قازىرگە دەيىن تياناقتانعان قارجى 2 ميلليارد 473 ميلليون يۋان بولدى

جۇمىسشىلار ۆاكۋمدىق قان الۋ تۇتىكشەسىن وندىرۋدە.   لۋ جۇڭ  فوتوسى

مانەرلەۋ الدىنداعى قىزىل بۇرىش.     ۋاڭ ليلي  فوتوسى

تىلشىلەرىمىز لۋ جۇڭ، ۋاڭ ليلي حابارلايدى. بيىل قورعاس اۋدانى ساۋداگەر شاقىرىپ، قارجى ەنگىزۋ قىزمەتىن كۇش سالا ىلگەرىلەتىپ، ٴبىر توپ ساپالى كاسىپورىندار مەن نىسانداردى قورعاس ەكونوميكالىق اشۋ رايونىنا ەنگىزدى، قازىر ٴىشىنارا نىساندار رەسمي وندىرىسكە قوسىلىپ، قورعاس اۋدانى ەكونوميكاسىنىڭ جوعارى ساپالى دامۋىن پارمەندى كەپىلمەن قامدادى.

10 ـ ايدىڭ 19 ـ كۇنى قورعاس ەكونوميكالىق اشۋ رايونىنا ورنالاسقان شينجياڭ يىڭماي ەمدەۋ بيو عىلىم ـ تەحنيكا شەكتى سەرىكتەستىگىنىڭ 100 مىڭ دارەجەدەگى تازارتۋ سەحىندا جۇمىسشىلار ٴوز قىزمەت ورىندارىندا تولىق اۆتوماتتاندىرىلعان جابدىقتاردى تارتىپپەن جۇرگىزىپ، ۆاكۋمدىق قان الۋ تۇتىكشەسىن وندىرۋدە.

شينجياڭ يىڭماي ەمدەۋ بيو عىلىم ـ تەحنيكا شەكتى سەرىكتەستىگى 2023 ـ جىلى قۇرىلعان، ۆاكۋمدىق قان الۋ تۇتىكشەسىن ٴوندىرۋدى نەگىزگى تيجارات كاسىبى ەتكەن، وسى زامانعى ەمدەۋ اسپاپتارىن شوعىرلى ٴوندىرۋ، زەرتتەپ ـ اشۋ جانە ساتۋ ٴبىر تۇلعالاندىرىلعان امبەباپ جوعارى عىلىم ـ تەحنيكالى كاسىپورىن. اتالعان سەرىكتەستىكتىڭ ەمدەۋ ماتەريالدارىن مانەرلەۋ قۇرىلىس نىسانىنا جالپى 160 ميلليون يۋان قارجى قوسىلىپ، 6 تولىق اۆتوماتتاندىرىلعان ۆاكۋمدىق قان الۋ تۇتىكشەسى ٴوندىرىس جەلىسى جاڭادان سالىنىپ، ىلەدەگى تۇڭعىش ۆاكۋمدىق قان الۋ تۇتىكشەسى ونىمدەرىن وندىرەتىن كاسىپورىن بولدى.

نىسان سالىنىپ وندىرىسكە قوسىلعاننان كەيىن جىلىنا 540 ميلليون دانا ۆاكۋمدىق قان الۋ تۇتىكشەسى ٴوندىرىلىپ، جىلدىق تيجارات كىرىسى 240 ميلليون يۋانعا جەتەدى. نىسان ەكى مەرزىمگە ٴبولىنىپ سالىنادى، ٴبىرىنشى مەرزىمدىك نىسانعا 50 ميلليون يۋان قارجى قوسىلىپ، جىلىنا 120 ميلليون دانا ۆاكۋمدىق قان الۋ تۇتىكشەسىن وندىرەتىن 2 ٴوندىرىس جەلىسى سالىنادى، نىسان 2023 ـ جىلى  5 - ايدا قۇرىلىس باستاپ، 9 - ايدىڭ 28 - كۇنى رەسمي وندىرىسكە قوسىلعان.

”قورعاس ەكونوميكالىق اشۋ رايونىندا قارجى قوسىپ، زاۆود سالۋدى تاڭداۋدىڭ ٴوزى قورعاس اۋدانىنىڭ وڭىرلىك باسىمدىعىنا نازار اۋدارعاندىق، ويتكەنى ٴبىزدىڭ جوسپارىمىزدا ونىمدەرىمىزدى شينجياڭدا ساتۋدان سىرت، ورتا ازيا بازارىنا ەكسپورت ەتۋ“ دەدى شينجياڭ يىڭماي ەمدەۋ بيو عىلىم ـ تەحنيكا شەكتى سەرىكتەستىگىنىڭ باس ديرەكتورى لۇي چيڭحاي تىلشىگە.

ۆاكۋمدىق قان الۋ تۇتىكشەسى − نورمالى قان الۋدى جۇزەگە اسىراتىن كەرى قىسىمدى ۆاكۋمدىق اينەك تۇتىكشە، بۇل ٴبىر رەت ىستەتىلەتىن ٴونىم بولعاندىقتان، سارىپ بولۋ مولشەرى وتە زور. ”ۆاكۋمدىق قان الۋ تۇتىكشەسى ونىمدەرىن جەرگىلىكتى ورىنعا ۇيلەستىرىپ ٴوندىرۋ جۇزەگە اسىرىلعاننان كەيىن جەرگىلىكتى ەمدەۋ قۇرىلىمدارىنىڭ ساتىپ الۋ وزىندىك قۇنىن زور مولشەردە تومەندەتۋدەن سىرت، سەرىكتەستىك تاعى ۇقساماعان تەڭىز دەڭگەيىنەن بيىك وڭىرلەردە ۆاكۋمدىق قان الۋ مولشەرى ساندى مالىمەتىن ناق مايداندا جيناپ، وسى ارقىلى تەڭىز دەڭگەيىنەن بيىك ۆاكۋمدىق ورتادا قان ۇلگىسىن الۋ ونىمدەرىن زەرتتەپ جاساپ، سول ارقىلى جەرگىلىكتى تۇتىنۋشىلارعا دالمە ـ ٴدال، سەنىمدى ارناۋلى ٴونىم جاساپ بەرەدى“ دەدى لۇي چيڭحاي.

قورعاس ەكونوميكالىق اشۋ رايونى ازىق ـ تۇلىك كاسىپ باقشاسىنا ورنالاسقان جەمىس قاعىن مانەرلەۋ نىسانىن شينجياڭ لياڭچىن مەيجيڭ اۋىل شارۋاشىلىق عىلىم ـ تەحنيكا شەكتى سەرىكتەستىگى قارجى قوسىپ سالعان، نىسانعا جالپى 50 ميلليون يۋان قارجى قوسىلعان، جىلىنا 8000 توننا جەمىس قاعىن ٴوندىرۋ جەلىسى، 600 شارشى مەترلىك ولشەمدەنگەن شاڭ ـ توزاڭسىز قوراپتاۋ سەحى، 150 شارشى مەترلىك ولشەمدەنگەن توڭازىتۋ قويماسى سالىنعان. نىسان 7 - ايدىڭ 2 - كۇنى قۇرىلىس باستاپ، قازىر رەسمي وندىرىسكە قوسىلعان.

سول كۇنى ٴتىلشى شينجياڭ لياڭچىن مەيجيڭ اۋىل شارۋاشىلىق عىلىم ـ تەحنيكا شەكتى سەرىكتەستىگىنىڭ جەمىس قاعىن مانەرلەۋ نىسانىنىڭ جۇمىس باسىنان سەحتا توبە بولىپ ۇيىلگەن قىزىل بۇرىشتى كورگەن. بۇلار ىرىكتەلىپ، تۋرالىپ ٴبىر تاۋلىك كەپتىرىلگەن سوڭ قىزىل بۇرىش تولىق مانەرلەنىپ بولادى ەكەن.

”بيىل كاسىپورىن نەگىزىنەن قارا ورىك قاعى مەن قىزىل بۇرىش قاعىن مانەرلەۋدى نەگىز ەتەدى. قارا ورىك تۇگەلدەي مانەرلەنىپ بولدى، جالپى ٴونىم مولشەرى شامامەن 2000 توننا. قارا ورىك قاعى بازارعا سالىنىسىمەن 8 ـ ايدىڭ 26 ـ كۇنى كاسىپورىن قىزىل بۇرىش قاعىن بار كۇشپەن مانەرلەي باستادى. قىزىل بۇرىش نەگىزىنەن توعىزتاراۋ اۋدانى مەن چاپچال سىبە اۆتونوميالى اۋدانىنان ساتىپ الىنادى، قازىر كۇنىنە 15 توننادان 20 تونناعا دەيىن مانەرلەۋگە بولادى، ەلەكتروندىق ساۋدا تۇعىرى ارقىلى بۇكىل ەلدىڭ جەر ـ جەرىنە ساتىلادى. بيىل كاسىپورىنىمىزدىڭ ٴونىم قۇنى مولشەرمەن 2 ميلليون يۋاننان اسادى. كەلەر جىلى الما قاعى، ورىك قاعى، جۇڭگوشا ٴدارى ماتەريالدارى جاپىراقشاسى سياقتى ونىمدەر تىڭنان قوسىلادى” دەدى شينجياڭ لياڭچىن مەيجيڭ اۋىل شارۋاشىلىق عىلىم ـ تەحنيكا شەكتى سەرىكتەستىگىنىڭ جاۋاپتىسى ليۋ فان تىلشىگە.

ٴتىلشىنىڭ قورعاس اۋدانى ەكونوميكالىق اشۋ رايونىن باسقارۋ كوميتەتىنىڭ قارجى قوسۋدى جەبەۋگە قىزمەت وتەۋ ورتالىعىنان ۇعىسۋىنشا، 9 - ايدىڭ 30 - كۇنىنە دەيىن قورعاس ەكونوميكالىق اشۋ رايونى ساۋداگەر شاقىرىپ، قارجى ەنگىزۋ ارقىلى 27 نىساندى تياناقتاندىرعان، توقتام سوماسى 6 ميلليارد 214 ميلليون يۋان بولعان؛ 2023 ـ جىلى 3 ميلليارد 58 ميلليون يۋان قارجى قوسۋ جوسپارلانعان - دى، قازىر 2 ميلليارد 473 ميلليون يۋان قارجى تياناقتانىپ، بىلتىرعى سايكەس مەزگىلدەن %23 ارتقان.