ەرىكتى تىلشىلەر لي يۇڭ، حوۋ شين ـ ي حابارلايدى. 10 - ايدىڭ 28 - كۇنى، ىلە وبلىسى قورعاس اۆتوموبيل كاسىپ باقشاسى نىسانى قۇرىلىسىنىڭ جۇمىس باسى قاربالاس كۇيدە، جۇمىسشىلار ٴوز مىندەتتەرىن اتقارىپ، تارتىپپەن جۇمىس جۇرگىزىپ، كۇزگى قۇرىلىس جۇرگىزۋدىڭ التىن مەزگىلىن مىقتى يگەرىپ، نىساننىڭ ەرتە سالىنۋىن، ەرتە وندىرىسكە قوسىلۋىن بار كۇشپەن ىلگەرىلەتۋدە.

قورعاس اۆتوموبيل كاسىپ باقشاسى نىسانى 2023 ـ جىلعى ماشينا ـ ەلەكتر جابدىقتارى كاسىبى سالاسىنداعى ٴتۇيىندى نىسانداردىڭ ٴبىرى، حىنان فاڭرۇي عىلىم ـ تەحنيكانى دامىتۋ شەكتى سەرىكتەستىگى مەن قورعاس اشۋ - قۇرۋ، دامىتۋ توبى شەكتى سەرىكتەستىگى بىرگە قارجى قوسىپ سالعان، ي - چي ليڭيۋان اۆتوموبيل جاساۋ شەكتى سەرىكتەستىگى تەحنيكالىق جاقتان قولداۋ كورسەتكەن، جالپى 500 ميلليون يۋان قارجى قوسىلعان، نىسان ەكى مەرزىمگە ٴبولىنىپ سالىنادى، ٴبىرىنشى مەرزىمدە 300 ميلليون يۋان قارجى قوسىلىپ، مەملەكەت مەنشىگىندەگى 25 مىڭ 625.80 شارشى مەترلىك زاۆود ٴۇيىن مايعا الىپ، اۋىر تيپتى جۇك اۆتوموبيل قۇراستىرۋ باس زاۆودىن قۇرىپ، ٴوندىرىس جەلىسىن ساتىپ الىپ، ٴداستۇرلى اۆتوموبيل مەن جاڭا ەنەرگيالى اۆتوموبيلدى تۇتاس قۇراسترۋدى نەگىز ەتەدى. 2 ـ مەرزىمدىك قۇرىلىسقا 200 ميلليون يۋان قارجى قوسىپ، عىلىم ـ تەحنيكا زات اينالىمى سەرىكتەستىگىن قۇرىپ، نەگىزىنەن اۆتوكولىكتەردى مايعا بەرۋ جانە ساتۋ، زەردەلى زات اينالىمى تۇعىرى تەحنيكاسىن اشۋ جانە قىزمەت وتەۋ، قامداۋ تىزبەگىن باسقارۋ جانە قىزمەت وتەۋ سياقتى كاسىپتەردى جۇرگىزەدى. نىسان سالىنىپ ٴبىتىپ وندىرىسكە قوسىلعاننان كەيىن، قورعاستىڭ جانە ونىڭ توڭىرەگىندەگى ٴداستۇرلى اۆتوكولىك ونەركاسىبى مەن جاڭا ەنەرگيالى تۇتاس اۆتوكولىك ٴوندىرۋ، جاساۋ كاسىبىنىڭ دامۋىن ٴونىمدى جەبەپ، قورعاستىڭ ”سىرتتان ەنگىزۋ، ىشپەن بىرلەسۋ، شىعىسپەن بىرلەسىپ باتىسقا شىعارۋ، باتىسقا شىعارۋ، شىعىستان ەنگىزۋ“ قولايلىلىعىنان جانە ”ەكى بازار، ەكى بايلىق قاينارى“ باسىمدىعىنان پايدالانىپ، ەلىمىزدە وندىرىلگەن اۆتوكولىكتەردى ورتا ازياداعى 5 ەلگە جانە ”ٴبىر بەلدەۋ، ٴبىر جولدى“ بىرگە قۇرعان باسقا دا ەلدەرگە ەكسپورت ەتەدى.

ي - چي ليڭيۋان اۆتوموبيل جاساۋ شەكتى سەرىكتەستىگىنىڭ تەحنيكالىق جاۋاپتىسى جياۋ پان بىلاي دەدى: ”نىسان بيىل 8 ـ ايدا رەسمي قۇرىلىس باستادى، قارجى قوسۋدى جەبەۋ ورتالىعىنىڭ كومەگى مەن سايكەستىرۋىندە، ورناتىلاتىن جابدىقتاردىڭ تاعانى 190 مەتر قازىلىپ، قازىر جۇمىسى تۇگەلدەي ورىندالدى، بەتون توسەنىش قاباتىن قۇيۋ دا ورىندالىپ بولدى، كەزەكتە توسپا تام، جابدىق قۇرىلىمى دىڭگەگى سالىنۋدا“.

قورعاس قارجى قوسۋدى جەبەۋ ورتالىعى ساۋداگەر شاقىرىپ، قارجى ەنگىزۋ نىساندارىنا ”جۇمىستان بۇرىن ارالاسۋ، جۇمىس بارىسىندا كومەكتەسىپ ٴبىتىرۋ، جۇمىستان كەيىن قاداعالاۋ، تۇتاس بارىستا قورعاۋ“ سىندى تۇتاس پەريودتىق قىزمەت وتەۋ ۇستانىمىنا جانە ”بار پەيىلىمەن قىزمەت وتەۋ“ تانىمىنا تاباندى بولىپ، قيىنشىلىقتى بەتپە - بەت شەشىپ، كاسىپورىندار ىرگە تەپكەن العاشقى مەزگىلدەگى ”ٴۇشتى تۇتاستىرۋ، ٴبىردى تەڭەستىرۋ“ قىزمەتىن بەلسەنە سايكەستىرىپ شەشتى، قازىر قۇرىلىس باسىندا سۋدان، ەلەكتردەن، جولدان پايدالانۋ جۇمىستارى تۇگەلدەي ورنالاستىرىلىپ، كاسىپورىنداردىڭ ەلەكتردەن پايدالانۋ ماسەلەسىن بەلسەنە ۇشتاستىرۋدا.

قورعاس ەكونوميكالىق اشۋ رايونى ساۋداگەر شاقىرۋ مەكەمەسى (ساۋدا ىستەرى جانە ينفورماتسيالاندىرۋ مەكەمەسى) پارتيا باسشىلىق گرۋپپاسىنىڭ شۋجيى، مەكەمە باستىعى، قارجى قوسۋدى جەبەۋ ورتالىعىنىڭ ورىنباسار مەڭگەرۋشىسى گۋان جينجۇڭ بىلاي دەدى: ”ٴبىز ’ٴبىر نىسان، ٴبىر باسشى، ٴبىر قوسىن، سوڭىنا دەيىن يگەرۋ‘ ارناۋلى قىزمەت جاۋاپكەرشىلىك ٴتۇزىمىن قاتاڭ تياناقتاندىرىپ، تۇتاس بارىستا ’بىرگە ٴبىر قىزمەت وتەۋ‘ ارقىلى ٴتۇيىندى نىسان قۇرىلىستارىنىڭ جەدەل ىلگەرىلەتىلۋىنە دەم بەرەمىز“.