باستاماشى كاسىپورىندار مەن ساپالى بايلىقتى شوعىرلاندىرىپ، ساپالى تۇقىم جەتىلدىرۋ بۋىندارىندا عىلمي زەرتتەۋدەن قامال الۋدى جەدەلدەتتى

قۇلجا اۋدانى وسى زامانعى تۇقىم شارۋاشىلىعى كاسىپ باقشاسى اۋىل شارۋاشىلىعىنىڭ ”چيپىن“ كۇشەيتتى

سۋرەتتە: جۇمىسشىلار جۇگەرى تاسۋدا.     ۋاڭ ليلي فوتوسى

تىلشىلەرىمىز لۋ جۇڭ، ۋاڭ ليلي حابارلايدى. مەملەكەت اۋىل شارۋاشىلىعىن نەگىز ەتەدى، اۋىل شارۋاشىلىعى تۇقىمدى باستى ورىنعا قويادى. ىلە اڭعارى جۇگەرى ەگۋگە ۇيلەسەتىن التىن وڭىرگە ورنالاسقان، مۇنداعى وزگەشە جاعراپيالىق شارت - جاعداي بۋدانداستىرىلعان جۇگەرىنىڭ ساپالى تۇقىمىن جەتىلدىرۋدەگى تابيعي بەلدەۋى بولىپ، ساپالى تۇقىمدىق جۇگەرى كاسىپ سالاسىن دامىتۋ باسىمدىعىنا يە.

سوڭعى جىلدارى قۇلجا اۋدانى كۇن نۇرى جەتكىلىكتى، قىراۋسىز مەزگىلى ۇزاق، ماشينالاسۋ دارەجەسى جوعارى، سۋارۋ شارت ـ جاعدايى جاقسى بولۋداي باسىمدىلىعىنا سۇيەنىپ، بۋدانداستىرىلعان جۇگەرىنىڭ ساپالى تۇقىمى ەگىلگەن جەر كولەمىن 2021 ـ جىلعى 12 مىڭ مۋدان 2023 ـ جىلى 135 مىڭ 800 مۋعا جەتكىزىپ، شينجياڭنىڭ ٴىشى ـ سىرتىنداعى نەشە ونداعان تۇقىم جەتىلدىرۋ كاسىپورىندارىن وسىندا ىرگە تەبۋگە باۋرادى.

تۇقىم شارۋاشىلىعى كاسىپ تىزبەگىن كەمەلدەندىرىپ، تۇقىم شارۋاشىلىعىنىڭ كاسىپ سالالىلانىپ دامۋىن جەبەپ، كاسىپ سالاسىن گۇلدەندىرۋ ارقىلى اۋىل ـ قىستاقتىڭ گۇلدەنۋىن جەبەۋ ٴۇشىن بيىل 2 ـ ايدا قۇلجا اۋداندىق پارتكوم، ۇكىمەت تۇقىم ٴوندىرىسىن شوعىرلى مانەرلەۋ، قامبادا ساقتاۋ، زات اينالىمى، ساپالى تۇقىمدى زەرتتەپ ـ اشۋ، ونىمدەردى كورمەگە قويىپ ساتۋ جانە سايكەستى قىزمەت وتەۋ ٴبىر تۇلعالاندىرىلعان وسى زامانعى تۇقىم شارۋاشىلىعى كاسىپ باقشاسىن قۇرۋدى اقىلداسىپ ۇيعاردى. وسى زامانعى تۇقىم شارۋاشىلىعى كاسىپ باقشاسى بۇكىلدەي قۇرىلعاننان كەيىن جىلدىق تۇقىم مانەرلەۋ مولشەرى 100 مىڭ توننادان اسىپ، قۇلجا اۋدانىنداعى 200 مىڭ مۋ جەرگە ساپالى جۇگەرى تۇقىمىن ەگۋگە جەبەۋشى بولىپ، 200 دەن استام تۇراقتى جۇمىس ورنىن، 10 مىڭنان استام ماۋسىمدىق جۇمىس ورنىن ازىرلەيدى.

وسى زامانعى تۇقىم شارۋاشىلىعى كاسىپ باقشاسىنا جالپى 560 ميلليون يۋان قارجى قوسىلعان، باقشا رايونىنىڭ جوبالانعان اۋماعى 802.1 مۋ، بيىل 3 ـ ايدا قۇرىلىس باستاعان. قازىر جۇڭجۇڭ توبى شينجياڭ تۇقىم شارۋاشىلىعى شەكتى سەرىكتەستىگى، شينجياڭ دىڭحاي اۋىل شارۋاشىلىعى عىلىم ـ تەحنيكا شەكتى سەرىكتەستىگى، قۇلجا اۋدانى حىبو اۋىل شارۋاشىلىعى عىلىم ـ تەحنيكاسىنا قىزمەت وتەۋ شەكتى سەرىكتەستىگى، شينجياڭ تيانكو اۋىل شارۋاشىلىعى عىلىم - تەحنيكا شەكتى سەرىكتەستىگى سىندى 4 كاسىپورىن ىرگە تەپكەن. جۇڭجۇڭ توبى شينجياڭ تۇقىم شارۋاشىلىعى شەكتى سەرىكتەستىگى مەجەمەن 2024 ـ جىلى 9 ـ ايدا وندىرىسكە قوسىلۋدان سىرت، قالعان 3 كاسىپورىن بيىل 9 ـ ايدا وندىرىسكە قوسىلىپ، سول جىلى جوبالانىپ، ساۋداگەر شاقىرىپ، قۇرىلىس جۇرگىزىپ، سول جىلى وندىرىسكە قوسىلدى.

10 ـ ايدىڭ 18 ـ كۇنى ٴتىلشى قۇلجا اۋدانى حىبو اۋىل شارۋاشىلىعىنا عىلىم ـ تەحنيكالىق جاقتان قىزمەت وتەۋ شەكتى سەرىكتەستىگىنىڭ 10 مىڭ توننالىق جۇگەرى ماساعىن مانەرلەۋ زاۆودىنان التىنداي جارقىراعان جۇگەرىنىڭ تاۋ بولىپ ٴۇيىلىپ، كەپتىرۋ جابدىقتارىنىڭ توقتاۋسىز اينالىپ، ناق مايداندا قاربالاس جۇمىس ىستەلىپ جاتقانىن كوردى.

”9 - ايدىڭ 20 - كۇنى 10 مىڭ توننالىق جۇگەرى ماساعىن مانەرلەۋ زاۆودى رەسمي پايدالانۋعا بەرىلدى. قازىر كۇندىك مانەرلەۋ مولشەرى 150 توننا اينالاسىندا، قازىرگە دەيىن 2 مىڭ 200 توننادان استام مانەرلەنگەن، جۇمىس 10 ـ ايدىڭ سوڭىندا اياقتالادى، مەجەمەن جالپى مانەرلەۋ مولشەرى 3 مىڭ 500 توننا اينالاسىندا بولادى“ دەدى جۇگەرى ماساعىن مانەرلەۋ زاۆودىنىڭ باستىعى دىڭ فالي تىلشىگە.

وسى زامانعى تۇقىم شارۋاشىلىعىنا قىزمەت وتەۋ جۇيەسى قۇرىلىسىن بار كۇشپەن ىلگەرىلەتۋ بارىسىندا، قۇلجا اۋدانى تاعى ”تۇقىم شارۋاشىلىعى، تۇقىم جەتىلدىرۋدى جالپىلاستىرۋدى“ ٴبىر تۇلعالاندىرۋ قۇرىلىسىن بەلسەنە ىلگەرىلەتىپ، تۇقىم جەتىلدىرۋ بۋىندارىنداعى عىلمي زەرتتەۋدەن قامال الۋدى جەدەلدەتىپ، باستاماشى كاسىپورىندار مەن ساپالى بايلىقتار شوعىرلانعان جاعداي قالىپتاستىرىپ، جۇگەرى تۇقىم شارۋاشىلىعىنىڭ تۇتاس كاسىپ تىزبەگىنىڭ دامۋىنا دەم بەرىپ، قۇلجا اۋدانىنىڭ جۇگەرى تۇقىم شارۋاشىلىعىنىڭ جوعارى ساپالى دامۋىن ىلگەرىلەتتى.