伊犁新闻网

حالىق تۇرمىسى بارىنشا جاقسارىپ، باقىتتى تۇرمىستىڭ كوركىن اسىردى

− ىقىلاستى تاپسىرمانى ەستە بەرىك ساقتاۋ جونىندەگى جەلىلەس حابار − ىلەنىڭ جوعارى ساپالى دامۋىن ىلگەرىلەتتى

حان شاشا (ٴوز ٴتىلشىمىز)

وتكەن جىلى جازدا باس شۋجي شي جينپيڭ شينجياڭدى كوزدەن كەشىردى ٴارى ماڭىزدى ٴسوز سويلەپ، ماڭىزدى نۇسقاۋ بەردى، باس شۋجي شي جينپيڭ كورسەتكەن بەتالىسپەن ىلە وبلىسىنداعى ٴار ۇلت پەرزەنتتەرى ٴبىر جاعادان باس، ٴبىر جەڭنەن قول شىعارىپ، العىس ايتىپ، ۇدەرە العا تارتقاندىقتان، ٴتۇرلى ىستەر گۇلدەنىپ - كوركەيىپ، ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.

حالىق تۇرمىسىن نەگىز ەتىپ، جۇمىستاندىرۋدى الدىمەن ەسكەردى

جۇمىستانۋ − بۇقارا ەڭ كوڭىل بولەتىن، ەڭ تىكە، ەڭ رەال ماسەلە بولىپ، بۇل حالىقتىڭ تاماشا تۇرمىسقا دەگەن تالپىنىسىنا سايادى.

”قازىر مەنىڭ تۇراقتى قىزمەتىم بار، ايىنا 4000 يۋاننان استام ەڭبەكاقى الامىن، ۇيىمە جاقىن جەردە قىزمەت ىستەيمىن، بۇعان ٴدان ريزامىن“ دەدى عوپۇر ابدۇكەرىم.

عوپۇر قازىر توعىزتاراۋ اۋدانى حۋاليڭ سيىر شارۋاشىلىعى كاسىبى شەكتى سەرىكتەستىگىندە توپىراق قازۋ ماشيناسىن جۇرگىزەدى، 3 اي بۇرىن ونىڭ تۇراقتى كىرىسى جوق ەدى، ٴبىر ۇيدەگى 4 جان ونىڭ ۇساق - تۇيەك جۇمىس ىستەپ تاپقانىنا سۇيەنىپ جۇقالتاڭ تۇرمىس كەشىرەتىن.

يان حان قازىر شينجياڭ جياشياڭحاۋ ساۋدا (توبى) شەكتى سەرىكتەستىگىندە ساتىپ الۋ كومەكشىسى بولىپ ىستەيدى. 20 كۇننىڭ الدىندا، ول وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ٴار جۇما كۇنگى ۇدايىلانعان قىزمەتكەر قابىلداۋ جينالىسىنان قازىرگى قىزمەتىن تاپقان ەدى.

”قازىرگى قىزمەتىمىدى ۇناتامىن، قىزمەت ورتاسى جاقسى، ٴوسۋ كەڭىستىگى دە زور. ٴار كۇنى قايراتىم تاسقىنداپ تۇرعانداي سەزىنەمىن“ دەدى يان حان. ونىڭ قىزمەت ناتيجەسى كورنەكتى بولعاندىقتان، ايدىڭ باسىندا رەسمي قىزمەتكەر بولدى.

بيىل جىل باسىنان بەرى ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى اۆتونوميالى رايوننىڭ ”8 ٴىرى كاسىپ سالاسى شوعىرى“ جونىندەگى ورنالاستىرۋىن توڭىرەكتەپ، ٴتۇيىندى كاسىپتەردى، نىسانداردى كوزدەپ، مەرزىم بويىنشا كاسىپورىنداردىڭ قىزمەتكەر قابىلداۋ قاجەتىن انىقتاپ، كاسىپورىنداردىڭ جۇمىسشى ىستەتۋ ينفورماتسياسىن ۇدايى جيناۋ، جاريالاۋ مەحانيزمىن ورناتىپ، ”تورتكە بارۋ، ٴۇشتى جەتكىزۋ“ قيمىلىن بەلسەنە ورىستەتىپ، كوكتەم سامالى قيمىلى جانە ٴىرى نىساندارعا جۇمىسكەر قابىلداۋ جينالىسى، ٴتۇيىندى باقشا رايوندارىنداعى كاسىپورىنداردىڭ جۇمىسكەر قابىلداۋ جينالىسى سياقتى كولەمدى نەگىزگى تاقىرىپتىق جۇمىسكەر قابىلداۋ جينالىسىن وتكىزدى.

قونىس ورتاسى ساپالىلانىپ، قۋانىشى قوينىنا سيمادى

”بۇرىن شاعىن اۋماقتىڭ ورتاسى ناشار بولاتىن، جاڭالانعاننان كەيىن جول ٴتىپتى دە كەڭەيىپ، جاسىلداندىرۋ ٴتىپتى دە جاقسارتىلدى، عيمارات كاريدورىنا ەدەن كەرپىش توسەلىپ، شاعىن اۋماققا جاڭادان سامالدىق سالىندى، سونداي ـ اق دەنە شىنىقتىرۋ جابدىقتارى دا ورناتىلدى... بەينە جاڭا ٴبىر شاعىن رايونعا اۋىسقانداي بولدىق“ دەدى. ساجيدام يمام مەن كورشىلەرى شاعىن اۋماقتىڭ اۋلاسىندا جاڭادان سالىنعان سالقىن سامالدىقتا وتىرىپ، شاعىن اۋماقتىڭ وزگەرىسىن اۋىز جاپپاي ماقتاپ.

وتكەن عاسىردىڭ 80 - جىلدارى سالىنعان نانيۋان اۋماعى قۇلجا قالاسىنىڭ ورتالىق رايونىنا ورنالاسقان. نانيۋان اۋماعى ”داۋالداردى شاعىپ، اۋلانى بىرىكتىرۋ“ ٴتاسىلى ارقىلى بۇرىنعى 20 شاعىن اۋماقتى ٴبىر شاعىن اۋماق ەتىپ بىرىكتىرىپ، ٴورت ٴوشىرۋ، ورتتەن ساقتانۋ ارناسىن اشىپ، سۋ ىعىستىرۋ، جىلۋ قۇبىرى جەلىسىن جاڭالاپ، اۆتوكولىك توقتاتۋ ورنىن، اۆتوكولىك توقتاتۋ قالتقىسىن جانە زەردەلى زاريادتاۋ جابدىقتارىن كوبەيتىپ سالدى، قازىر شاعىن اۋماقتىڭ ورتاسى بۇرىنعى ”لاس، بىلىققان، ناشار“ جاعدايدان ”رەتتى، تازا، كورىكتى“ بەينەگە ەنىپ، شاعىن اۋماقتى جاڭالاۋ جۇمىسى تۇرعىنداردىڭ كوڭىلىنەن شىقتى.

بەيقۇت ٴۇي سالۋدان قونىس ورتاسىن ساپالىلاندىرۋعا دەيىن، ىلە وبلىسى حالىقتىڭ تاماشا تۇرمىسقا دەگەن تىلەگىن ۇزدىكسىز قاناعاتتاندىردى، حالىق تۇرمىسىن قامتاماسىزداندىرۋ ٴتىپتى دە جاقسى ىستەلدى.

اۋىرعاندا ەمدەلەتىن ورىن بولىپ، سالاماتتىق قورعالدى

قۇلجا قالاسى ايرانباق ٴمالى باسقارماسى الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىعى قاراستىلىعىنداعى 76 مىڭ ادامنىڭ ەمدەۋ قىزمەت وتەۋ مىندەتىن ۇستىنە العان - دى. بيىل جىل باسىنان بەرى ەمدەۋ قامسىزداندىرۋىن ەسەپتەن كوتەرۋ ساياساتى رەتتەلگەندىكتەن، مۇندا كەلەتىن تۇرعىندار كورنەكتى كوبەيدى.

”الەۋمەتتىك اۋماق ەمحاناسىنىڭ شيپاگەرى مەنىڭ جاعدايىمدى بايقاپ، بۋلاۋعا سالىپ ەمدەسەك جاقسىراق بولۋى مۇمكىن، اۋرۋىڭ دا جاقسى بوپ قالادى دەگەن سوڭ، سىناپ كورەيىن دەگەم. بۇگىن 10 كۇن بولدى، اۋرۋ بەلگىلەرى دە جەڭىلدەپ قالدى“ دەدى. ۋاڭ لۋ ەسىك الدىنداعى ەمدەۋ قىزمەت وتەۋىنە ريزالىق ٴبىلدىرىپ.

حالىق تۇرمىسىن جاقسارتۋعا قاتىستى شارالاردىڭ ٴبىر - بىردەن تياناقتانۋى ىلە وبلىسىنداعى ٴار ۇلت حالقىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم نىعايتىپ، اناعۇرلىم قامتاماسىز ەتىپ، اناعۇرلىم باياندى ەتتى.