ماقالاسىن جازىپ، سۋرەتىن تارتقان تىلشىلەرىمىز لاي يۇينيڭ، جاڭ چيڭحۋا
«ءبىر – اق تۇندە كوكتەم لەبى ەسكەندەي، اعاش بىتكەن اق گۇل اشىپ كەتكەندەي». ءار جىلدىڭ قىس ماۋسىمىندا ىلە اڭعارىندا پايدا بولاتىن قىراۋلى كورىنىس ادامداردى ەرتەگىدەي سۇلۋ الەمگە جەتەلەيدى. 2020 – جىلدىڭ قىسقى توقىراۋىنان كەيىن اۋا رايىنىڭ ءۇرتىس سۋىتۋىمەن ىلە اڭعارىندا قىراۋلى كورىنىستىڭ قالىپتاسۋى ءبىرشاما كوبەيىپ، بۇل ادامدارعا ىلە اڭعارىنىڭ ءار جەرىندەگى قىراۋلى كورىنىستىڭ تاڭعاجايىپ كوركىنەن كوبىرەك كوز ايدىن بولۋ ورايىن سيلادى.
ىلە اڭعارىنىڭ دارا تابيعاتى مەن ادامزات وركەنيەتى سالت – ساناسى قىراۋلى كورىنىسكە دە وزگەشە بوياۋ قوسقانداي. بۇل ارادان ۇلان – بايتاق قارلى القاپتى، توبەسى كوك تىرەگەن قارلى شىڭداردى، ءمولدىر مونشاق تاعىنعان اعاش – شوپتەردى، تاڭعى تۇمان تۇمشالاعان ىلە وزەنى كوپىرىن عانا ەمەس، قارلى القاپتا شۇرقىراعان الالى جىلقى، اقتىلى قويدى، قازاق مالشىلارىنىڭ ات شاناسىن، بۋ قۇرسانعان كول بەتىندە قانات جايىپ قالىقتاعان اققۋلاردى... تاماشالايسىز، تابيعاتتىڭ كىرشىكسىز كارتيناسى جاندى باۋرايدى.
جىم – جىرت دالاعا اياق باسىپ، قىراۋلى تابيعاتقا كوز تويعىزىپ، ساپ اۋا سىمىرگەن جاننىڭ بويى سەرگىپ، كوڭىلى اشىلادى. كوز الداعى كوك اسپان، اقشا بۇلت، كوگىلدىر تاۋ – ورمان، يرەكتەلگەن بۇلاق... ءبارى – ءبارى شەكسىز سۇلۋلىق، شەبەر جاراتىلىس.
قىراۋ قىمتاعان ىلە اڭعارى ەرتەگىدەي سۇلۋ الەمگە سۇڭگىتەدى.