تابيعاتتىڭ جىرشىسى
− جاڭ حۋاجۇننىڭ ماي بوياۋلى سۋرەتتەرى
شينجياڭنىڭ اسەمونەر سالاسىندا مىناداي ٴبىر سۋرەتشى بار، مەيلى كوكتەم، جاز، كۇز، قىس بولسىن ونىڭ ساپارىنا ورالعى بولعان ەمەس.
بۇل سۋرەتشى اۆتوكولىگىمەن جىل بويى تيانشاننىڭ وڭتۇستىگى مەن سولتۇستىگىن ارالاپ، اۋىل - قىستاقتار مەن مال شارۋاشىلىق وڭىرلەرىنە بارىپ، شىلىڭگىر ىستىققا، قاقاعان ايازعا قاراماي، شينجياڭنىڭ بايتاق دالاسىنىڭ تابيعي كوركەمدىگىن قىل قالام جانە بوياۋمەن بەينەلەدى. ونىڭ تۋىندىلارى بۇكىل شينجياڭداعى ٴتۇرلى كولەمدى اسەمونەر كورمەلەرىندە كوزدىڭ جاۋىن الىپ، جاقسى باعاعا يە بولىپ كەلدى، ول جاڭ حۋاجۇن ەدى.
سۋرەت سالۋ جاي عانا كورىنىستى بەينەلەپ سىزۋ ەمەس، ۇزدىك سۋرەتشىلەردىڭ بارلىعى سەزىمتالدىقپەن باقىلاعاننان كەيىنگى اسەرلى سەزىمنەن شابىت الىپ، الۋان ٴتۇرلى كورىنىستەردى سۇرىپتاۋ جانە جيناقتاۋ ارقىلى تابيعاتتان اناعۇرلىم شوعىرلى، اناعۇرلىم قانىق، اناعۇرلىم جاندى كوركەمونەرلىك دەڭگەي جاراتىپ، كورىنىستى سەزىم مەن وبيەكتيۆ نىسانانىڭ بىرلىگىنە جەتكىزىپ، ەڭ سوڭىندا سۇيىسپەنشىلىكپەن ادامدى اسەرلەندىرەدى. وسىنداي اسەرلى بەينەلەنگەن تۋىندىدا باۋراۋ قۋاتى كۇشتى بولىپ، باي مازمۇندى كوركەمونەرلىك ٴورىس اشادى.
جاڭ حۋاجۇننىڭ جاسامپازدىق ستيلى شىعىستىڭ ولەڭ - جىرلارىن، سۋرەتتەرىن وسى زامانعى سۋرەت سالۋ تانىمىمەن بىرلەستىرىپ، سەزىمدىك دەڭگەيگە جەتكىزۋگە كۇش سالۋ ەدى. الايدا ەڭ ماڭىزدىسى، باستان - اياق ومىرگە ىشكەرىلەي ارالاسقاننان كەيىنگى كەشىرمەلەر مەن اسەرلەر عانا جاسامپازدىقتىڭ سارقىلماس قاينارى، سونداي - اق تابىسقا جەتۋدىڭ سىرى ەسەپتەلەدى.
(جاۋ حۇڭلين)
وڭتۇستىك تاۋ باۋرايى
جىم - جىرت حارمودون
مۇقىردىڭ قىسى
كوكتەمنىڭ حابارى
بايىرعى اعاش، كونە ٴۇي
كۇزگى توراڭعى
ىلە وزەنى جاعاسىنداعى كوكتەم
جازعى ٴتۇس اۋعاندا
قىسقى بىلىكشى وزەنى
ٴۇش ٴتۇپ توراڭعى
جىم - جىرت قىستاق
شاتىنىڭ قىسى
قاراشار وزەنىنىڭ جاز باسى