سۋرەتتە: بەيدوۋ جول نۇسقاۋ جۇيەسى ورناتىلعان تراكتور ىسكە قوسىلىپ، تامشىلاتىپ سۋارۋ تاسپاسىن توسەۋ، جارعاق جابۋ، تۇقىم سەبۋ جانە توپىراق جابۋ سياقتى جۇمىستاردى ٴبىر جولدا ورىنداۋدا.   حۋا يانميڭ فوتوسى

ەرىكتى ٴتىلشى حۋا يانميڭ حابارلايدى. اۋا رايىنىڭ جىلىنۋىنا بايلانىستى ديقاندار كوكتەمگى ەگىس جۇمىسىن ٴدال ۋاعىندا يگەردى. 4 - ايدىڭ 6 - كۇنى چاپچال سىبە اۆتونوميالى اۋدانى چاپچال قالاشىعى ۇزىنبۇلاق اۋىل - قىستاق الەۋمەتتىك اۋماعىنىڭ ديقانى ليۋ بيڭنىڭ ەگىس اتىزىندا ٴىرى تۇرپاتتى تراكتور تىڭايتقىش سەبۋ، جەر جىرتۋ، جەر تەگىستەۋ جانە تۇقىم سەبۋ جۇمىستارىن جۇرگىزىپ، كوكتەمگى ەگىس جۇمىسىنىڭ قاربالاستىعىنا ٴتۇستى.

بيىل ليۋ بيڭ بەيدوۋ جول نۇسقاۋ جۇيەسى ورناتىلعان ەكى تراكتورمەن اتىزدا قاربالاستىققا ٴتۇستى، تامشىلاتىپ سۋارۋ تاسپاسىن توسەۋ، جارعاق جابۋ، توپىراق جابۋ سياقتى جۇمىستار ٴبىر جولدا ٴبىتىپ، تەز، قولايلى، جوعارى ٴونىمدى جۇرگىزىلىپ، كوكتەمگى ەگىس جۇمىسى تۇتاس بارىس بويىنشا ماشينالاندىرىلدى.

”بيىل 700 مۋ جەرگە قىزىلشا، 650 مىڭ جەرگە جۇگەرى ەكتىم، ەگىن ەگۋدەن بۇرىن بارلىق جەرگە تىڭايتقىش سەپتىم، قىزىلشا، جۇگەرى ەگىلگەن اتىز تۇگەلدەي ماشينامەن تەگىستەلدى. سۋ مەن تىڭايتقىش ٴبىر تۇلعالاندىرىلعان جەردىڭ ٴار مۋىنىڭ ٴونىم مولشەرى جوعارى بولادى. مەن ەكى كۇندە - اق بارلىق جەرگە ماشينامەن تۇقىم سەۋىپ بولدىم. وتكەن جىلى ەككەن قىزىلشا مەن جۇگەرىنىڭ ٴار مۋىنان ورتا ەسەپپەن جالپى 6.5 توننا جانە 980 كيلوگرام ٴونىم الدىم“ دەدى ليۋ بيڭ.

بيىل چاپچال اۋدانى 1 ميلليون 845 مىڭ مۋ جەرگە ەگىن ەگۋدى جوسپارلادى، مۇنىڭ ىشىندە 30 مىڭ مۋ جەرگە قىزىلشا، ٴبىر ميلليون 62 مىڭ مۋ جەرگە جۇگەرى ەگىلەدى. تۇتاس اۋداننىڭ كوكتەمگى ەگىس مىندەتىنىڭ ساپا جانە سان جاعىنان ۋاعىندا ورىندالۋى ٴۇشىن، اۋداندىق اۋىل شارۋاشىلىق ماشينالارىن جالپىلاستىرۋ تاراۋلارى بەيدوۋ جول نۇسقاۋ جۇيەسى ورناتىلعان 364 تراكتور، 3721 سوقا، 4375 جەر تەگىستەۋ ماشيناسى، 4375 تۇقىم سەبۋ ماشيناسىن ىسكە قوستى.