باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
قىسقى وليمپيادا سپورت جارىسى ءۇشىن الاقايلاپ، وتاندى ماقتانىش ەتتى
2022-02-13 12:43:10     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

قىسقى وليمپيادا سپورت جارىسى شينجياڭدا قانشاما قىزۋ بەينە تۋدىردى؟ توراپتاستاردىڭ شولۋىنا قارايىق

قىسقى وليمپيادا سپورت جارىسى ءۇشىن الاقايلاپ، وتاندى ماقتانىش ەتتى


انار بۇلت / شينجياڭ گازەتىنىڭ تىلشىلەرى جاڭ شياۋمي، ءابيبا 2 - ايدىڭ 11 - كۇنى ۇرىمجىدەن حابارلايدى. ”مەن شينجياڭدا تۇرىپ، قىسقى وليمپيادا سپورت جارىسىنا دەم بەرەمىن“، ”كورىكتى شينجياڭ قىسقى وليمپيادا سپورت جارىسى ءۇشىن الاقايلايدى“، ”وتانىمىزدىڭ بارعان سايىن قۇدىرەتتەنە بەرۋىن تىلەيمىز! بەيجيڭ قىسقى وليمپيادا سپورت جارىسىنىڭ تابىستى، ءساتتى بولۋىن تىلەيمىز“... بەيجيڭ قىسقى وليمپيادا سپورت جارىسى تارتىمدى دا قيان - كەسكى وتۋدە، وسى سالتاناتتى قار - مۇز جارىسى شينجياڭدىقتاردىڭ اسقاق سەزىمىن الاۋلاتتى. باستالۋ سالتىنان ءارقايسى جارىسقا دەيىن كوپشىلىك قىسقى وليمپيادا سپورت جارىسىنا نازار اۋدارۋمەن بىرگە، انار بۇلت كليەنتى سياقتى ينتەرنەت تۇعىرلارىندا جابال لەبىز قالدىرىپ، شاتتانعان كوڭىل كۇيلەرىن ءبىلدىرىستى.

”جاقسى ناتيجەگە قول جەتكىزىپ، شينجياڭعا داڭق، وتانعا داڭق اپەرۋلەرىڭدى تىلەيمىن“، قول تەلەفون ءنومىرىنىڭ سوڭعى ءنومىرى ”963“ دەپ كەلەتىن انار بۇلت كليەنتىندەگى توراپتاستىڭ قالدىرعان لەبىزى قاراپايىم بولسا دا كوپتەگەن ادامنىڭ جۇرەك سوزىنە ۋاكىلدىك ەتتى؛ توراپتاس جاينا شونەي ”قىسقى وليمپيادا سپورت جارىسى ءۇشىن الاقايلاپ، وتاندى ماقتانىش ەتەمىن“ دەپ لەبىز قالدىردى؛ قول تەلەفون ءنومىرىنىڭ سوڭعى ءنومىرى ”313“ دەپ كەلەتىن توراپتاس بىلاي دەدى: ”وتان ءۇشىن الاقايلاپ، سپورت ساڭلاقتارىنا دەم بەرەمىز، قايراتتانىڭدار“... قىسقى وليمپيادا سپورت جارىسى حابارىنىڭ لەبىز قالدىرۋ بولىگىندە كەيبىر توراپتاس اسەرى مەن تىلەگىن جازدى، كەيبىر توراپتاس ءبىرسىپىرا ”القاۋ“ ايتىپ تەبىرەنگەن كوڭىل كۇيىن جەتكىزدى.

كوكتوعاي اۋدانى كوكتوعاي قالاشىعىنداعى ءمانسۇر مامەت ءار كۇنى انار بۇلت كيلەنتى ارقىلى (ۇيعۇر تىلىندەگى نۇسقاسى) قىسقى وليمپيادا سپورت جارىسىنىڭ ەڭ جاڭا جارىس جاعدايىنان حابارلى بولىپ تۇردى. ”مەن كوكتوعاي حالىقارالىق شاڭعى الاڭىندا قىزمەت ىستەيمىن، قىسقى وليمپيادا سپورت جارىسى ساڭلاقتارىنىڭ قار - مۇز جارىس الاڭىنداعى ەر مۇسىندەرىن كورىپ، قاتتى ءسۇيىندىم، ءوزىم دە شاڭعى تەبۋدىڭ كوپتەگەن شەبەرلىكتەرىن مەڭگەرۋ بەكىمىنە كەلدىم“، - دەپ لەبىز قالدىردى ءمانسۇر.

بەيجيڭ قىسقى وليمپيادا سپورت جارىسىندا شينجياڭ فاكتورى مول، توراپتاستار تۇس - تۇستان ”تۋىسقان بولىسىپ“ شىقتى: ”مىناۋ ءبىزدىڭ شينجياڭدىق بويجەتكەن“، ”مىناۋ ءبىزدىڭ شينجياڭدىق جىگىت“... ءبىر توراپتاس بىلاي دەپ باعا بەردى: شينجياڭنان كەلگەن جاستار مەن ورەندەر ۋاكىلدەرى حالىقارالىق جارىس الاڭدارىندا بارعان سايىن كوپتەپ بوي كورسەتەتىن بولدى، بۇل شينجياڭنىڭ قار - مۇز سپورتىنىڭ تەز قارقىنمەن دامىعاندىعىن كورسەتەدى.

ءۇرىمجى قالاسى بانفانگوۋ اۋىلى دىڭساۋگوۋ قىستاعىندا تۇراتىن ەرتاي ەركىنبەك ورتالاۋ مەكتەپ وقۋشىسى، قار - مۇز سپورتىنا قاتتى قىزىعادى، وسى قىسقى دەمالىستا، قىسقى وليمپيادا سپورت جارىسى وتكىزىلگەندىكتەن، اكە - شەشەسى ونىڭ قول تەلەفون كورۋىنە ارنايى رۇقسات بەردى. ”ۋاڭ زىياڭ اعانى كورگەن كەزدە، بويىمدى ماقتانىش كەرنەدى، ول ءبىزدىڭ شينجياڭدىق“. ول انار بۇلت كيلەنتىندە بىلاي دەپ لەبىز قالدىردى: ”وليمپيادا ساڭلاقتارىن ۇلگى تۇتامىن. تابىس قان - تەردىڭ بوداۋىنان كەلەدى، مەن دە تىنباي قۇلشىنىپ، اۋىلىمىزعا داڭق اپەرەمىن“.

”انار بۇلت كيلەنتى قىسقى وليمپيادا سپورت جارىسىن كورۋدىڭ ماڭىزدى تەرەزەسى“، - دەپ لەبىز قالدىردى توراپتاس ءاديلا الەت، ول قاشقار بايىرعى قالاسى كورىنىس ءوڭىرى ءجۇز جىلدىق قاشقار سارايىنىڭ ءتۇسىندىرۋشىسى، جاقىننان بەرى ول ءار كۇنى قىسقى وليمپيادا سپورت جارىسى حابارىنا نازار اۋدارىپ كەلەدى، ”قاشقار بايىرعى قالاسىنا ءار كۇنى كوپتەگەن ادام كەلىپ ەكسكۋرسيالايدى، مەن كورىنىس وڭىرلەرىن تۇسىندىرۋدەن تىس، ولارمەن قىسقى وليمپيادا سپورت جارىسى جونىندە دە اڭگىمەلەسەمىن“.

”ايەلدەردىڭ شاڭعىمەن ۇلكەن تۇعىردان ەركىن سەكىرۋ جارىسىندا گۋ ايليڭنىڭ تارتىمدى سەكىرۋى بىرنەشە سەكۋندتاي عانا سەزىلگەنىمەن، ونىڭ استارىندا ونىڭ 10 نەشە جىلدىق قۇلشىنىسى جاتىر...“، التاي قالاسى گەنەرال تاۋى حالىقارالىق شاڭعى دەمالىس ءوڭىرى قار شاڭعى مەكتەبىنىڭ باستىعى لي شيا ءار كۇنى كەشتە قىزىمەن بىرگە تاقتا كومپيۋتەردە قىسقى وليمپيادا سپورت جارىسىنىڭ بەينەجازبالارىن قايتالاپ كوردى. جارىستى تاماشالاۋ بارىسىندا، لي شيا قىزىنا قار - مۇز سپورتى بىلىمدەرىن ۇيرەتەدى، كەيدە توراپتاستارمەن اۋىس - كۇيىس جاسايدى. ”قىسقى وليمپيادا سپورت جارىسى كەزىندە كوپتەگەن ادامدارمەن ورتاق اۋەس قالىپتاستىرعانىما قاتتى قۋانامىن. قىسقى وليمپيادا سپورت جارىسىنىڭ اناعۇرلىم كوپ ادامدى قار - مۇز سپورتىن ۇناتۋعا باستايتىنىنا سەنەمىن“، - دەدى لي شيا.