باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
توكيو وليمپيادا سپورت جارىسى جابىلدى، جۇڭگو ۋاكىلدەر ۇيىرمەسى 38 التىن مەدال الدى
2021-08-11 16:36:30     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

20210808000513_c5c9d98111f002e24310b1d8f1f4077a129610ef.jpg

8 -ايدىڭ 8 - كۇنى، 32 - كەزەكتى جازعى وليمپيادا سپورت جارىسىنىڭ جابىلۋ سالتى جاپونيانىڭ توكيو قالاسىندا وتكىزىلدى. جابىلۋ سالتى اياقتاۋ الدىنداعى ٴتۇستى جارقىلداق ويىنى. سۋرەتتى شينحۋا اگەنتتىگىنىڭ ٴتىلشىسى داي تيانفاڭ تۇسىرگەن 

20210808000373_93fdd3a1a50bc90eb7e1655167e111ee8145b859.jpg

جۇڭگو ۋاكىلدەر ۇيىرمەسىنىڭ تۋ ۇستاۋشىسى سۋ بيڭتيان دەنە تاربيە الاڭىنا كىرىپ كەلەدى. (8 - ايدىڭ 8 - كۇنى تۇسىرىلگەن). سۋرەتتى شينحۋا اگەنتتىگىنىڭ ٴتىلشىسى ياڭ لەي تۇسىرگەن. 

20210808000440_f97dfca1e0c6cff7241844cce9b15b17ce6b2a91.jpg

پاريج قالاسىنىڭ باستىعى اننە يدالگو جابىلۋ سالتىنىڭ تۋدى وتكىزىپ بەرۋ سالتىندا وليمپيادا تۋىن تاپسىرىپ الدى. سۋرەتتى شينحۋا اگەنتتىگىنىڭ ٴتىلشىسى ليۋ داۋەي تۇسىرگەن. 

شينحۋا اگەنتتىگىنىڭ 8 - ايدىڭ 8 - كۇنى توكيودان بەرگەن حابارى (تىلشىلەر جۋ حۇڭ، يۋە رانران، ۋاڭ زىجياڭ). مامىرلاعان ليريكالىق مۋزىكا اۋەنى ىشىندە وليمپيادا الاۋى باياۋ ٴسونىپ، 32 - كەزەكتى جازعى وليمپيادا سپورت جارىسى 8 - ايدىڭ 8 - كۇنى توكيو جاڭا مەملەكەتتىك اتلەتيكا الاڭىنىڭ كەشكى كورىنىسى ىشىندە جابىلدى.

حالىقارالىق وليمپيادا كوميتەتىنىڭ ٴتوراعاسى باح بۇل ٴبىر رەتكى «ٴۇمىت، ىنتىماق، بەيبىتشىلىكتى» تاقىرىپ ەتكەن وليمپيادا، «بۇرىن بولماعان» وليمپيادا بولدى دەپ باعا بەردى. ول جابىلۋ سالتىنداعى ارناۋ سوزىندە بىلاي دەدى: وسىناۋ قيىن - قىستاۋ كەزەڭدە سىزدەر دۇنيە جۇزىنە ەڭ باعالى تارتۋ − ٴۇمىت سيلادىڭىزدار! بۇل ىندەت تۋىلعاننان كەيىنگى بۇكىل دۇنيە ٴجۇزىنىڭ ٴبىرىنشى رەت ىنتىماقپەن باس قوسۋى بولدى. دەنە تاربيە ساحنانىڭ تورىنە قايتا ورالدى. دۇنيە جۇزىندەگى ميللياردتاعان ادامدار توننىڭ ىشكى باۋىنداي بەرەكەگە ۇيىسىپ، شاتتىق پەن شابىتقا تولى ساتتەردى ٴبولىستى. بۇل بىزگە ٴۇمىت سيلادى، بىزگە بولاشاق تۋرالى سەنىم بەردى.

وليمپيادا بەس ساقينالى تۋىنىڭ باستاۋىندا، 206 ۋاكىلدەر ۇيىرمەسىنىڭ سپورتشى ۋاكىلدەرى رەتىمەن الاڭعا كىردى. توكيودا 100 مەترگە جۇگىرۋدەن 9 سەكۋند 83 تاقىلدىق ناتيجەمەن ەرلەردىڭ ازيا رەكوردىن جاڭالاعان سۋ بيڭتيان جۇڭگو ۋاكىلدەر ۇيىرمەسىنىڭ تۋ ۇستاۋشىسى بولىپ، بەس جۇلدىزدى قىزىل تۋدى بيىك ۇستاپ الاڭعا شىقتى.

وسى كەزەكتى وليمپيادا سپورت جارىسىندا جۇڭگو دەنە تاربيە ۋاكىلدەر ۇيىرمەسى 777 ادامنان قۇرالدى، مۇنىڭ ىشىندە 431 سپورتشى 30 ۇلكەن ٴتۇر، 225 كىشى ٴتۇر بويىنشا جارىسقا قاتىناسىپ، شەكارا سىرتىندا وتكەن وليمپيادالاردىڭ ىشىندە قاتىناسقان كىشى تۇرلەرى ەڭ كوپ ٴبىر كەزەگى بولدى. 16 كۇن ەرلىكپەن ايانباي شايقاسۋ ارقىلى جۇڭگو ۋاكىلدەر ۇيىرمەسى جالپى 38 التىن، 32 كۇمىس، 18 قولا مەدالمەن جيىنى 88 مەدال الىپ، التىن مەدال تاقتاسى مەن مەدال تاقتاسىندا 2 - ورىندى يەلەدى، التىن مەدال سانى شەكارا سىرتىندا وتكەن وليمپيادالارداعى ەڭ جاقسى ناتيجەمەن تەڭەستى.

امەريكا ۋاكىلدەر ۇيىرمەسى 39 التىن، 41 كۇمىس، 33 قولا مەدال الىپ، التىن مەدال تاقتاسى مەن مەدال تاقتاسىندا اۋەلگىدەي ٴبىرىنشى ورىندى يەلەدى. داياشى ەل جاپونيا ۋاكىلدەر ۇيىرمەسى 27 التىن، 14 كۇمىس، 17 قولا مەدالمەن التىن مەدال تاقتاسىندا 3 - ورىندا تۇردى.

ٴبىر ساعاتتان استام ۋاقىتقا سوزىلعان سپورتشىلاردىڭ الاڭعا كىرۋى مەن جابىلۋ سالتى ويىندارىنان كەيىن، وسى كەزەكتى وليمپيادانىڭ ەڭ سوڭعى سيلىق تاراتۋ سالتى وتكىزىلدى. ايەلدەر مارافونى مەن ەرلەر مارافون جارىسىندا سيلىق العان سپورتشىلار جابىلۋ سالتىندا مەدال الۋ داڭقىنان يگىلىكتەندى.

جاڭا عانا حالىقارالىق وليمپيادا كوميتەتى سپورتشىلار كوميتەتىنىڭ مۇشەسى بولعان جاپونيانىڭ سەمسەرشى سپورتشىسى تايتيان شۇڭگۇي قاتارلىلار وليمپيادا ەرىكتىلەرى مەن قالا ەرىكتىلەرىنە ەستەلىك سي ۇسىنىپ، ەرىكتىلەردىڭ قاجىرلىلىقپەن قىزمەت وتەگەنىنە العىس ايتتى. بۇل قالا ەرىكتىلەرىنىڭ وليمپيادادا تۇڭعىش رەت ماراپاتتالۋى.

مۋزىكا ٴۇنى ىشىندە وليمپيادانىڭ بەس ساقينالى تۋى باياۋ ٴتۇسىرىلىپ، جينالىپ، ونى توكيو قالاسىنىڭ باستىعى شياۋچى بايحىزى باحقا، ونان سوڭ باح ونى 33 - كەزەكتى جازعى وليمپيادا سپورت جارىسىن وتكىزەتىن داياشى ەل − پاريج قالاسىنىڭ باستىعى اننە يدالگوعا تاپسىردى، سودان بەينەبايان ۇلگىسىندەگى «پاريج 8 مينۋتىنىڭ» شىمىلدىعى اشىلدى.

وليمپيادا الاۋى باياۋ ٴسونىپ، قاسيەتتى الاۋ تۇعىرى باياۋ جابىلىپ، شەڭبەر قالپىنا كەلدى. الاڭداعى سپورتشىلار مەن قىزمەتكەرلەردىڭ الاقايلاعان ٴۇنى ىشىندە ادامدار توكيو وليمپيادا سپورت جارىسىنا قوش ايتتى.