حابارىن جازىپ، سۋرەتىن تۇسىرگەن تىلشىلەرىمىز لاي يۇينيڭ، جاڭ چيڭحۋا
تاڭەرتەڭگى ۆەلوسيپەد ٴمىنۋ
بيىل 8 - ايدىڭ 23 - كۇنىنەن 29 - كۇنىنە دەيىن − مەملەكەتتىك ەنەرگيا ۇنەمدەۋ ۇگىت اپتالىعى، 8 - ايدىڭ 25 - كۇنى − مەملەكەتتىك تومەن كومىرتەكتى كۇن. بيىلعى مەملەكەتتىك ەنەرگيا ۇنەمدەۋ ۇگىت اپتالىعى قيمىلىنىڭ نەگىزگى تاقىرىبى − «ەنەرگيانى ۇنەمدەپ، كومىرتەگى ىعىستىرۋدى تومەندەتىپ، جاسىل دامۋ»، مەملەكەتتىك تومەن كومىرتەكتى كۇن قيمىلىنىڭ نەگىزگى تاقىرىبى − «تومەن كومىرتەكتى تۇرمىس، جاسىل بولاشاق جاراتۋ».
«ٴبىز ٴتۇرلى قيمىلداردى ۇيىمداستىرۋ ارقىلى ٴتىپتى دە كوپ ادامدى ۆەلوسيپەد ٴمىنىپ، وسىنداي تومەن كومىرتەكتى ٴجۇرىس - تۇرىس ارەكەتىنە اۋەستەندىرمەكپىز» دەدى سەرىكتەرىمەن بىرگە تاڭەرتەڭگى ۆەلوسيپەد ٴمىنۋ قيمىلىنا قاتىناسقان وبلىستىق ۆەلوسيپەد سپورتى قوعامىنىڭ باستىعى سۇي جيانچۇن.
بارعان سايىن كوبەيگەن ەنەرگيا ۇنەمدەپ، ورتانى قورعاۋ تەحنيكاسى مەن ونىمدەرىنىڭ جالپىلاستىرىلۋىنا، قولدانىلۋىنا ىلەسە ىلەلىكتەردىڭ تومەن كومىرتەكتى تۇرمىسى دا ۇزدىكسىز مولىعا ٴتۇستى. ەنەرگيا ۇنەمدەپ، ورتانى قورعايتىن فوتوۆولتتىق ەلەكتر تاراتۋ كاسىپورىندارىنىڭ سانى ۇزدىكسىز ارتىپ، كىلەڭ ەلەكترلى الەۋمەتتىك اۆتوبۋز ۇلكەندى - كىشىلى كوشەلەردە قاتىنادى، جاڭا ەنەرگيالى جەكەلىك اۆتوموبيلدەر ادامداردىڭ قارسى الۋىنا يە بولدى، ورتاق پايدالانىلاتىن ۆەلوسيپەد ادامداردىڭ تومەن كومىرتەكتى قيمىلىنا ٴتىپتى دە كوپ قولايلىلىق جاراتتى، قالاداعى ۇلكەن جولداردان اۋىل - قىستاقتىڭ شاعىن كوشەلەرىنە دەيىن كۇن ەنەرگيالى جول شىراقتارى ورناتىلدى، ۇلى تاۋدىڭ تەرەڭ قويناۋىنداعى مالشىلار دا كۇن ەنەرگيالى تاقتادان ەلەكتر قابىلداپ، جارىقتاندىرۋدىڭ يگىلىگىن كوردى. وسىنداي تومەن كومىرتەكتى، ەنەرگيا ۇنەمدەپ، ورتانى قورعايتىن تەحنيكا مەن ونىمدەردىڭ قولدانىلۋى ىلەلىكتەردىڭ تۇرمىس ٴتاسىلىن وزگەرتتى، ىلەنىڭ تاۋىنىڭ ٴتىپتى دە مانات، سۋىنىڭ ٴتىپتى دە ٴمولدىر، اسپانىنىڭ ٴتىپتى دە اشىق بولۋىنا مۇمكىندىك جاراتتى.
جاقىنعى جىلداردان بەرى اۆتونوميالى وبلىستىق پارتكوم جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن بەلسەنە امالياتتا ايگىلەپ، «ەكولوگيالى وبلىس قۇرۋ، قورشاعان ورتانى قورعاۋدى الدىمەن ەسكەرۋ» ستراتەگياسىنا باستان ـ اياق تاباندى بولىپ، ەكولوگيالىق وركەنيەت ۇستانىمىن كەڭىنەن تاراتىپ، ٴار ۇلت بۇقاراسىن ەكولوگيالىق وركەنيەت تانىمىن ورناتۋعا تاربيەلەپ جانە جەتەكتەپ، ەكولوگيالىق وركەنيەت قۇرۋعا قولداۋ كورسەتىپ، جاسىل تۇرمىس ٴتاسىلىن امالياتتا ايگىلەپ، ەكولوگيالىق وركەنيەت قۇرىلىسىندا بارلىق ادام جاۋاپتى بولاتىن، بارلىق ادام ات سالىساتىن، بارلىق ادام ورتاق يگىلىكتەنەتىن جاعداي قالىپتاستىردى.
مالشىلار كۇن ەنەرگيالى تاقتامەن ەلەكتر قابىلدايتىن بولدى
اۋىل - قىستاقتارداعى كۇن ەنەرگيالى جول شىراقتارى
زاريادتالىپ جاتقان جاڭا ەنەرگيالى اۆتوكولىكتەر
جولداعى ەلەكترلى الەۋمەتتىك اۆتوبۋز
قوناق ساراي، تۇرعىندار شاعىن رايونى عيماراتتارىنداعى كۇن ەنەرگيالى سۋ جىلىتۋ جابدىقتارى
فوتوۆولتتىق ەلەكتر تاراتۋ كاسىپورنى
جاياۋ ٴجۇرۋ