاتىلىپ، جەر بەتى سۋىنىڭ زايا بولۋى ازايدى

ىلە وزەنىنىڭ وڭتۇستىك جاعالاۋىنداعى تازارتىلعان سۋدان پايدالانۋ ينجەنەرياسى ارقىلى تۇڭعىش رەت سازدىق باقشاسىن سۋمەن قامدادى

ٴتىلشىمىز لي يافىڭ حابارلايدى. 6 - ايدىڭ 23 - كۇنى قۇلجا قالاسى ىلە وزەنى داڭعىلىنداعى ورتالىق سپورت باقشاسىندا سۋ تولىقتاۋ قۇبىر اۋىزىنان ۇزدىكسىز سۋ جىبەرىلىپ جاتتى. بۇل قۇلجا قالاسىنىڭ تازارتىلعان سۋدان پايدالانۋ ينجەنەريا قۇرىلىسى نىسانى - ىلە وزەنىنىڭ وڭتۇستىك جاعالاۋىنداعى تازارتىلعان سۋدان پايدالانۋ ينجەنەرياسىنىڭ تۇڭعىش رەت سازدىققا سۋ جىبەرۋى.

”قاراشى، مىناۋ ٴبىزدىڭ وڭتۇستىك جاعالاۋداعى لاس سۋدى ٴبىر جاقتى ەتۋ زاۆودىمىزدا تازارتىلعاننان كەيىن مەملەكەتتىڭ ٴبىرىنشى A دارەجەلى ىعىستىرۋ ولشەمىنە جەتكەن سۋ، جاڭادان سالىنعان جاساندى سازدىقتا قايتالاي تازارتقاننان كەيىن تۇنىق ٴارى بوگدە ٴيىسى جوق سۋعا اينالادى“ دەدى قۇلجا قالاسى ليانچۋاڭ قالا قۇرىلىسى (توبى) سۋ ىعىستىرۋ شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى ليۋ بايلۇڭ تىلشىگە سۋ قۇبىرىن نۇسقاپ، ٴتىلشى قۇبىردان تاپ - تازا سۋدىڭ اعىپ شىققانىن كوردى.

ليۋ بايلۇڭ بىلاي دەدى: ”ىلە وزەنىنىڭ وڭتۇستىك جاعالاۋىنداعى تازارتىلعان سۋدان پايدالانۋ ينجەنەرياسىنا جالپى 60 ميلليون 606 مىڭ 100 يۋان قارجى قوسىلعان،  كۇنىنە 15 مىڭ تەكشەمەتر سۋ شىعارۋ ولشەمى بويىنشا جوبالانعان. تازارتىلعان سۋ جاساندى سازدىققا ورناتىلعان اينالمالى پايدالانۋ ناسوسىنان ٴوتىپ، ەڭ سوڭىندا قۇبىر رقىلى باتىستان شىعىستاعى ورتالىق سپورت باقشاسىنا اعىپ كىرىپ، ەكولوگيالىق سۋدى تولىقتايدى، سونداي ـ اق ىلە وزەنى داڭعىلى، يشۇي جولى سياقتى جولدىڭ ەكى جاعىنداعى جاسىلداندىرۋعا پايدالانىلادى.

ۇعىسۋعا قاراعاندا، ورتالىق دەنە تاربيە باقشاسىنىڭ يەلەگەن جەر كولەمى 300 مۋ بولىپ، مۇندا 15 مىڭ ٴتۇپ اعاش، 90 مىڭ شارشى مەتر بۇتا - بۇرگەن، 30 مىڭ شارشى مەتر كوگال بار ەكەن. 6 ـ اي كىرگەننەن بەرى سۋارىلماعاندىقتان،  ونىڭ ۇستىنە ٴۇرتىس جوعارى تەمپەراتۋرالى اۋا رايى سەبەبىنەن مايسا - كوشەتتەردىڭ قۋراپ قالۋ جاعدايى اۋىر ەكەن.

ورتالىق سپورت باقشاسى نىسانىنىڭ جاۋاپتىسى لي حۋابين بىلاي دەدى: ”ٴبىر تاۋلىكتە سۋمەن قامداۋ مولشەرى 11 مىڭ تەكشەمەترگە جەتىپ، مەجەمەن 4 كۇندە  سۋمەن قامداۋ ولشەمىنە جەتەدى، ىلە وزەنىنىڭ وڭتۇستىك جاعالاۋىنداعى تازارتىلعان سۋدان پايدالانۋ ينجەنەرياسى ورتالىق سپورت باقشاسىنىڭ سۋدان قايتالاي پايدالانۋ مولشەرىن جوعارىلاتۋمەن بىرگە، سۋدىڭ زايا بولۋىن ازايتىپ، سۋ بايلىعىن ۇنەمدەدى. سۋمەن قامداۋ ارقىلى باقشاداعى اعاشتار مەن سازدىقتاعى سۋدا وسەتىن وسىمدىكتەر سۋارىلىپ، قاتارعا قوسىلۋ مولشەرى بارىنشا جوعارىلادى“.

 ىلە وزەنى سازدىعىنداعى سىبىرلاق اققۋ.             ۋاڭ ليلي فوتوسى 

 ىلە وزەنىنىڭ وڭتۇستىك جاعالاۋىنداعى تازارتىلعان سۋدان پايدالانۋ ينجەنەرياسى تۇڭعىش رەت ورتالىق سپورت باقشاسىن سۋمەن قامدادى.   .    لي يافىڭ فوتوسى 

 قۇلجا قالالىق ورتالىق سپورت باقشاسىنا كەڭىستىكتەن كوز جىبەرگەندە.        لي يافىڭ فوتوسى