حابارىن جازىپ، سۋرەتتەردى تۇسىرگەن تىلشىلەرىمىز لاي يۇينيڭ، جاڭ چيڭحۋا
جاقىندا قۇلجا قالالىق ادەبيەت - كوركەمونەرشىلەر بىرلەستىگى حاتكەرلەردى ۇيىمداستىرىپ، ءار ۇلت بۇقاراسىنىڭ كوكتەم مەرەكەسىنە ارناپ بوساعالىق جازدىرىپ، «قۇت» جازۋىن سيلادى، ءار بوساعالىقتاعى اق تىلەك كەلە جاتقان كوكتەم مەرەكەسىنە تىڭ مەرەي ۇستەدى.
جاڭا ءبىر جىلعا قادام تاستاعاندا ىلەنىڭ جەر - جەرىندە مەرەكە ءتۇسى قويۋلاپ، جۇڭحۋا ۇلىتىنىڭ ءداستۇرلى مەرەكەسى - كوكتەم مەرەكەسىنىڭ جەتىپ كەلگەنىن اڭعارتتى.
قالانىڭ ۇلكەندى - كىشىلى كوشەلەرىنە قىزىل تۇمشامالى شامدار ءىلىندى؛ ۇلكەندى - كىشىلى ساۋدا دۇكەندەردىڭ ەسىگىنە ءتۇستى قاعاز ويما سۋرەت جاپسىرىلىپ، شاتتىق مەرەيى اسىرىلدى؛ ساۋدا سارايلارى مەن ەرەن بازارلارعا مەرەكەلىك بۇيىمدار مەن كوز سۇرىندىرەتىن ادەمى زاتتار مولىنان قويىلدى.
اۋىل - قىستاق، مال شارۋاشىلىق رايونىنداعى مالشىلار قازى سۇرلەپ، مەرەكەلىك مول داستارقان ازىرلەۋمەن ابىگەر بولسا؛ ءىشىنارا باعىمشىلىق وتباسىلارى بالىق كولشىگىنە تور جايىپ، بالىق اۋلاۋمەن قاربالاس بولدى...
مەرەكە ءتۇسى بارعان سايىن قويۋلادى.
ىلەدە مەرەكە ءتۇسى وزگەشە، ويتكەنى، مۇندا جاساپ جاتقان ءار ۇلت حالقى وزىندىك وزگەشە تاسىلمەن مەرەكەنى قارسى الىپ، قويۋ مەرەكەلىك اۋان قالىپتاستىرىپ، كوپشىلىك كوكتەم مەرەكەسىن بىرگە قارسى الادى.
بوساعالىق جازۋ، قاعاز ويما سۋرەت سياقتى ءداستۇرلى مادەنيەتتەردەن سىرت، ىلەنىڭ پالاۋ، پەتىر ءمانتى، جاۋ بۇيرەك جانە ادەمى بولكا - پراندىك سياقتى ءار ۇلتتىڭ ءدامدى تاعامدارى دا مەرەكەلىك ءدامنىڭ ءتۇرىن مولايتا ءتۇستى.
الۋان ءتۇرلى، باي مازمۇندى، ساليقالى مەرەكە مەرەيىنەن ىلەدەگى ءار ۇلت حالقىنىڭ جاڭا جىلعا دەگەن اق جارقىن تىلەگى مەنمۇندالايدى.
موڭعۇلكۇرە اۋدانى قاراسۋ قالاشىعى باسقاراسۋ قىستاعىنىڭ مالشىسى قازى سۇرلەۋدە.
قۇلجا قالاسىنىڭ مەرەكە قارساڭىنداعى گۇل بازارى.
