اعىمدىق شولۋ

لۋ جۇڭ

”بيىل ٴۇيىمىز جىلى بولدى، ۇيىقتاعاندا قالىڭ كورپە جامىلمايمىز، راسىندا جايلى“! قىس كىرگەننەن بەرى بيڭتۋان 4 - شىسى كوكدالا قالاسى 62 - تۋانىنىڭ ميڭرىن گاڭۋان تۇرعىندار شاعىن رايونىنداعى تۇرعىندار جىلۋمەن قامداۋ ٴىسىن ەڭ كوپ تىلگە تيەك ەتەتىن بولدى. بيىل وسى تۇرعىندار شاعىن رايونىن جىلۋمەن قامداۋ قورعاس قالاسىنىڭ شوعىرلى جىلۋمەن قامداۋ قاينارىنا تۇتاستىرىلعاننان كەيىن بۇقارانىڭ شۇعىل، قيىن، ۋايىمداعان، ٴزارۋ ماسەلەلەرى تۇبەگەيلى شەشىلدى.

بىرەۋىن بىلسەڭ ٴبارىن بىلەتىن بولاسىڭ. جەتىستىكتەردەن بىرگە يگىلىكتەنۋ ارقىلى بيڭتۋان مەن جەرگىلىكتى ورىننىڭ توعىسا دامۋىن جەبەۋ بۇقارانىڭ تىلەگى، ونان دا ماڭىزدىسى، ىلە وبلىسى مەن بيڭتۋان 4 - شىسىنىڭ جوعارى ساپالى دامۋىن جۇزەگە اسىرۋدىڭ داۋىرلىك تالابى.

بيىل جازدا باس شۋجيى شي جينپيڭ شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ، شينجياڭ ٴوندىرىس - قۇرىلىس بيڭتۋانىنىڭ قىزمەت مالىمەتىن تىڭداعاندا بىلاي دەپ اتاپ كورسەتتى: پارتيا ورتالىق كوميتەتى تۇراقتاندىرعان ساياسات - شارالاردى تياناقتاندىرىپ، بيڭتۋان مەن جەرگىلىكتى ورىن تۇتاس جۇيە دەگەنگە تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋ، ەكونوميكالىق دامۋ، ەكولوگيانى قورعاۋ، ۇلتتار ىنتىماعى، كادر - دارىندىلار سياقتى جاقتاردا توعىسۋ تەبىنىن ارتتىرىپ، بيڭتۋان مەن جەرگىلىكتى ورىننىڭ توعىسا دامۋىن جەدەل ىلگەرىلەتۋ كەرەك. باس شۋجي شي جينپيڭنىڭ ماڭىزدى ٴسوزىنىڭ رۋحى ٴبىزدىڭ بيڭتۋان مەن جەرگىلىكتى ورىندى توعىستىرۋ قىزمەتىن اناعۇرلىم ويداعىداي ىستەۋىمىزگە العا باسۋ بەتالىسىن كورسەتتى. ٴبىز تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، اناعۇرلىم زور جىگەرمەن، اناعۇرلىم ناقتى شارالارمەن جاڭا داۋىردەگى بيڭتۋان مەن جەرگىلىكتى ورىننىڭ توعىسا دامۋىنىڭ شۇعىلالى تاراۋىن جازۋىمىز كەرەك.

ىلە وبلىسى مەن بيڭتۋان 4 - شىسى ۇقساس ٴبىر ىرىستى مەكەندە وتانىمىزدىڭ شەكارا ٴوڭىرىن قورعاۋ، ىلەنى گۇلدەندىرۋ، دامىتۋ سىندى قاسيەتتى بورىشتى بىرگە ارقالاپ وتىر، بيڭتۋان مەن جەرگىلىكتى ورىننىڭ توعىسا دامۋىنىڭ تاڭداۋلى ٴداستۇرى، تاماشا نەگىزى، كورنەكتى باسىمدىعى بار. الايدا بيڭتۋان مەن جەرگىلىكتى ورىننىڭ توعىسا دامۋى جالپى جاعدايلىق، ۇزاق ۋاقىتتىق، ستراتەگيالىق جۇيەلى ينجەنەريا، ونى ٴبىر جولدا ورىنداۋ مۇمكىن ەمەس، اۋىز جۇزىندە عانا ايتۋعا ٴتىپتى دە بولمايدى. ٴبىر نيەت، ٴبىر تىلەكتە بولعاندا عانا ٴبىر باعىتتا كۇش سالۋعا بولادى، بىرگە قۇرىپ، بىرگە يگىلىكتەنگەندە عانا دامۋدى بىرگە جوسپارلاۋعا بولادى.

بيىل كوكتەمدە ىلە وبلىستىق پارتكومنىڭ نەگىزگى باسشىسى مىندەتكە وتىرعاننان كەيىن بيڭتۋان مەن جەرگىلىكتى ورىننىڭ توعىسا دامۋىنا وسكەلەڭ ٴمان بەرىپ، كوپ رەت ۇيىرمە باستاپ بيڭتۋان مەن جەرگىلىكتى ورىننىڭ توعىسۋ قىزمەتىنىڭ ورىستەتىلۋ جاعدايىنا تەكسەرۋ ـ زەرتتەۋ جۇرگىزىپ، بيڭتۋان مەن جەرگىلىكتى ورىندى توعىستىرا دامىتۋدىڭ جاڭا وي جەلىسىن، جاڭا ۇستانىمىن العا قويدى. ىلە وبلىسى مەن بيڭتۋان 4 - شىسى سىندى بيڭتۋان مەن جەرگىلىكتى ورىننىڭ توعىسا دامۋىنىڭ تەرەڭدىگى مەن اياسى جاڭا كەزەڭگە ٴوتىپ، جاڭا بەينە جارىققا شىقتى، تىڭ قادام تاستالدى. بيىل 5 - ايدا ىلە وبلىسى مەن بيڭتۋان 4 - شىسى بيڭتۋان مەن جەرگىلىكتى ورىننىڭ توعىسا دامۋى جونىندە اڭگىمە ٴماجىلىس اشىپ، بيڭتۋان مەن جەرگىلىكتى ورىندى اناعۇرلىم جوعارى دەڭگەيدە، اناعۇرلىم تەرەڭ ەندىكتە، اناعۇرلىم كەڭ سالادا جان - جاقتى توعىستىرۋ نىساناسىن جۇزەگە اسىرۋدى ىلگەرىلەتۋدى العا قويىپ، ”بيڭتۋان مەن جەرگىلىكتى ورىن ٴبىر تۇتاس جۇيە، بيڭتۋان مەن جەرگىلىكتى ورىن ٴبىر ٴۇيلى جان“ يدەياسىن بەرىك ورناتىپ، ”كىم دامىسا دا ىلەنىڭ دامۋى، بيڭتۋان 4 - شىسىنىڭ دامۋى دا ىلەنىڭ دامۋى“ ۇستانىمىن باسا دارىپتەپ، قالانى بىرگە قۇرۋدى، بىرگە يگىلىكتەنۋدى ىلگەرىلەتىپ، ٴونىم قۇنى 10 ميلليارد يۋاننان اساتىن ٴتۇيىندى كاسىپ سالاسى تىزبەكتەرىن بىرلەسىپ قۇرىپ، وڭىرلەردىڭ سايكەسۋىن، بىرلەسىپ ارەكەتتەنۋىن كۇشەيتىپ، ٴبىر ٴوڭىردىڭ مارتەبەسىن اسقاقتاتىپ، تۇتاس تۇلعانىڭ ابىرويىن اسىردى.

دامۋ كۇشىن بىرگە جۇمىلدىرىپ، رەفورما جەتىستىكتەرىنەن بىرگە يگىلىكتەندى. جاڭا باستامادا تۇرىپ، تىڭ نىسانانى كوزدەدى، بيىل جىل باسىنان بەرى ىلە وبلىسى مەن بيڭتۋان 4 - شىسى توعىسپالى دامۋدا ”شەكارانى ايىرىپ، قورشاۋ قويۋ، شەكارا بويىنشا اركىم ٴوزى باسقارۋ“ سىندى ويلاۋ ٴتاسىلى مەن ٴادىسىن تالقانداپ، قۋانارلىق جاعداي جارىققا شىقتى. 2023 - جىلى ىلە وبلىسى . بيڭتۋان 4 - شىسى اۋىل شارۋاشىلىعى، اۋىل - قىستاق ەكونوميكاسىن توعىستىرۋ جانە اۋىل - قىستاقتى گۇلدەندىرۋدىڭ جوعارى ساپالى دامۋىن سايكەستى ىلگەرىلەتۋ جۇمىس باسى ٴماجىلىسى اشىلدى؛ كوكدالا قالاسى ىلە وبلىسىنداعى 181 تۇراقتى ەمدەۋ، ٴدارى - دارمەك قۇرىلىمىمەن بيڭتۋان مەن جەرگىلىكتى ورىننىڭ ٴوزارا مويىنداۋىن جۇزەگە اسىردى؛ ەكى جاق ”بيڭتۋان مەن جەرگىلىكتى ورىننىڭ وقىتۋدى زەرتتەۋدى ’قول ۇستاسا‘ بىرگە قۇرۋ كەلىسىمىنە“ قول قويدى؛ كوكدالا قالاسى مەن قۇلجا قالاسى ليان مەن قىستاقتى، كورشىلەس الەۋمەتتىك اۋماقتاردى بىرگە قۇرۋ قيمىلىن جاپپاي باستادى؛ ىلە وبلىسىنىڭ تۇڭعىش كەزەكتى (2023) حالىقارالىق اۋىل شارۋاشىلىق ونىمدەرى كورمەسى اشىلعان العاشقى كۇنى ىلە وبلىستىق حالىق ۇكىمەتى مەن بيڭتۋان 4 - شىسى كوكدالا قالالىق حالىق ۇكىمەتى ساۋداگەر شاقىرىپ، قارجى ەنگىزۋ بويىنشا تانىستىرۋ ٴماجىلىسىن جانە شوعىرلى قول قويۋ سالتىن بىرلەسىپ وتكىزدى... ەكى جاق ەكونوميكانى دامىتۋ، ەكولوگيانى قورعاۋ، ۇلتتار ىنتىماعى، كادر - دارىندىلار، وقۋ - اعارتۋ، ەمدەۋ، اۋىل شارۋاشىلىعى، اۋىل - قىستاق، نەگىزگى ساتىنى جونگە سالۋ سياقتى جاقتاردا ٴبىرقىدىرۋ شارالاردى بىرگە اتقاردى، ٴبارى دە حالىقتىڭ تىلەگى، دامۋدىڭ جەبەۋشىسى، توعىسۋدىڭ شاراسى. شينجياڭ ەركىن ساۋدا سىناق رايونى قورعاس اۋماعى قۇرىلىسى بيڭتۋان مەن جەرگىلىكتى ورىننىڭ توعىسا دامۋىنا بۇرىن - سوڭدى بولماعان تاريحي وراي اكەلدى.

رەفورما تولقىن جارا العا ىلگەرىلەپ، بىرگە يگىلىكتەنىپ، بىرگە قۇرىپ، بىرىككەن كۇش ۇيىستىردى. دامۋ ورايى الدىندا بيڭتۋان مەن جەرگىلىكتى ورىنداعى پارتيالى كادرلار مەن بۇقارا اشىق پەيىل، سيىسىمدى بەينە ۇستانىپ، جەتىستىكتەردەن بىرگە يگىلىكتەنۋ ۇستانىمى ارقىلى توعىسا دامۋدى ىشكەرىلەي ىلگەرىلەتىپ، بيڭتۋان مەن جەرگىلىكتى ورىننىڭ توعىسا دامۋىنىڭ اتويشىسى، جوعارى ساپالى توعىسۋدىڭ ۇلگىسى بولۋعا قۇلشىنىپ، ويلاۋعا، ىستەۋگە، سىناق ەتۋگە، بۇزۋعا، ورناتۋعا باتىل بولۋ بەينەسىمەن تاريحي ورايدى مىقتى يگەرىپ، ٴداۋىر جاۋاپكەرشىلىگىن ارقالاپ، بيڭتۋان مەن جەرگىلىكتى ورىننىڭ باسىمدىقتار ارقىلى ٴبىرىن ـ ٴبىرى تولىقتاۋىن، قۇرىلعىلاردى بىرگە قۇرۋىن، بايلىقتان بىرگە يگىلىكتەنۋىن شىن مانىندە ىلگەرىلەتىپ، ىلە سىندى وسىناۋ قۇنارلى توپىراققا ”ٴنار بەرىپ“، بيڭتۋان مەن جەرگىلىكتى ورىننىڭ جوعارى ساپالى دامۋىن جۇزەگە اسىرۋعا بىرگە بەرىك نەگىز قالادى.

ەسىل شاقتاردى زايا جىبەرمەي، بيڭتۋان مەن جەرگىلىكتى ورىننىڭ توعىسا دامۋىندا تىڭ ىسكەرلىك كورسەتۋ كەرەك. ”ٴبىر بەلدەۋ، ٴبىر جول“ جاڭا ورايى الدىندا، بيڭتۋان مەن جەرگىلىكتى ورىن جاڭا دامۋ ارناسىنا بەلسەنە قىزمەت وتەپ جانە توعىسىپ، تىڭ ىسكەرلىك كورسەتۋى كەرەك. قازىر ىلە وبلىسى مەن بيڭتۋان 4 - شىسى كوكدالا قالاسى ەڭ تاماشا تاريحي دامۋ كەزەڭىنە، بيڭتۋان مەن جەرگىلىكتى ورىننىڭ ٴبىر جاعادان باس، ٴبىر جەڭنەن قول شىعارىپ، سەنترلەس شەڭبەردى بىرگە سىزاتىن ماڭىزدى ساتكە ٴدوپ كەلىپ وتىر، بايلىقتان بىرگە يگىلىكتەنۋ، باسىمدىقتارىمەن ٴبىرىن - ٴبىرى تولىقتاۋ ارقىلى شەڭبەردى بىرگە سىزىپ، ۇلى قۇرىلىستى، زور ەسىك اشۋدى بىرگە جوسپارلاپ، زور دامۋدى قارسى الۋى كەرەك. ٴوز باسىمدىقتارىن ساۋلەلەندىرۋمەن بىرگە، ”كىم دامۋعا ۇيلەسسە، سونىڭ دامۋىن قولداۋ، كىمدە نىسان بولسا، بايلىقتى الدىمەن سوعان ورنالاستىرۋ“ پرينسيبىنە تاباندى بولىپ، وزگەشە وڭىرلىك باسىمدىقتى ساۋلەلەندىرىپ، كاسىپ سالاسىن ورنالاستىرۋ جانە نىسان قۇرىلىسى سياقتى جاقتارداعى سەلبەستىك مەحانيزمىندە جاڭالىق اشىپ، اكىمشىلىك ٴوڭىر شەكاراسىن بۇزىپ، بايلىقتى ورنالاستىرۋدى ٴبىر تۇتاس جوسپارلاپ، تىزبەكتى كۇشەيتىپ، تىزبەكتى تولىقتاپ، تىزبەكتى ۇزارتىپ،  ٴونىم قۇنى 10 ميلليارد يۋاننان اساتىن كاسىپورىن مەن جالپىلىق ٴونىم قۇنى 10 ميلليارد يۋاننان اساتىن ٴتۇيىندى كاسىپ سالاسى تىزبەگىنەن ٴبىر توبىن بىرلەسىپ قالىپتاستىرۋ كەرەك. ”كارتانى“ بىرگە سىزۋ، ”توردى“ بىرگە توقۋ ارقىلى سەلبەسەتىن، ٴوزارا پايدا جەتكىزىپ، بىرگە يگىلىكتەنەتىن تاماشا جاعداي قالىپتاستىرىپ، توعىسا دامۋدىڭ جاڭا جەتىستىكتەرىنەن بىرگە يگىلىكتەنىپ، جۇڭگو ۇلگىسىندەگى وسىزامانداندىرۋ ۇردىسىندە ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز ٴومىر، شات - شادىمان تىرشىلىك كەشىرەتىن، ەكولوگياسى تاماشا كورىكتى شينجياڭدى اناعۇرلىم ويداعىداي قۇرۋعا اناعۇرلىم كوپ ىلە ۇلەسىن قوسۋ كەرەك.