ٴتىلشىمىز لي يافىڭ حابارلايدى. الدا كۇشتى سۋىق اعىس كىرۋ بايلانىسىمەن قۇلجا قالاسى 10 ـ ايدىڭ 10 ـ كۇنى جىلۋمەن قامداۋعا جۇمىلدىرۋ ٴماجىلىسىن اشتى. 10 ـ ايدىڭ 11 ـ كۇنىنەن باستاپ سىناق رەتىندە جىلىتۋ قىزمەتىن باستاپ، 10 ـ ايدىڭ 13 ـ كۇنى جىلۋمەن رەسمي قامداپ، بۇقارانىڭ تومەن تەمپەراتۋرالى اۋا رايىندا جىلۋدان پايدالانۋ قاجەتىنە كەپىلدىك ەتپەكشى.

ىلە وبلىستىق اۋا رايى ستانسياسى مەجەمەن 10 -ايدىڭ 13 - كۇنى تۇننەن 14 - كۇنىنە دەيىن كۇشتى سۋىق اعىس ىلە اڭعارىنا اسەر ەتىپ، كۇشتى بوران شىعىپ، جاۋىن - شاشىندى، قارلى، ٴتىپتى قالىڭ قارلى اۋا رايىنىڭ تۋىلاتىندىعى جونىندە حابارلاندىرۋ تاراتتى.

اتتانىسقا كەلتىرۋ ماجىلىسىندە قۇلجا قالاسىنداعى 4 شوعىرلى جىلۋمەن قامداۋ كاسىپورنى مەن 2 نەگىزگى جىلۋ قاينارى قىسقى جىلۋمەن قامداۋدىڭ ٴتۇرلى قىزمەتتەرىن تىڭعىلىقتى، مۇقيات جاقسى ىستەۋ جونىندە ەگجەي - تەگجەيلى مالىمەت بەردى ٴارى جىلۋمەن قامداۋدا ورىن تەۋىپ وتىرعان ٴىشىنارا ماسەلەلەردى بار كۇشپەن شەشەتىندىكتەرىن ٴبىلدىردى.

حۋاديان ىلە كومىر - ەلەكتر شەكتى سەرىكتەستىگىنىڭ ٴتۇرلى جىلۋمەن قامداۋ جابدىقتارى دايىندالىپ بولدى، جىلۋلىق پەن ەلەكتر ەنەرگياسىن ٴوندىرۋدى بىرلەستىرگەن 2 جىلۋلىق اگرەگات توبى ورنىقتى جۇمىس جۇرگىزىپ، وتىندىق كومىردەن 10 كۇندىك زاپاس قورىن دايىنداپ، جىلۋمەن ۋاعىندا قامداۋعا ازىرلەندى. جۇڭمەي ىلە ەنەرگيا اشۋ شەكتى سەرىكتەستىگى جىلۋمەن قامداۋ جۇيەسىنىڭ جىلدىق تەكسەرۋ ـ جوندەۋ قىزمەتى جاپپاي ورىندالدى، قازىر سۋ جۇيەسى ىسكە قوسىلىپ، جىلۋمەن قامداۋ شارت ـ جاعدايىن ازىرلەدى.

ۇعىسۋعا قاراعاندا، 2023 ـ جىلدان 2024 ـ جىلعا دەيىنگى جىلۋمەن قامداۋ مەزگىلىندە، قۇلجا قالاسىنداعى نەگىزگى جىلۋ قاينارى − جۇڭمەي ىلە ەنەرگيا اشۋ شەكتى سەرىكتەستىگى مەن حۋاديان ىلە كومىر - ەلەكتر شەكتى سەرىكتەستىگىنىڭ جالپى جىلۋمەن قامداۋ قۋاتى 26 ميلليون شارشى مەترگە جەتەدى. قۇلجا قالالىق جىلۋمەن قامداۋ شەكتى سەرىكتەستىگىنىڭ 3 ـ، 4 ـ جىلۋمەن قامداۋ زاۆودى جىلۋ رەتتەيتىن قاينار رەتىندە، جىلۋمەن قامداۋ قۋاتى 5 ميلليون شارشى مەتر، ىلە ۋيبو جىلۋمەن قامداۋ شەكتى جاۋاپكەرشىلىك سەرىكتەستىگى جىلۋ قاينارى زاۆودىنىڭ جىلۋمەن قامداۋ قۋاتى 4 ميلليون 500 مىڭ شارشى مەتر بولىپ، جىلۋ قاينارىنىڭ جالپى جىلۋمەن قامداۋ قۋاتى بيىل قىستا جىلۋمەن قامداۋدىڭ قاجەتىن تولىق قاناعاتتاندىرا الادى ەكەن.

قۇلجا قالالىق جىلۋمەن قامداۋ شەكتى سەرىكتەستىگى، ىلە ۋيبو جىلۋمەن قامداۋ شەكتى جاۋاپكەرشىلىك سەرىكتەستىگى قۇلجا قالاسىنداعى جىلۋمەن قامداۋ كولەمى ەڭ ۇلكەن، قامتۋ اۋماعى ەڭ كەڭ، قىزمەت وتەيتىن تۇتىنۋشى سانى ەڭ كوپ كاسىپورىن. 10 ـ ايدىڭ 11 ـ كۇنى قۇلجا قالالىق جىلۋمەن قامداۋ شەكتى سەرىكتەستىگىنىڭ 3 ـ، 4 ـ جىلۋمەن قامداۋ زاۆودى مەن ىلە ۋيبو جىلۋمەن قامداۋ شەكتى جاۋاپكەرشىلىك سەرىكتەستىگى سىناق رەتىندە ىستىق سۋ جۇرگىزۋدى باستاپ، 10 ـ ايدىڭ 13 ـ كۇنى جىلۋمەن ۋاعىندا قامداۋعا كەپىلدىك ەتپەكشى.

”بيىل قاراستى اۋماقتىڭ جىلۋمەن قامداۋ كولەمى تىڭنان 180 مىڭ شارشى مەتر ارتاتىندىعى جوسپارلانىپ، ٴىس جۇزىندىك جىلۋمەن قامدايتىن كولەم ٴبىر ميلليون 100 مىڭ شارشى مەترگە جەتەتىن بولادى“. ىلە نۋانجۇي جىلۋمەن قامداۋ شەكتى سەرىكتەستىگىنىڭ زاڭدى ۋاكىلى ۋاڭ شىشيا بىلاي دەدى: قازىر قاراستى رايونداعى كونە، شاعىن اۋماقتاردىڭ قۇبىر تورىن جاڭالاۋ جۇمىسى ورىندالىپ بولدى، قۇبىر تورىنا سۋ جىبەرىپ، قىسىمىن سىناپ كورۋ قىزمەتى دە تۇگەلدەي تياناقتاندى، جىلۋمەن كەز كەلگەن ۋاقىتتا قامداۋعا بولادى.

قىسقى جىلۋمەن قامداۋ سان مىڭداعان وتباسىنا، بۇقارانىڭ مۇددەسىنە قاتىستى ماڭىزدى حالىق تۇرمىسى ينجەنەرياسى جانە حالىق تىلەگى ينجەنەرياسى. قۇلجا قالالىق پارتكومنىڭ تۇراقتى مۇشەسى، قالانىڭ ۇنەمىلىك ىستەرگە جاۋاپتى ورىنباسار باستىعى شيا جىگو مىنالاردى ٴبىلدىردى: بيىلعى جىلۋمەن قامداۋ ۋاقىتتى شەگىندىرىپ ساناۋ كەزەڭىنە ٴوتتى، ٴارقايسى جىلۋمەن قامداۋ كاسىپورىندارى، جىلۋ قاينارى زاۆودتارى اياق الىستى جەدەلدەتىپ، شالاعايلىقتاردى، كومەسكى كىناراتتاردى بار كۇشپەن ٴبىر - بىرلەپ تەكسەرىپ، دەرەۋ ارەكەتتەنىپ، دەرەۋ تۇزەتۋى؛ تازا ەنەرگياعا وزگەرتۋ مىندەتىن دەر كەزىندە ورىنداپ، شۇعىل جاعدايعا توتەپ بەرۋ دايىندىق جوباسىن ويداعىداي جاساپ، ٴتۇرلى قامتاماسىزداندىرۋدى ويداعىداي ىستەۋى؛ زاڭ اتقارۋدى باقىلاۋدى كۇشەيتىپ، جىلۋمەن قامداۋعا قىزمەت وتەۋ ساپاسى مەن دەڭگەيىن بار كۇشپەن جوعارىلاتۋ؛ كۇش بىرىكتىرە سەلبەسىپ، جىلۋ قاينارىنىڭ بارلىق وتباسىلارىنا دەر كەزىندە ٴساتتى جەتكىزىلۋىنە شىنايى كەپىلدىك ەتىپ، بۇقارانىڭ قىستان جىلى وتۋىنە مۇمكىندىك جاساۋى كەرەك.

سۋرەتتە: قىزمەتكەرلەر حۋاديان ىلە كومىر - ەلەكتر شەكتى سەرىكتەستىگىنىڭ ورتالىق مەڭگەرۋ كەڭسەسىندە قۇرىلعىلاردىڭ جۇمىس جۇرگىزۋ جاعدايىن قاداعالاۋدا.            كاڭ حاۋيۇي فوتوسى