حابارىن جازىپ، سۋرەتىن تۇسىرگەن لاي يۇينيڭ، جاڭ چيڭحۋا

پارتيا 18 - قۇرىلتايىنان بەرى ىلە وبلىستىق پارتكوم مەن حالىق ۇكىمەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، پارتيا ورتالىق كوميتەتى مەن اۆتونوميالى رايوندىق پارتكومنىڭ ەكولوگيالىق ورتانى قورعاۋدى كۇشەيتۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تۇتاس وبلىستا «تۇنىق سۋ، جاسىل تاۋ − باعالى بايلىق» ۇستانىمىن بەرىك ورناتىپ، «ورتانى قورعاۋدى ماڭداي الدى ورىنعا قويۋ، ەكولوگيالىق وبلىس قۇرۋ» ستراتەگياسىنا تاباندى بولىپ، تىڭعىلىقتى، ٴونىمدى شارالار قولدانىپ، ورتا ساپاسىن بەلسەنە جاقسارتىپ، ەكولوگيالىق ورتانى قورعاۋدىڭ ٴتۇيىندى مىندەتتەرىن ويداعىداي ورىندادى.

10 جىلدان بەرى ىلە وبلىسى جيىنى 116 ميلليون يۋان ورتانى قورعاۋ ارناۋلى قارجىسىن قوسىپ، وبلىسقا توتە قاراستى اۋدان - قالالارداعى 245 قىستاقتىڭ ورتاسىن جان - جاقتى جونگە سالىپ، مەملەكەت دارەجەلى 9 شۇرات باقشاسىن، مەملەكەت دارەجەلى 7 ورمان باقشاسىن، مەملەكەت دارەجەلى 3 جاراتىلىستىق قورىق قۇردى؛ جاڭادان وسىرىلگەن ورمان اۋماعى 914 مىڭ مۋعا جەتتى؛ 2020 - جىلدان بەرى 58 ميلليارد 340 ميلليون يۋان قارجى قوسىپ، ىلە وزەنى الابىنىڭ ەكولوگيالىق ورتاسىنىڭ ۇزدىكسىز جاقسارۋىن جەبەدى.

نىلقى اۋدانى تاڭبالى جايلاۋىنداعى اقبوز ۇيلەر.

توعىزتاراۋ اۋدانىنداعى كوبەلەك كولى باقشاسى.

تەكەس اۋدانى قاراجون كولىندەگى ساياحات كەمەسى.

قۇلجا قالاسى اينا كول ەكولوگيالىق باقشاسىنداعى سىبىرلاق اققۋ.

موڭعۇلكۇرە اۋدانىنىڭ اتىز القابىنداعى جايناعان قىشى گۇلى.

قورعاس اۋدانى لۋساۋگوۋ قالاشىعى سىگۇڭ قىستاعىنداعى جۇپار ٴشوپ ەگۋ بازاسى.

قۇلجا قالاسى شىعىس قالا رايونىنداعى شۇرات باقشاسى.