باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جۇڭگو اسا باسىمدىقپەن التىن مەدال تاقتاسىندا كوش باستاپ كەلەدى
2021-08-09 17:28:24     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

گيمناستيكادا ”ەڭسە كوتەرۋ شايقاسىنىڭ“ جەڭىسىنە قول جەتكىزدى

جۇڭگو اسا باسىمدىقپەن التىن مەدال تاقتاسىندا كوش باستاپ كەلەدى

1.jpg

 8 - ايدىڭ 3 - كۇنى سيلىق تاراتۋ سالتىنان كەيىنگى جۇڭگو ساڭلاقتارى شيە سى - ي (وڭدا) مەن ۋاڭ زۇڭيۋان. سۋرەتتى شينحۋا اگەنتتىگىنىڭ ءتىلشىسى شۇي چاڭ تۇسىرگەن

2.jpg

8 - ايدىڭ 3 - كۇنى جۇڭگو ساڭلاعى گۋان چىنچىن (سولدان 2 -) مەن ساپتاسى تاڭ چيانجيڭ (وڭنان 2 -) جارىستان كەيىن جاتتىقتىرۋشىسى شۇي جيڭلەيمەن (سولدان 1 -) بىرگە قۇتتىقتاۋدا.سۋرەتتى شينحۋا اگەنتتىگىنىڭ ءتىلشىسى چىڭ مين تۇسىرگەن

3.jpg

 8 - ايدىڭ 3 - كۇنى جۇڭگو ساڭلاعى زوۋ جيڭيۋان جارىستا. سول كۇنى توكيو وليمپيادا سپورت جارىسىنىڭ گيمناستيكا ءتۇرىنىڭ ەرلەر قوس تورنيك شەشۋشى جارىسىندا جۇڭگو ساڭلاعى زوۋ جيڭيۋان اعا جۇلدەگەر بولدى.سۋرەتتى شينحۋا اگەنتتىگىنىڭ ءتىلشىسى جىڭ حۋانسۇڭ تۇسىرگەن

  شينحۋا اگەنتتىگىنىڭ 8 - ايدىڭ 3 - كۇنى توكيودان بەرگەن حابارى ( تىلشىلەر ۋاڭ حىڭجى، ديڭ ۋىنشيان، ۋاڭ زىجياڭ). توكيو وليمپيادا سپورت جارىسىنىڭ گيمناستيكا ءتۇرى 8 - ايدىڭ 3 - كۇنى اياقتادى، جۇڭگو كومانداسى ەڭ سوڭعى ءبىر كۇندە 3 جەكە ءتۇر ىشىندە ەرلەردىڭ قوس تورنيك جانە ايەلدەردىڭ تەڭگەرمە اعاش ەكى تۇرىنەن اعا جۇلدەگەر بولدى، وعان ەرلەردىڭ 3 مەترلىك تاقتايشادان سەكىرۋ جارىسىندا العان التىن مەدالىن قوسقاندا، جۇڭگو ۋاكىلدەر ۇيىرمەسى التىن مەدال تاقتاسىندا 32 التىن، 21 كۇمىس، 16 قولامەن ۇزدىكسىز الدا تۇردى. سول كۇنى جەڭىل اتلەتيكا، رەزينا قايىق جارىسى سياقتى تۇرلەردىڭ بىرنەشە جەكە تۇرىندە جۇڭگو ساڭلاقتارى بىرىنەن كەيىن ءبىرى تاعى تۇرلەر، جەكەلەر بويىنشا ءۇرتىس ەڭ تاماشا ناتيجە جاراتتى.

  جۇڭگو گيمناستيكا كومانداسى 8 - ايدىڭ 3 - كۇنى ءدۇمپۋ تۋدىراتىن ساتتەردى قارسى الدى، الدىمەن زوۋ جيڭيۋان ەرلەردىڭ قوس تورنيك تۇرىندە التىن مەدال الىپ، 16.233 ناتيجەمەن ەكىنشى جۇلدەگەردەن0.533 نومىردەن استام الدا تۇردى؛ وسىدان كەيىن، جۇڭگولىق اپەكەلى - سىڭلىلەر گۋان چىنچىن، تاڭ چيانجيڭ ايەلدەردىڭ تەڭگەرمە اعاش تۇرىندە اعا جۇلدەگەرلىكتى، ەكىنشى جۇلدەگەرلىكتى ەنشىلەدى، وسىنىڭ الدىندا جەكەلەردىڭ امبەباپ ءتۇرىن قامتىعان بىرنەشە تۇردەن كەشكەن امەريكالىق ساڭلاق بايرس گيمناستيكا جارىس الاڭىندا قايتادان بوي كورسەتتى ءارى ءبىر قولا مەدال الدى. وسىمەن گيمناستيكا ءتۇرى اياقتادى، جۇڭگو گيمناستيكا كومانداسى توكيو وليمپيادا سپورت جارىسىندا 3 التىن، 3 كۇمىس، 2 قولا مەدال الىپ، وسى ءتۇردىڭ التىن مەدال تاقتاسىندا الدىڭعى ورىندى يەلەدى، ريو - دە جانە يرو وليمپيادا سپورت جارىسىندا التىن مەدال الا الماعان جۇڭگو گيمناستيكاسى تاماشا ەڭسە كوتەرۋ شايقاسىن جۇرگىزدى.

  جۇڭگو سۋعا سەكىرۋ كومانداسى سول كۇنى ۇزدىكسىز ورنىقتى تۇردە التىن مەدال الدى. شيە سى - ي مەن ۋاڭ زۇڭيۋاننان ۇيىمداسقان ”قوس قامسىزداندىرۋ“ ەرلەردىڭ 3 مەترلىك تاقتايشادان سەكىرۋ ءتۇرىنىڭ اعا جۇلدەگەرلىگىن، ەكىنشى جۇلدەگەرلىگىن ەنشىلەدى، بۇل سۋعا سەكىرۋ كومانداسىنىڭ وسى كەزەكتى وليمپيادا سپورت جارىسىندا ەنشىلەگەن 5 - التىن مەدالى جانە 3 - كۇمىس مەدالى.

  رەزينا قايىق جارىسى مەن جەڭىل اتلەتيكا تۇرلەرى دە سول كۇنى ولجا مەن قۋانىشقا بولەندى. ەرلەردىڭ ەكى ادامدىق قايىق جارىسىنىڭ 1000 مەترلىك شەشۋشى جارىسىندا، جۇڭگو قۇراماسى ليۋ حاۋ مەن جىڭ پىڭفي اتويلاۋ كەزەڭىندە ارتتا قالىپ، 0.203 سەكۋندتىق پارىقپەن كۇمىس مەدال الدى؛ جاڭ دۇڭ ەرلەردىڭ جەكە ادامدىق رەزينا قايىق جارىسىنىڭ 1000 مەترلىك شەشۋشى جارىسىندا 6 - ورىندى يەلەپ، جۇڭگو كومانداسىنىڭ وسى تۇردە وليمپيادا سپورت جارىسىنىڭ شەشۋشى جارىسىنا كىرگەن ءبىرىنشى ادامىنا اينالدى. وليمپيادا سپورت جارىسىندا ايەلدەردىڭ 800 مەترلىك شەشۋشى جارىسىنىڭ جارىس الاڭىنا قادام باسقان جۇڭگوداعى ءبىرىنشى ادام رەتىندە ۋاڭ چۇنيۇي ءبىر مينۋت 57 سەكۋند 00 داقىلمەن ءوزىنىڭ ەڭ جاقسى ناتيجەسىن جاراتىپ، ەڭ سوڭىندا بەسىنشى بولدى؛ ۋاڭ جىڭزى ايەلدەردىڭ شىنجىر دوپ تۇرىندە ەكى رەت جاڭا جارىس ماۋسىمىنداعى ءوزىنىڭ ەڭ تاماشا ناتيجەسىن جاڭالاپ، 77.03 مەترلىك ناتيجەمەن قۇندى كۇمىس مەدال الدى.

  كەزەكتە جۇڭگو ۋاكىلدەر ۇيىرمەسى 32 التىن، 21 كۇمىس، 16 قولا مەدال الۋداي ناتيجەمەن التىن تاقتانىڭ الدىڭعى ورنىن ۇزدىكسىز يەلەدى، امەريكا كومانداسى 24 التىن، 28 كۇمىس، 21 قولا مەدالمەن ەكىنشى ورىنعا جايعاستى، داياشى ەل جاپونيا كومانداسى 19 التىن، 6 كۇمىس، 11 قولا مەدالمەن ءۇشىنشى ورىندى يەلەدى.

  سول كۇنى باسقا جارىستاردا ەرلەر باسكەتبولىنىڭ 4/1 شەشۋشى جارىسى ءدۇبىرلى جارىستى قارسى الدى، امەريكا 81: 95 ۇپايمەن يسپانيا كومانداسىن جەڭدى، 41 جاستاعى باۋلو جاسور مەن 36 جاستاعى ماكى جاسور اعايىندى ەكەۋى دە جارىستان كەيىن مەملەكەتتىك كوماندادان شەگىنەتىندىگىن ءبىلدىردى، يسپانيانىڭ ”التىن ءداۋىرى“ وسىمەن اياقتادى، وتكەن 3 كەزەكتى وليمپيادا سپورت جارىسىندا يسپانيا ەرلەر باسكەتبول كومانداسى 2 كۇمىس، ءبىر قولا مەدال الدى، ولاردى بارىندە امەريكا كومانداسى جەڭدى. مۇنان سىرت، 4 مىقتى قاتارىنا كوتەرىلگەن 3 باسكەتبول كومانداسى جەكە - جەكە اۆستراليا، فرانسيا جانە سلوۆەنيا كوماندالارى، جارتىلاي شەشۋشى جارىسقا امەريكا مەن اۆستراليا، فرانسيا مەن سلوۆەنيا تۇسەدى.

  ەرلەر فۋتبول جارىسىنىڭ جارتىلاي شەشۋشى جارىسى اياقتادى، يسپانيا كومانداسى ۇستەمە جارىس ارقىلى 0گە قارسى ءبىر ۇپايمەن جاپونيا كومانداسىن جەڭدى، پاتشالىق مادريدتىڭ فۋتبول شولپانى اسىنشياۋ جەڭىستىك دوبىن سالدى، يسپانيا كومانداسى الدىڭعى كەزەكتە اعا جۇلدەگەر بولعان برازيليا كومانداسىمەن اعا جۇلدەگەرلىككە تالاسادى، برازيليا كومانداسى ۇپاي دوپتا 1:4 ەسەبىمەن لوندون وليمپيادا سپورت جارىسىنىڭ اعا جۇلدەگەرى مەكسيكا كومانداسىن جەڭدى.

  جارىس الاڭى قيان - كەسكى بولدى، الاڭ سىرتىندا بوگدە ۇندەر دە بولدى. حالىقارالىق قوزدىرعىش دارىلەردى تەكسەرۋ - ولشەۋ قۇرىلىمى (ITA) 8 - ايدىڭ 3 - كۇنى مىنالاردى تۇراقتاندىردى: 7 - ايدىڭ 31 - كۇنى جۇرگىزىلگەن جارىس سىرتىنداعى تەكسەرۋدە گرۋزيانىڭ شويىن دوپ سپورتشىسى ابۇلاميياڭنىڭ بەرگەن تەكسەرۋ - ولشەۋ ۇلگىسىندە ستەريد جانە انالىق گورمونعا قارسى ءدارى - دارمەكتىڭ ناتيجەسى بولىمدى بولىپ شىقتى، 8 - ايدىڭ 2 - كۇنى دۇنيە جۇزىلىك قوزدىرعىش دارىگە قارسى قۇرىلىم مويىنداعان توكيو تاجىريبەحاناسى وسى بولىمدى تەكسەرۋ - ولشەۋ ناتيجەسىن مالىمدەدى. اسىلىندە 8 - ايدىڭ 3 - كۇنى كەشتە توكيو وليمپيادا سپورت جارىسىنىڭ ەرلەر شويىن دوپ جارىسىنا قاتىناساتىن ابۇلاميياڭ كەزەكتە ۋاقىتشا جارىستان شەتتەتىلدى.

  8 - ايدىڭ 4 - كۇنى توكيو وليمپيادا سپورت جارىسىندا 17 التىن مەدال تاراتىلادى، جۇڭگو قۇراماسىنىڭ مارافون مالتاۋ، مانەرلى مالتاۋ سياقتى تۇرلەردە مەدال الۋ مۇمكىندىگى بار.