تىلشىلەرىمىز لاي يۇينيڭ، جاڭ چيڭحۋا

 

      قىستا مالتاۋ اۋەسكەرلەرى سۋعا سۇڭگۋدە

    قىس ماۋسىمىنداعى ىلە كىسى قىزىقتىرار كوركەم قار - مۇز كورىنىستەرىمەن جاندى جادىراتىپ قالماستان، الۋان ءتۇرلى قىسقى سپورت قيمىلدارى دا ادامعا سالاماتتىق جانە شاتتىق سيلايدى.

    ىلە اڭعارىنىڭ قىسقى اۋا رايى ءبىرشاما جىلىمىق بولعاندىقتان كوپتەگەن قار – مۇز سپورت تۇرلەرىن وتكىزۋگە باپ كەلەدى. جاقىنعى جىلداردان بەرى جالپى حالىقتىق دەنە شىنىقتىرۋ قيمىلدارىنىڭ ءۇرتىس ىشكەرىلەي ورىستەتىلۋىنە بايلانىستى ىلەنىڭ قىستا ورىستەتىلگەن قار – مۇز سپورت تۇرلەرى كۇن سايىن كوبەيىپ، مازمۇنى ءتىپتى دە مولايىپ، الۋان تۇرلىلەنىپ، ات سالىسقان ادام سانى بۇرىنعىدان ارتتى. قار – مۇز سپورت قيمىلىن ورىستەتۋ ارقىلى كورىكتى ىلەنىڭ تانىمالدىعىن ارتتىرۋمەن بىرگە، سالاماتتى ىلەنىڭ تاماشا وبرازىن ايگىلەدى.

    ىلە اڭعارىنداعى اۋدان – قالالار جەرگىلىكتى ورىننىڭ قار – مۇز بايلىعىنان تولىق پايدالانىپ، الۋان ءتۇرلى قار – مۇز سپورت تۇرلەرىن وتكىزىپ، جەر - جەردەگى ساياحاتشىلاردى ات سالىسۋعا باۋرادى.

    موڭعۇلكۇرەدەگى شۇرات باقشاسىنان تۇياعىنان قار بوراتقان تۇلپار ويىنى جانە ات بايگەسى، كوكپار، قىزقۋار سياقتى ءداستۇرلى حالىقتىق سپورت تۇرلەرىنىڭ وتكىزىلىپ جاتقانىن؛ كۇنەس نارات حالىقارالىق شاڭعى الاڭىندا كەيبىر كاسىپتىك قاردا سىرعاناۋ اۋەسكەرلەرىنىڭ جارىس جولىندا الۋان ارەكەت جاساپ، قۇيعىتىپ جۇرگەنىن؛ ىلە وزەنى جاعاسىنداعى قىسقى مالتاۋ ورىندارىندا ءار كۇنى قىستا مالتاۋ اۋەسكەرلەرىنىڭ سۋدا ويناعان بالىقتاي سۇڭگىپ جۇرگەنىن؛ كوپتەگەن ادامنىڭ قار موتوتسيكلىن ءمىنىپ، قۇيىنداتىپ جۇرگەنىن كورۋگە بولادى. تەز سىرعاناۋدىڭ شاتتىعى، شەڭبەرمەن دوڭگەلەۋ، مۇزدا ۆەلوسيپەد ءمىنۋ، جاياۋ ءجۇرۋ، مۇزدا زىرىلداۋىق سابالاۋ سياقتى سپورت تۇرلەرى دە كىسىنى قىزىقتىرادى.

    جۇرتشىلىق قىستى كۇنى كۇمىستەي جارقىراعان قار ۇستىندە قار – مۇز سپورت تۇرلەرى سيلاعان سالاماتتىق پەن شاتتىقتان ءلاززات الۋدا.

     ساياحاتشىلار قۇلجا قالاسىنىڭ كوركەم باتىس ءوڭىر قار شاڭعى الاڭىندا جەل شانادا

   

 قىستا مالتاۋ اۋەسكەرلەرى مۋزىكاشىلاردىڭ سۇيەمەلدەۋىندە شاتتانا بيگە باستى

 ساياحاتشىلار توعىزتاراۋ اۋدانىنداعى سۋ قويماسىنىڭ مۇز بەتىندە زىرىلداۋىق ويناۋدا

 چاپچال سىبە اۆتونوميالى اۋدانى ءۇيسىن تاۋ ەتەگىندەگى جاياۋ ءجۇرۋ اۋەسكەرلەرى

 

موڭعۇلكۇرە مالشىلارى اق قار، كوك مۇزدا كوكپار تارتۋدا

 

ساياحاتشىلار كۇنەس نارات كورىنىس رايونىندا قار موتوتسيكلىن مىنۋدە

 

قۇلجا قالاسىنىڭ قىستا مالتاۋ ايلاعىنداعى قىستا مالتاۋ اۋەسكەرلەرى

 تەز سىرعاناۋ اۋەسكەرلەرى ىلە وزەنى بويىندا

 

كۇنەس اۋدانى نارات حالىقارالىق شاڭعى الاڭىنداعى شاڭعى اۋەسكەرلەرى