لاي يۇينيڭ، جاڭ چيڭحۋا (ءوز تىلشىلەرىمىز)
مەيلى ساقىلداعان سارى ايازدا بولسىن، الدە شىجىعان شىلىڭگىر ىستىقتا بولسىن، ىلە وزەنىنىڭ ەكى جاعاسىنداعى كورىنىس بەلدەۋى، چاپچال سىبە اۆتونوميالى اۋدانىنداعى چيڭشۇي - ۋان، قۇلجا اۋدانى جاڭاتام قالاشىعىنداعى اققۋ بۇلاعى، موڭعۇلكۇرە اۋدانىنداعى سازدىق باقشاسى، قورعاس اۋدانىنداعى كۇرە شىرعاناق ورمانى سياقتى قۇستار دامىلدايتىن جەرلەردىڭ بارىنەن ىلەدەگى قۇس اۋەسكەرلەرىن كورە الاسىز، ولار قاقاعان ايازدى، شىلىڭگىر ىستىقتى ەلەڭ قۇرلى كورمەي، تاۋ اسىپ، تاس باسىپ، قۇستاردى ىزدەپ، ولاردى سۋرەتكە تۇسىرەدى ءارى قورعايدى.
ۇعىسۋىمىزشا، ىلە اڭعارىنداعى جۇزگە جۋىق فوتو اۋەسكەرىنىڭ تەڭ جارىمى قۇستاردى سۋرەتكە تۇسىرۋمەن نەمەسە سۇيەل تۇمسىق اققۋ، ۇلكەن اققۋ، اق قۇيرىق سۋ بۇركىتى، التىن بۇركىت سياقتى ىلەدەگى تانىمال قۇستاردى سۋرەتكە تۇسىرۋمەن قوسىمشا اينالىسادى ەكەن.
«فوتو اپپاراتىمىزبەن ءتۇرلى قۇستاردى سۋرەتكە تۇسىرۋدەگى ماقساتىمىز _ اناعۇرلىم كوپ ادامدى قۇستاردى سۇيۋگە، قورعاۋعا جۇمىلدىرۋ. مىنە، بۇل فوتوگرافتار دارىپتەپ كەلە جاتقان >سۋرەت كۇشى ارقىلى ادامزاتتى جابايى حايۋاناتتاردى قورعاۋ جاعىنا باسا ءمان بەرۋگە ۇندەۋ<» دەيدى شينجياڭ فوتوگرافتار قوعامىنىڭ القاسى، قۇلجا قالالىق فوتوگرافتار قوعامىنىڭ ءتوراعاسى، جۇڭگو قۇستار تورابى شينجياڭ توراپ بەتى جۇرگىزۋشىلەرىنىڭ ءبىرى ياڭ شينيە.
جاقىنعى جىلداردان بەرى ىلەدەگى قۇس اۋەسكەرلەرىنىڭ بار كۇشپەن ۇگىتتەۋىندە، قۇستار دا ىلەنىڭ تانىمالدىق دارەجەسىن جوعارىلاتۋدىڭ ءبىر ماركاسىنا اينالدى.
«توراپ پەن وزىمىزدەگى اقپارات قۇرالدارى تەكشەسى ەڭ تاماشا، ەڭ قولايلى ۇگىت ارناسى بولىپ وتىر، كوپشىلىك ۋيچات سياقتى تەكشەلەر ارقىلى ىلەدەگى جابايى حايۋاناتتاردى، قۇستاردى قورعاۋ قىزمەتىن بەلسەنە ۇگىتتەپ، قوعامدا كورنەكتى ونىمدىلىككە قول جەتكىزدى. ىلە اڭعارىندا قۇستاردىڭ ءتۇرى كوپ بولعاندىقتان، جاقىنعى جىلداردان بەرى ىشكى ولكەلەردەن دە كوپتەگەن قۇس اۋەسكەرىن ىلەگە كەلىپ قۇستاردى فوتوعا تۇسىرۋگە باۋرادى»، - دەيدى ياڭ شينيە.
كادىمگى اق ۇيرەك