ىلە وزەنى شۇراتىنداعى «ءتۇز قوناعاسى»
ماقالاسىن جازىپ، سۋرەتىن تارتقان ءتىلشىمىز لاي يۇينيڭ
1 – ايدىڭ 12 – كۇنى تۇستەن كەيىن ىلە وزەنى بويىندا 5 اق قۇيرىق سۋ بۇركىتى، جۇزدەن استام ساۋىسقان مەن قۇزعىن قايراڭداعى قار ۇستىندە توپ – توبىمەن جەمگە تالاسىپ، قىزىقتى ويىن كورسەتتى.
اق قۇيرىق سۋ بۇركىتى - ءىرى جىرتقىش قۇس، ول مەملەكەتتىك ءبىرىنشى دارەجەلى قورعالاتىن حايۋانات. بالىق، قۇس تەكتەستەرمەن ازىقتانادى، كوبىندە وزەن – كولدەرگە جاقىن ماڭداعى سازدىقتاردا مەكەندەيدى. اق قۇيرىق سۋ بۇركىتى جۇڭگودا سيرەك كەزدەسەدى، 1992 – جىلى شينجياڭدا تۇڭعىش بايقالعان.
52 كيلومەترلىك ىلە وزەنى جاعالاۋى قۇلجانىڭ قالا رايونىنا جاناسىپ جاتادى، وندا 168 ءتۇرلى قۇس مەكەندەيدى، مۇنىڭ اراسىندا اققۋ، اق قۇيرىق سۋ بۇركىتى سياقتى باعالى قۇستار دا كوپ كەزدەسەدى. ىلە وزەنى ەكولوگياسىن قورعاۋ تەبىنىنىڭ ارتتىرىلۋىنا ىلەسە جابايى حايۋاناتتاردى مازالايتىندار ازايىپ، ءتۇز جانۋارلارىنىڭ ءتۇرى مەن سانى قايتا كوبەيدى.
اق قۇيرىق سۋ بۇركىتىمەن جەمگە تالاسۋ
«قوناعاسى»