1 - ايدىڭ 15 - كۇنى قۇلجا قالاسى لاڭزىبىشى شۇرات باقشاسىنداعى كولدە ٴتۇرلى قۇستار سۋدا اسىر سالۋدا. وسى سۋ قۇستارىنىڭ اراسىندا بەينارىق، بارىلداۋىق ۇيرەك، قىزىل قارىن ۇيرەك، قاسقالداق، اق قۇتان سياقتىلار بار. ولار كەيدە سۋ بەتىندە قاناتىن قاقسا، كەيدە سۋعا سۇڭگىپ ۇزاق ۋاقىت وتكەننەن كەيىن عانا سۋ بەتىنە كوتەرىلەدى. اسىرەسە، قۇستاردىڭ سۋداعى بالىقتاردى تالاسا - تارماسا جەگەن كورىنىسى كوپتەگەن جۇرگىنشىلەر مەن فوتو سۋرەت اۋەسكەرلەرىن وسى اراعا كەلىپ تاماشا كورىنىستەردى تاماشالاۋعا، سۋرەتكە تۇسىرۋگە باۋرادى.
قۇلجا قالاسىنىڭ لاڭزىبىشى شۇرات باقشاسى كوپ جىلدىق قالپىنا كەلتىرۋ جانە قورعاۋدان كەيىن جابايى حايۋاناتتاردىڭ ٴتۇرى ۇزدىكسىز ارتىپ، جىل سايىن جىل قۇستارى وسى اراعا ايالداپ، تىرشىلىك ەتىپ، ٴوسىپ - ٴوربيدى. قازىر شۇرات باقشاسىندا بەينارىق، بارىلداۋىق ۇيرەك، اق قۇتان، قۇندىز، تاسباقا سياقتى 40 نەشە ٴتۇرلى جابايى حايۋانات بار. قالاداعى شۇرات باقشاسىندا تىرشىلىك ەتەتىن جابايى حايۋاناتتار بارعان سايىن مولايۋدا، بۇل قالانىڭ ەكولوگيالىق ورتاسىنىڭ بارعان سايىن جاقسارعاندىعىن بىلدىرەدى.
فوتو سۋرەت اۋەسكەرلەرى اسەم ساتتەردى ەستەلىككە الۋدا
باقشا كورىنىسى
باقشادا سەيىلدەگەن جۇرگىنشىلەر
سۋ ۇستىندەگى اسەم بەينە
ازىق اۋلاۋ
قانات جايۋ
وزگە قۇستان وقشاۋ تۇرعان التىن قىرعاۋىل
كولدەگى دۋمان
سۋ بەتىندە قالىقتاپ ...
تىلشىلەرىمىز لاي يۇينيڭ، جاڭ چيڭحۋا فوتوسى