باياننىڭ وتباسىنداعىلار:

”جۇڭگو قىزىلىن“ ماقتانىش سەزىنەمىز

 انار بۇلت / شينجياڭ گازەتىنىڭ ءتىلشىسى بارشا تەگىس

2 - ايدىڭ 4 - كۇنى كەشتە بەيجيڭ قىسقى وليمپيادا سپورت جارىسىنىڭ باستالۋ سالتىندا «وتاندى جىرلايمىن» ءانىنىڭ اسەرلى اۋەنى ىشىندە جۇڭگونىڭ دەنە تاربيە ۋاكىلدەر ۇيىرمەسى الاڭعا كىردى. ءدال سول ۋاقىتتا 3000 كيلومەتردەن استام شالعايدا، جۇڭگو دەنە تاربيە ۋاكىلدەر ۇيىرمەسىندەگى شينجياڭدىق سپورتشى بايان جالىننىڭ جەمەنەي اۋدانى ۇلاستى قالاشىعى ۇلاستى قىستاعىنداعى وتباسىنان شاتتىق ءۇنى كوتەرىلدى.

”بايان انە ءجۇر، تەز كورىڭدەر!“. باياننىڭ اكەسى جالىن اۋباكىر اسەرلەنىپ ورنىنان اتىپ تۇردى، شەشەسى ءراۋيا التىنبەك اسەرلەنگەنىنەن كوزىنە ىستىق جاس الدى. قاسىندا ەكراندا جۇڭگو قىزىلىنىڭ شۇعىلا شاشقان كورىنىسىن كورىپ وتىرعان باياننىڭ 12 جاسار بولە ءسىڭلىسى ۇلپان شالقار بىلاي دەدى: اناۋ مەملەكەت تۋىنىڭ رەڭى، شەكارادا دا جۇڭگو قىزىلى بار!“.

1999 - جىلى بايان جەمەنەي اۋدانىنداعى ءبىر قازاق مالشى وتباسىندا دۇنيەگە كەلگەن. بالا كەزىنەن تارتىپ تىنىمسىز ءارى باتىل بايان جايلىمدا قوي باعۋعا، جايلاۋدا اتقا مىنۋگە، اياعىنا بامبۋك تاقتايىن بايلاپ الىپ بەتكەيدەن شاڭعى تەبۋگە قاتتى قىزىعاتىن. ”ول جاقسى جۇگىرەتىن، التايعا اتى ايگىلى“، - دەدى باياننىڭ دەنە تاربيە مۇعالىمى ادىلەت ماعىمۇرات، - ”بايان دەنە تاربيە جارىستارىن كورۋدى قاتتى ۇناتاتىن، اسىرەسە، جارىس الاڭىندا مەملەكەت ءانى شىرقالىپ، بەس جۇلدىزدى قىزىل تۋ جەلبىرەي كوتەرىلگەن كەزدە قاتتى اسەرلەنەتىن. مەكتەپتىڭ مەملەكەت تۋىن شىعارۋ سالتىنا ەشقاشان كەشىگىپ كورگەن جوق“.

2017 - جىلى بايان دالالىق شاڭعى مەملەكەتتىك توپتىق جاتتىعۋ قۇراماسىنا تاڭدالدى. 2018 - جىلدىڭ باسىندا ول توپتىق جاتتىعۋ قۇراماسىنىڭ شينجياڭ گرۋپپاسىمەن بىرگە نورۆەگياعا بارىپ شەتەلدەگى 3 جىلدىق جاتتىعۋىن باستادى.

2021 - جىلى 10 - ايدا دالالىق شاڭعى تەبۋ ايەلدەردىڭ كۇش جالعاۋ ءتۇرى بويىنشا مەملەكەتتىك توپتىق جاتتىعۋ قۇراماسىنىڭ حىبەي چىڭدىداعى مەملەكەتتىك قار ءۇستى ويىن ءتۇرى جاتتىعۋ بازاسى قۇرىلدى. قاجىرلى جاتتىعۋ ارقىلى شەتەلدىك ۇزدىك ساڭلاقتارمەن پارقى بارعان سايىن ازايعان بايان وسى قۇراماعا تاڭدالدى. شەكاراداعى شاعىن تاۋلى قىستاقتان شىعىپ، شەتەلگە بارىپ توپتىق جاتتىعۋعا، جارىسقا قاتىناستى، قار - مۇز سپورتى وسى قازاق بويجەتكەننىڭ كوز اياسىن كەڭەيتتى. ”قىزىمنىڭ قازىرگىدەي ناتيجە جاراتۋىنا مۇمكىنشىلىك جاساعان ۇلى وتانعا العىس ايتامىن “، - دەدى جالىن قاتتى اسەرلەنىپ.

دىلنيگار يىلھامجان مەن سولتۇستىك ەۆروپا ەكى ءتۇرىنىڭ سپورتشىسى جاۋ جيا - ۋىننىڭ ەڭ سوڭعى الاۋگەر بولعانىن كورىپ، باياننىڭ شەشەسى ءراۋيا اسەرلەنگەنىنەن كوزىنە جاس الدى، ”بالالاردىڭ جۇڭگو قار - مۇز سپورتشىلارىنىڭ جىگەرلەنە العا ىلگەرىلەۋ رۋحىن، ءسوز جوق، جالعاستىرىپ، وتانعا داڭق اپەرەتىنىنە سەنەمىن!“.

”قىزىم جۇڭگو قۇراماسى اتىنان قىسقى وليمپيادا سپورت جارىسىنا قاتىناسىپ، دۇنيە جۇزىندەگى تاڭداۋلى ساڭلاقتارمەن مايداندا باسەكەگە ءتۇستى، مەن مۇنى توتەنشە ماقتانىش سەزىنەمىن. بايان ماعان ءوزىنىڭ وتە باقىتتى ەكەنىن ايتقان بولاتىن“، - دەدى جالىن.