مەملەكەت، ولكە تاس جولى، اۋىل - قىستاق تاس جولى جانە جولاۋشى، جۇك تاسىمال الاڭ - بەكەتتەرى نىسانىنا 6 ميلليارد 113 ميلليون يۋان قارجى قوسىلدى
ىلە وبلىسىنىڭ قاتىناس نەگىزدىك قۇرىلعى نىسان قۇرىلىستارىنان قۋانىشتى حابارلار تولاسسىز تارالدى
ٴتىلشى لي يافىڭ، ەرىكتى ٴتىلشى جاڭ شىڭحاي حابارلايدى. ٴتىلشىنىڭ 12 - ايدىڭ 20 - كۇنى ىلە وبلىستىق قاتىناس - تاسىمال مەكەمەسىنەن ۇعىسۋىنشا، بيىل وبلىسقا توتە قاراستى ورىندارداعى 6 مەملەكەت، ولكە تاس جولى نەگىزگى لەنياسىنىڭ جۇمىسىن قالپىنا كەلتىرۋ نىسانىنا 4 ميلليارد 574 ميلليون يۋان قارجى قوسىلىپ، جىلدىق قوسىلاتىن 4 ميلليارد 420 ميلليون يۋان قارجىنىڭ %103.48 ىن ۇستاعان؛ 86 اۋىل ـ قىستاق تاس جول نىسانىنا ٴبىر ميلليارد 83 ميلليون 600 مىڭ يۋان قارجى قوسىلىپ، جىلدىق جوسپاردىڭ %109 ىن ۇستاعان، قاتىناس نەگىزدىك قۇرىلعى نىسان قۇرىلىستارىندا قۋانىشتى حابارلار ارت ـ ارتىنان تارالدى.
قىس كىرگەننەن بەرى ىلە اڭعارى اۋا تەمپەراتۋراسىنىڭ ۇزدىكسىز تومەندەۋىنە جانە قار جاۋۋىنا بايلانىستى، G577 لەنياسىنىڭ جىڭ - قۇلجا 1 ـ دارەجەلى تاس جول قۇرىلىسى نىسانى قىسقى قۇرىلىس جۇرگىزۋ ۇلگىسىنە ٴوتتى، قازىر قۇرىلىسقا قاتىناسقان مىڭنان استام جۇمىسشى ـ قىزمەتكەر جۇمىس ورنىندا قالىپ، قاقاعان ايازدا شايقاس جاساپ، قۇرىلىس مەرزىمىن مىقتى يگەرىپ، جۇمىس اياق الىسىنا كەپىلدىك ەتىپ، تۋنەل قۇرىلىسىنداعى كەزەڭدىك نىسانانى ورىنداۋعا بار كۇشپەن ۇمتىلىس جاساۋدا.
G577 لەنياسىنىڭ جىڭ - قۇلجا 1 ـ دارەجەلى تاس جول نىسانىنىڭ قيىن، كۇردەلى ينجەنەرياسى نەگىزىنەن 11.89 كيلومەترلىك سولتۇستىك تيانشان تۋنەلىنە شوعىرلانعان. بۇل تۋنەل وپىرىلمالى قاباتتىق ۇگىلمەلى بەلدەۋ مەن سۋلى بولەكتى كوپ رەت كەسىپ وتەتىندىكتەن، سۋ اعىپ، بالشىق تۇسەتىن حاۋىپسىزدىك كومەسكى قاتەرى بار، بۇل − تۇتاس نىساننىڭ مەڭگەرۋ سيپاتتى ينجەنەرياسى، سونداي ـ اق بيىل قىس ماۋسىمىندا قۇرىلىس جۇرگىزۋدەگى ماڭىزدىنىڭ ماڭىزدىسى.
G577 لەنياسىنىڭ جىڭ - قۇلجا 1 ـ دارەجەلى تاس جول نىسانىنىڭ باس جەتەكشىسى شى ۋىنكى بىلاي دەپ تانىستىردى: تۋنەل قۇرىلىسىنىڭ ەرەكشەلىگىنە ساي تۇتاستاي جىلۋ ساقتاۋ شاراسىن قولدانىپ، بەتوننىڭ قىسقى قۇرىلىس جۇرگىزۋ تەمپەراتۋرا تالابىنا جەتۋىنە كەپىلدىك ەتىپ، قىس ماۋسىمىندا قۇرىلىستى حاۋىپسىز، ٴساتتى، ورنىقتى ىلگەرىلەتتىك. قازىرگە دەيىن سولتۇستىك تيانشان تۋنەلىنىڭ جالپى قازىلعان بولىگى 3942 مەتر بولىپ، جالپى ۇزىندىعى 11901 مەتر كەلەتىن تۋنەلدىڭ %33.1 ىن ۇستادى (مۇنىڭ ىشىندە ۇڭگىردىڭ كىرەر اۋزىنان شامامەن 1738 مەتر بولىگى، شىعار اۋزىنان شامامەن 2204 مەتر بولىگى قازىلىپ بولدى).
G577 لەنياسىنىڭ جىڭ - قۇلجا 1 - دارەجەلى تاس جول نىسانى بيىل ىلە وبلىسىنا توتە قاراستى ورىنداردا اتقارىلاتىن G218 لەنياسىنىڭ قۇلجا قالاسىن باسىپ وتەتىن تاس جول قۇرىلىس نىسانىن، S242 لەنياسىنىڭ توعىزتاراۋدان نىلقىعا دەيىنگى بولىگىن كەڭەيتىپ سالۋ نىسانىن، ىلە وزەنى 3 - كوپىر نىسانىن (1 - مەرزىمدىك)، S329 لەنياسىنىڭ توعىزتاراۋ اۋدانى اعارسىن قالاشىعىنان تەكەس اۋدانىنا دەيىنگى تاس جولدى، S345 لەنياسىنىڭ كولدەنەڭ - شاشى - ٴتالىم - قاراجون تاس جولىن، S330 لەنياسىنىڭ كۇنەس نارات - كولدەنەڭ تاس جولىن، S220 لەنياسىنىڭ قۇلجا - بايتوقاي تاس جولىن قامتىعان 8 مەملەكەت، ولكە تاس جولى نەگىزگى جەلى نىساندارىنىڭ ىشىندەگى بىرەۋى عانا.
ٴتىلشى مىنانى ۇعىستى: مەملەكەت، ولكە تاس جولى نەگىزگى لەنيالارى نىسان قۇرىلىستارىندا قايراتتى تاسقىنداتىپ، قۇرىلىس جۇمىسىن تەبىنمەن ەكپىندەي العا ىلگەرىلەتۋدەن تىس، بيىل اتقارىلعان 86 اۋىل ـ قىستاق تاس جول نىسانىنا (مۇنىڭ ىشىندە 72 تاس جول نىسانى، 7 حاۋىپسىزدىك قورعانىس نىسانى، 7 قاتەرلى كوپىردى جاڭالاۋ نىسانى بار) قازىر ٴبىر ميلليارد 83 ميلليون 600 مىڭ يۋان قارجى قوسىلىپ، جىلدىق جوسپاردى %109؛ جاسالعان جولدىڭ ۇزىندىعى 1036 كيلومەتر بولىپ، جىلدىق جوسپاردى %114 ورىنداعان، 11 قاتەرلى كوپىر، 810 كيلومەترلىك حاۋىپسىزدىك قورعانىس قۇرىلىسى تامامدالعان.
وبلىستىق قاتىناس - تاسىمال مەكەمەسى قۇرىلىس باسقارۋ باسقارماسىنىڭ باستىعى چىن ۋيدۇڭ بىلاي دەدى: بيىل مەملەكەت، ولكە تاس جولى، اۋىل - قىستاق تاس جولى جانە جولاۋشى، جۇك تاسىمال الاڭ - بەكەتتەرى نىساندارىنا قاتىناس تۇراقتى مۇلكى قارجىسىنان 5 ميلليارد 6
14 ميلليون يۋان قارجى قوسۋ جوسپارلاندى، قازىر 6 ميلليارد 113 ميلليون يۋان قارجى قوسىلىپ، جىلدىق جوسپار %108.9 ورىندالىپ، جىلدىق قارجى قوسۋ جوسپارى كۇنى بۇرىن اسىرا ورىندالىپ، قاتىناس - تاسىمال ىستەرى جالپى تۇلعالىق جاقتان بىردەن جوعارىلادى.
سولتۇستىك تيانشان تۋنەلىنىڭ اۋزى. ۋاڭ حۇڭ - ۋي فوتوسى
سولتۇستىك تيانشان تۋنەلى قۇرىلىسىنىڭ جۇمىس باسى. ۋاڭ حۇڭ - ۋي فوتوسى