كۇرەس دابىلىن قاعىپ، جوعارى ساپالى دامۋدىڭ ەڭ كۇشتى ٴۇنىن اسقاقتاتتى

− ىقىلاستى تاپسىرمانى ەستە بەرىك ساقتاۋ جونىندەگى جەلىلەس حابار − ىلەنىڭ جوعارى ساپالى دامۋىن ىلگەرىلەتتى

لۋ جۇڭ (ٴوز ٴتىلشىمىز)

دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. 2022 - جىلى 7 - ايدا باس شۋجي شي جينپيڭ شينجياڭدى كوزدەن كەشىرگەندە بىلاي دەپ باسا دارىپتەدى: شينجياڭ سالىستىرمالى جابىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن ىلگەرىلەتىپ، شينجياڭنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزىپ، اشىق ەكونوميكالىق تۇزىلىستە جاڭالىق اشىپ، سىرتقا ەسىك اشۋدىڭ ۇلكەن ارناسىن جەدەل قۇرۋ كەرەك. حالىقارالىق جانە ەل ٴىشى سىندى ەكى بازاردان، ەكى ٴتۇرلى بايلىقتان اناعۇرلىم ويداعىداي پايدالانىپ، جاڭا دامۋ جاعدايىنا بەلسەنە قىزمەت وتەۋ جانە توعىسۋ كەرەك. ەكونوميكالىق، قوعامدىق دامۋ مەن ەكولوگيالىق ورتانى قورعاۋدىڭ قاتىناسىن دۇرىس شەشىپ، مادەنيەت پەن ساياحاتتىڭ توعىسپالى دامۋىن ىلگەرىلەتىپ، حالىقتى اۋقاتتاندىرۋ كاسىبىن قالىپتاستىرۋ كەرەك.

ٴبىر جىلدان بەرى ىلە وبلىستىق پارتكوم مەن ۇكىمەت ىقىلاستى تاپسىرمانى ەستە بەرىك ساقتاپ، العىس ايتا، ەكپىندەي ىلگەرىلەپ، جۇڭگو ۇلگىسىندەگى وسىزامانداندىرۋدىڭ  شينجياڭ تاراۋىن جازۋعا ىلەنىڭ كۇش - قۋاتىن ارناپ، جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، بايلىق ابزالدىعى مەن وڭىرلىك ورىن باسىمدىعىن تياناق ەتىپ، دامۋ ورايىن مىقتى يگەرىپ، باسىمدىققا يە بايلىق كومەسكى كۇشىن تولىق ىسكە قوسىپ، جاڭا دامۋ ارناسىنا ىشكەرىلەي قىزمەت وتەپ جانە ونىمەن توعىسىپ، ”1+1+8“ كاسىپ سالاسى شوعىرىن جوعارى ساپامەن قۇرىپ، اۋىل ـ قىستاقتى گۇلدەندىرۋدى ٴتۇيىن ەتكەن اۋىل شارۋاشىلىعى، اۋىل ـ قىستاق، شارۋالار قىزمەتىن تىڭعىلىقتى ىستەپ، جىبەك جولى ەكونوميكالىق بەلدەۋى وزەكتى رايونىنداعى ماڭىزدى ٴتۇيىن قۇرىلىسىن جەدەل ىلگەرىلەتىپ، تۇتىنۋدى كەڭەيتۋدى كۇش سالا جەبەپ، بيڭتۋان مەن جەرگىلىكتى ورىننىڭ توعىسپالى دامۋىن جانە شينجياڭعا باعىتتامالى كومەكتەسۋ قىزمەتىن تەرەڭدەتىپ، كوركەم ىلە قۇرىلىسىنىڭ تاماشا زاتتىق نەگىزىن بەكەمدەدى.

ٴبىر توپ ساندى مالىمەت ٴتىپتى دە كورنەكتى بولدى: 2023 ـ جىلدىڭ الدىڭعى جارتىسىندا ىلە وبلىسىنا توتە قاراستى ورىندار ەل ىشىنەن 29 ميلليون 582 مىڭ 500 ادام ـ رەت ساياحاتشى قابىلداپ، بىلتىرعى سايكەس مەزگىلدەگىدەن  % 22.72 ارتتى؛ ساياحات كىرىسى 17 ميلليارد 379 ميلليون يۋانعا جەتىپ، بىلتىرعى سايكەس مەزگىلدەگىدەن  % 38.18 ارتتى.

مادەنيەت، ساياحات ماركاسىن جاراتۋدا تاعى دا تاماشا ناتيجە جاراتىلدى. بيىل ىلە وبلىسى مەملەكەتتىك سىرتقا باعىتتالعان مادەنيەت ساۋدا بازاسىن ٴساتتى قۇردى، قۇلجا قالاسى، نىلقى اۋدانى ”مەملەكەتتىك سالقىن ساياحات كۇزەۋلى جەرى“ بولىپ باعالاندى، وبلىستىق مۇراجاي ”مەملەكەتتىك 2 - كەزەكتى مادەنيەت كورمەسىندە ٴجۇز ەگەي مادەنيەت جاسامپازدىعى ونىمدەرىن كورسەتەتىن ورىن“ قاتارىنا ەندى.

6 - ايدىڭ سوڭىنا دەيىن ىلە قازاق اۆتونوميالى وبلىسىندا اۆتونوميالى رايوننىڭ 29 ٴتۇيىندى نىسانىنا جىلدىق جوسپار بويىنشا 9 ميلليارد 400 ميلليون يۋان قارجى قوسىلىپ، 23 نىسان جۇمىس باستادى، مۇنىڭ ىشىندە 19 جالعاستى سالىناتىن نىسان، 3 جاڭادان سالىناتىن نىسان، ٴبىر زاپاس نىسان بار بولىپ، جۇمىس باستاۋ، جۇمىستى قالپىنا كەلتىرۋ مولشەرى %80 كە جەتىپ، 3 ميلليارد 753 ميلليون يۋان قارجى قوسىلدى؛ وبلىسقا توتە قاراستى ورىنداردا 125 ٴتۇيىندى نىسانعا بيىل 24 ميلليارد 820 ميلليون يۋان قارجى قوسۋ جوسپارلانىپ، 103 نىسان قۇرىلىسى قالپىنا كەلتىرىلدى، مۇنىڭ ىشىندە 65 جالعاستى سالىناتىن نىسان، 31 جاڭادان سالىناتىن نىسان، 7 زاپاس نىسان بار بولىپ، جۇمىس باستاۋ، جۇمىستى قالپىنا كەلتىرۋ مولشەرى % 82.4  بولىپ، 7 ميلليارد 613 ميلليون يۋان قارجى قوسىلدى.

 سالىنۋ ۇستىندەگى ىلە وزەنى بەسىنشى كوپىرى             ليۋ چىڭگاڭ فوتوسى 

 نىلقى اۋدانىنىڭ بال فەرماسىنداعى زەردەلى ومارتا              لۋ جۇڭ فوتوسى 

 ساياحاتشىلار قۇلجا قالاسىنىڭ التىشۋار كورىنىس وڭىرىندە سۋرەتكە ٴتۇسىپ ەستەلىك قالتىرۋدا           لۋ جۇڭ فوتوسى 

 قورعاس تاس جول - تەمىر جول بىرلەسكەن تاسىمالى حالىقارالىق زات اينالىمى باقشاسىنىڭ 1 - مەرزىمدىك نىسان قۇرىلىسى الاڭى

لۋ جۇڭ فوتوسى     

 قۇلجا اۋداندىق توقىما ونىمدەرى كاسىبى باقشاسىندا شينجياڭ  تيان - ي  قىزىل تۋ توقىماشىلىق عىلىم - تەحنيكا شەكتى سەرىكتەستىگىندە جۇمىسشى ٴجىپ جالعاۋدا         لۋ جۇڭ فوتوسى 

 قورعاس سانيوۋ فۋشين جارتىلاي وتكىزگىش تەحنولوگيا شەكتى سەرىكتەستىگىنىڭ ٴوندىرىس سەحى             ليۋ چىڭگاڭ فوتوسى 

ىلە شينتيان كومىر - حيميا ونەركاسىبى شەكتى سەرىكتەستىگى زاۆود رايونىنىڭ ٴبىر بۇرىشى  لۋ جۇڭ فوتوسى