جالپى ءتۇسىمى 6 ميلليون 552 مىڭ توننا بولىپ، سايكەس مەزگىلدەگىدەن ％2. 2 ارتاتىندىعى مەجەلەندى

　　شونجى اۋدانى بانجيەگوۋ قالاشىعى ياۋجانزى قىستاعىنداعى ءبيداي اتىزىندا كومبايىنمەن دۇمبە ءبيداي ورىلۋدا (7 - ايدىڭ 15 - كۇنى ۇشقىش اپپاراتپەن تۇسىرىلگەن). شونجى اۋدانى بيىل 655 مىڭ مۋ جەردەگى دۇمبە ءبيدايدان مول ءونىم الىپ، قۋانىشقا بولەندى.  سۋرەتتى حى لۇڭ تۇسىرگەن

انار بۇلت \ شينجياڭ گازەتىنىڭ ءتىلشىسى گاۋ فىڭ 7 - ايدىڭ 24 - كۇنى ۇرىمجىدەن حابارلايدى. مەملەكەتتىك ساناق مەكەمەسى شينجياڭ تەكسەرۋ باس اترەتىنەن ۇعىسۋىمىزشا، 2022 - جىلى شينجياڭنىڭ جازعى جيىن - تەرىنى سوڭعى مارەسىنە تاياپ قالعان، مەملەكەتتىك ساناق مەكەمەسىنىڭ تەكسەرىپ تۇراقتاندىرۋىنا قاراعاندا، بۇكىل رايوننىڭ جازدىق استىعىندا كولەم، بىرلىك ءونىم، جالپى ءونىم بويىنشا ”ءۇش ارتۋ“ بولعان، جالپى ءونىمى 13 ميلليارد 104 ميلليون جىڭعا جەتىپ، دولايلاستىرعاندا 6 ميلليون 552 مىڭ توننا بولىپ، سايكەس مەزگىلدەگىدەن 278 ميلليون جىڭ مولايىپ، ％2. 2 ارتاتىندىعى مەجەلەنگەن؛ مۇنىڭ ىشىندە ءبيدايدىڭ جالپى ءتۇسىمى 13 ميلليارد 70 ميلليون جىڭ، دولايلاستىرعاندا 6 ميلليون 535 مىڭ توننا بولىپ، سايكەس مەزگىلدەگىدەن 275 ميلليون جىڭ مولايىپ، ％1. 2 ارتقان.

استىق حاۋىپسىزدىگى ”مەملەكەتتىڭ ءىرى ءىسى“. بيىل جىل باسىنان بەرى، شينجياڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىردى، تياناقتاندىردى، جەر - جەر، قاتىستى تاراۋلار استىق وندىرىسىنە ايرىقشا ءمان بەرىپ، استىق حاۋىپسىزدىگىنە پارتيا مەن ۇكىمەت تەڭ جاۋاپتى بولۋدى قاتاڭ تياناقتاندىرىپ، استىق ءوندىرىسىن قولداۋ تەبىنىن ءۇرتىس ارتتىرىپ، جازعى استىقتىڭ ءتۇسىمىن ارتتىرىپ، مول ءونىم الۋعا نەگىز قالادى.

بيىل رايونىمىز ەگىستىك جەر جانە تۇقىم سىندى ەكى تەتىكتى مىقتاپ يگەرىپ، جوعارى ولشەمدى ەگىنجاي قۇرىلىسىن جەدەلدەتىپ، جوعارى ولشەمدى ەگىنجاي قۇرىلىسىن تىڭنان ارتتىرۋ مىندەتىن تياناقتاندىرىپ، ەگىستىك جەردىڭ جالپىلىق ءوندىرىس قۋاتىن جوعارىلاتتى، اۆتونوميالى رايوننىڭ ءبيداي، جۇگەرى، ماقتا، ەرەكشەلىككە يە داقىل سىندى ”ءتورت ءبىر ميلليون مۋلىق“ ساپالى تۇقىم جەتىلدىرۋ بازاسى قۇرىلىسىن ءۇرتىس ىلگەرىلەتىپ، ءبىرشاما كۇشتى زەرتتەۋ - اشۋ قۋاتى، كاسىپ سالاسىن جەتەكتەۋ قۋاتى جانە حالىقارالىق باسەكەلىك قۋاتى بار وسى زامانعى تۇقىم شارۋاشىلىعى كاسىپورىندارىن جەدەل جەتىلدىرىپ، استىق ءتۇسىمىن ارتتىرۋدىڭ كومەسكى كۇشتەرىن ۇزدىكسىز اشىپ، ءوندىرىس جالپى ونىمدىلىگىن جوعارىلاتتى.

بۇكىل رايوننىڭ ءبيداي ەگۋ اۋماعىن تۇراقتاندىرۋ ءۇشىن بۇكىل رايون 2022 - جىلى ەگىستىك جەر قۇنارلىلىعىن قورعاۋ تولىقتاما قاراجاتىن جانە ناقتى استىق ەككەن شارۋالارعا بەرىلەتىن ءبىر رەتتىك تولىقتاما قاراجاتتى تۇگەلدەي ءبيداي تولىقتاما قاراجاتىنا جۇمساپ، ءار مۋ دۇمبە ءبيدايعا، جازدىق ءبيدايعا بەرىلگەن ناقتى تولىقتاما قاراجات سوماسىن جەكە - جەكە 230 يۋانعا جانە 229 يۋانعا جەتكىزدى، بۇل الدىڭعى جىلداعىمەن سالىستىرعاندا جەكە - جەكە 10 يۋان جانە 114 يۋان جوعارىلاپ، ءبيداي تولىقتاما قاراجاتى بويىنشا ”تولىقتاما قاراجات بەرۋگە تيىستىلەرىنە مۇمكىندىكتىڭ بارىنشا تولىقتاما قاراجات بەرۋدى“ جۇزەگە اسىرىپ، شارۋالاردىڭ ءبيداي ەگۋ بەلسەندىلىگىن جوعارىلاتتى. بۇكىل رايوندا جازعى استىق ەگىلگەن جەر اۋماعى 17 ميلليون 371 مىڭ 500 مۋ بولىپ، سايكەس مەزگىلدەگىدەن 281 مىڭ 200 مۋ مولايىپ، ％6. 1 ارتتى؛ مۇنىڭ ىشىندە ءبيداي ەگىلگەن جەر اۋماعى 17 ميلليون 303 مىڭ 900 مۋ بولىپ، سايكەس مەزگىلدەگىدەن 275 مىڭ 100 مۋ مولايىپ، ％6. 1 ارتتى.

ءبيداي ءوندىرىسى كەزىندە بۇكىل رايونداعى ءار دارەجەلى اۋىل شارۋاشىلىعى، اۋىل - قىستاق تاراۋلارى تۇقىم، حيميالىق تىڭايتقىش، ەگىس دارىلەرى، ەگىس جارعاقتارى، تامشىلاتىپ سۋارۋ تاسپاسى، اۋىل شارۋاشىلىق ماشينالارى بولشەكتەرى سياقتى اۋىل شارۋاشىلىق ءوندىرىس قۇرال - جابدىقتارىن رەتتەۋدى، جەتكىزۋدى بەلسەنە ورنالاستىرىپ، اۋىل شارۋاشىلىق ءوندىرىس قۇرال - جابدىقتارىن قىستاققا، وتباسىلارىنا، اتىز باستارىنا جەتكىزۋدى ىلگەرىلەتتى؛ اۋىل شارۋاشىلىق ماشينالارى تەحنيكتەرىن قىستاقتارعا بارىپ، وتباسىلارىن ارالاۋعا ۇيىمداستىردى؛ ماشينالاردى وزگە جەرلەرگە جىبەرۋدى، ءوڭىر اتتاپ جۇمىس جۇرگىزۋدى ويداعىداي ىستەدى ءارى ۋاكىلاتتى جەر جىرتۋ، ۋاكىلاتتى تۇقىم سەبۋ قىزمەت وتەۋىن ورىستەتىپ، جۇمىس ساپاسى مەن ونىمدىلىگىن قامتاماسىز ەتتى؛ اپات سيپاتتى اۋا رايىنان الدىن الا مالىمەت بەرىپ، ساقتانىپ، الدىن الا تۇجىرىمداۋدى جاپپاي كۇشەيتىپ، دەرت - دەربەز بەن جاندىكتەردىڭ زيانىن باقىلاۋ - تەكسەرۋدى كۇشەيتىپ، ءبيدايدىڭ ءتۇسىمىن ورنىقتىرۋعا، ءتۇسىمىن ارتتىرۋعا شىنايى كەپىلدىك ەتىپ، بۇكىل جىلدا استىقتان مول ءونىم الۋ نەگىزىن بەكەمدەدى. بۇكىل رايوننىڭ ءار مۋ جەردەگى جازعى استىق بىرلىك ءونىم مولشەرى 16. 377 كيلوگرام بولىپ، سايكەس مەزگىلدەگىدەن 1.92 كيلوگرام ارتتى. مۇنىڭ ىشىندە ءار مۋ ءبيدايدىڭ بىرلىك ءونىم مولشەرى 65. 377 كيلوگرام بولىپ، سايكەس مەزگىلدەگىدەن 96. 1 كيلوگرام ارتتى.