كوكتەم مەرەكەسىن شات مەرەيمەن قارسى الدى

قۇلجا قالاسى چۇڭچيڭ جولى ٴمالى باسقارماسى جياحى الەۋمەتتىك اۋماعى بوساعالىق جەتكىزىپ، باقىت تىلەۋ قيمىلىن ورىستەتتى 

سۋرەتتە: حاتكەرلەر قالام تەربەۋدە.  لۋ جۇڭ فوتوسى

ٴتىلشىمىز لۋ جۇڭ حابارلايدى. 1 - ايدىڭ 11 - كۇنى تۇستەن بۇرىن قۇلجا قالاسى چۇڭچيڭ جولى ٴمالى باسقارماسى جياحى الەۋمەتتىك اۋماعى ىلە وبلىسىنداعى 6 حاتكەر مەن سۋرەتشىنى بوساعالىق تارتۋ ەتۋ، باقىت تىلەۋ قيمىلىن ورىستەتۋگە ۇسىنىس ەتتى. الەۋمەتتىك اۋماقتاعى كوپتەگەن تۇرعىن حاباردى ەستي سالا بوساعالىق الۋعا ۇزىننان ۇزاق قاتارعا تۇرىپ  كۇتتى.

قيمىل الاڭىندا حاتكەرلەر قالام تەربەي باستادى، كوپ وتپەي، قىزىل بوساعالىق پەن قىپ ـ قىزىل ”باقىت“ دەگەن ارىپتەر  جازىلىپ دايىن بولدى. ادەمى جازىلعان ”باقىت“ دەگەن ارىپتەرى مەن بوساعالىق الەۋمەتتىك اۋماق تۇرعىندارىنىڭ تالاسا ـ تارماسا الاتىن جاڭا جىل ساۋعاسىنا اينالدى، ”باقىت“ دەگەن ارىپتەر مەن بوساعالىق العان تۇرعىنداردىڭ جۇزىنە كۇلكى ٴۇيىرىلدى.

”قولمەن جازىلعان بوساعالىق پەن ”باقىت“ دەگەن جازۋدان  ٴداستۇرلى مەرەكەنىڭ مەرەيى سەزىلەدى. بۇل ەمەس، قىپ ـ قىزىل بوساعالىقتاردى كورگەندە جىلدىڭ كەلىپ جەتكەنىن دە اڭعاردىق“ دەدى الەۋمەتتىك اۋماقتىڭ تۇرعىنى ۋاڭ شيۋمەي.

”كوكتەم مەرەكەسى تاياپ قالدى، بۇگىن جياحى الەۋمەتتىك اۋماعىنا بارىپ، تۇرعىندارعا بوساعالىق جازىپ بەرۋدەگى ماقساتىمىز كوكتەم مەرەكەسىنە قۇتتى بولسىن ايتىپ، الەۋمەتتىك اۋماقتاعى ٴار ۇلت تۇرعىندارىنا مەرەكەلىك سالەم جولداپ، مەرەكەنىڭ دۋمانىن ونان ارى قويۋلاتا ٴتۇسۋ“ دەدى ىلە جۇڭگوشا سۋرەتحاناسىنىڭ باستىعى مياۋ شيۇڭ.