يۇيشىڭ جيەشياننىڭ باستاپقى سايىسى ءتيىمسىز بولدى

2 - ايدىڭ 8 - كۇنى جۇڭگو شەبەرى گۋ ايليڭ جارىستا.

□ سۋرەتتىشينحۋا اگەنتتىگىنىڭ ءتىلشىسى حۋاڭ زۇڭجى تۇسىرگەن

شينحۋا اگەنتتىگىنىڭ 2 - ايدىڭ 8 - كۇنى بەيجيڭنەن بەرگەن حابارى (تىلشىلەر ۋاڭ حىڭجى، جاڭ زىۋي). شوۋگاڭ شاڭعىمەن سەكىرۋ ۇلكەن تۇعىرى − بەيجيڭ قىسقى وليمپيادا سپورت جارىسىنىڭ ”وليمپيادا جاڭا ۇلگىسىن“ ورناتۋىنىڭ كۋاسى، بۇگىنگى تاڭدا ”حرۋستال باتىنكە“ كەشەنى تاعى ءبىر رەت تاريحقا كۋا بولدى. جۇڭگولىق شەبەر گۋ ايليڭ 2 - ايدىڭ 8 - كۇنى وي جەتكىسىز ءتاسىل ارقىلى ەڭ سوڭعى ءبىر سەكىرۋدە ءوزى دە بۇرىن ورىنداپ كورمەگەن ەرەكشە قيىن ارەكەتتى ورىنداپ، شاڭعىمەن ۇلكەن تۇعىردان ەركىن سىرعاناۋ ءتۇرىنىڭ قىسقى وليمپيادا سپورت جارىسى تاريحىنداعى تۇڭعىش التىن مەدالىن الدى.

دەنەنى 1620 گرادۋس كولبەۋ اينالدىرۋ، بۇل ارەكەتتى گۋ ايليڭ بۇدان بۇرىنعى جارىستاردا ورىنداپ كورمەگەن ەدى. ەڭ سوڭعى سەكىرۋدە 18 جاستاعى وسى تالانتتى قىز شەشەسىنىڭ ءتىلىن الماستان، وسى قيىندىققا سايىس جاريالاۋ بەكىمىنە كەلدى، سەبەبى ول ىشتەي ”بۇل اراعا كەلۋدەگى ماقساتىم باسقا شەبەرلەردى جەڭۋ ەمەس، قايتا ءوزىمنىڭ شەكتەمەلەرىمنەن اسىپ تۇسسەم“ دەپ ويلادى.

گۋ ايليڭ تابىسقا جەتتى! 94.50 ءنومىر، وسى رەتكى سەكىرۋدە گۋ ايليڭ فرانسيالىق ايگىلى شەبەر دايسى لەدىنى باسىپ وزىپ، جۇڭگو ۋاكىلدەر قۇراماسىنا بەيجيڭ قىسقى وليمپيادا سپورت جارىسىنىڭ قار ءۇستى جارىس تۇرىنەن تۇڭعىش التىن مەدالدى الىپ بەردى، بۇل ءارى جۇڭگو ايەلدەر قار ءۇستى جارىس ءتۇرىنىڭ قىسقى وليمپيادا سپورت جارىسى تاريحىنداعى تۇڭعىش التىن مەدال.

”اناعۇرلىم تەز، اناعۇرلىم ورەلى، اناعۇرلىم قۋاتتى“ بولۋدى كوكەيىنەن شىعارماعان گۋ ايليڭ ءارى ”اناعۇرلىم ىنتىماقتى بولۋدىڭ“ امالياتتا ايگىلەۋشىسى. دايسى ەڭ سوڭعى سەكىرۋدە اعاتتىق جىبەرىپ، قارعا وتىرا قالىپ بەتىن باسىپ قايعىرا جىلاعاندا گۋ ايليڭ مەن ءۇشىنشى جۇلدەگەر بولعان شۆەتساريالىق شەبەر ماتيرد گىليمو دايسىنىڭ جانىنا كەلىپ، بىلتىر 1 - ايدا اكەسىنەن ايرىلىپ، قار الاڭىندا ەڭ جاقسى ناتيجەمەن اكەسىنىڭ كوڭىلىن اۋلاۋدى ماقسات ەتىپ كەلگەن فرانسيالىق بويجەتكەندى جۇباتتى.

وزىنە سايىس جاريالاۋدى ويلاپ كەلگەن جاپونيالىق مانەرلەپ سىرعاناۋدىڭ ايگىلى شەبەرى يۇيشىڭ جيەشيان دا بار ەدى. ەكى رەتكى قىسقى وليمپيادا سپورت جارىسىنىڭ اعا جۇلدەگەرى بولعان يۇيشىڭ جيەشيان مانەرلەپ سىرعاناۋ جارىسى الاڭىندا الدىنا جان سالمايتىن الىپ جۇلدىز ەدى، ءار جولى جارىس الاڭىنا شىققاندا كورەرمەندەردىڭ نازارىن بىردەن اۋداراتىن. سول كۇنگى ەرلەردىڭ جالعىز ادامدىق قىسقا ارالىققا سىرعاناۋ بەلدەسۋىندە يۇيشىڭ جيەشيان ءبىرىنشى رەتكى سەكىرۋىندە اعاتتىق جىبەرىپ، ەڭ سوڭىندا 8 - ورىنعا ءتۇسىپ قالدى، جۇڭگولىق شەبەر جين بوياڭ ۋاقىتشا 11 - ورىندى يەلەدى. الايدا، اعا جۇلدەگەرلىگىن ساقتاپ قالۋىمەن سالىستىرعاندا، كوپتەگەن ادام ونىڭ بەيجيڭ قىسقى وليمپيادا سپورت جارىسىندا اكسەل ءتورت اينالىپ سەكىرۋىنە سايىس جاريالاۋىن كورۋدى ءۇمىت ەتكەن ەدى، ونىڭ ءوزى دە وسى نىسانانى بەتكە الىپ بەيجيڭگە كەلگەن بولاتىن. 2 - ايدىڭ 10 - كۇنگى ەرلەردىڭ جالعىز ادامدىق ەركىن سىرعاناۋىندا يۇيشىڭ جيەشيان جارىستا وسى ارەكەتتى ورىنداي العان تاريحتاعى تۇڭعىش ادامعا اينالا الا ما، جوق پا، بۇل التىن مەدالدىڭ كىمگە تاۋەلدى بولۋىنان دا ارمان ادامدى تىقىرشىتاتىن ءىس بولۋى مۇمكىن.

جۇڭگو ايەلدەر مۇز دوپ قۇراماسى 2 - ايدىڭ 8 - كۇنى ”كەرەمەت“ جاراتا المادى، شۆەتسيا قۇراماسىنىڭ دانيا قۇراماسىن جەڭۋىنە ىلەسە، جۇڭگو قۇراماسىنىڭ 8 مىقتى قاتارىنا قوسىلۋ ءۇمىتى سەلگە كەتتى. الايدا دۇنيە جۇزىلىك قاتارى 20 - ورىندا تۇراتىن جۇڭگو قۇراماسى جونىنەن العاندا، وسى رەتكى قىسقى وليمپيادا ساپارىندا زور ىلگەرىلەۋشىلىك بولدى.

كوپتەگەن جۇڭگو شەبەرلەرى العا ىلگەرىلەدى جانە تابىسقا قول جەتكىزدى. ەرلەردىڭ سىڭار تاقتايمەن قاردا سىرعاناۋ پاراللەل ۇلكەن يرەك جارىسىندا وسى تۇرگە العاش رەت قاتىناسقان جۇڭگو سپورتشىسى بي يە تولىمدىلىق جارىسىندا 22 - ورىنعا ءوتتى؛ جاڭ ياڭميڭ ەرلەردىڭ تاۋ شاڭعى اسا ۇلكەن يرەك جارىسىن ءبىر مينۋت 29 سەكۋند 39 تاقىلدىق ناتيجەمەن اياقتاتادى، بۇل جۇڭگو شەبەرلەرىنىڭ قىسقى وليمپيادا سپورت جارىسىنىڭ وسى تۇردەگى جارىسىنا العاش رەت قاتىناسۋى ءارى جارىستى ءساتتى تامامداۋى؛ ”2000 - جىلدىڭ تۇلەگى“ ۋاڭ پەيشۋاننىڭ ”قار ايداعار“ كەشەنى مەملەكەتتىك قار اربا، قار شانا ورتالىعىندا جۇڭگو ايەلدەر قار شانا شەبەرلەرىنىڭ قىسقى وليمپيادا سپورت جارىسى تاريحىندا وسى تۇردەگى العاشقى جارىسىن تامامدادى...

مەملەكەتتىك تەز سىرعاناۋ سارايى ”مۇز جىبەك باۋدا“ 4 - جارىس كۇنى وليمپيادا سپورتىنىڭ رەكوردى ۇزدىكسىز جاڭالاندى. بۇل رەت 20 جىل بويى ساقتالىپ كەلگەن ەرلەردىڭ مۇزدا تەز سىرعاناۋىنىڭ 1500 مەترلىك رەكوردى، 3 مينۋت ىشىندە وسى تۇردەگى وليمپيادا سپورت جارىسى رەكوردى 2 رەت جاڭالاندى. ەڭ سوڭىندا دۇنيە جۇزىلىك رەكوردتى ساقتاۋشى، نيدەرلاندتىق كاي نۋيىس ءبىر مينۋت 43 سەكۋند 21 تاقىلدىق ناتيجەمەن اعا جۇلدەگەر بولىپ، ەكى تاراپتى رەكوردتى ساقتاۋشىعا اينالدى. جۇڭگو شەبەرى نيڭ جۇڭيان 7 - ورىندى يەلەدى، ول جارىستان كەيىن ءوزىنىڭ پسيحيكالىق قىسىمىنىڭ ءبىراز ارتىپ، قالىپتى قابىلەتىن ساۋلەلەندىرە الماي قالعاندىعىن بۇكپەسىز ايتتى.

سىڭار تاقتايمەن قاردا سىرعاناۋ جارىسىندا چەحيا شەبەرى ايسىت لايدىسىكا ”ءتۇر اتتاپ جارىسقا قاتىناسۋ“ تاريحىن ۇزدىكسىز جاراتتى. 4 جىلدىڭ الدىندا ول سىڭار تاقتايمەن قاردا سىرعاناۋ پاراللەل ۇلكەن يرەك جانە تاۋ شاڭعى اسا ۇلكەن يرەك جارىسى سىندى ەكى تۇردە قاتار اعا جۇلدەگەر بولعان، 2 - ايدىڭ 8 - كۇنى ول ايەلدەردىڭ سىڭار تاقتايمەن قاردا سىرعاناۋ پاراللەل ۇلكەن يرەك جارىسىنىڭ التىن مەدال بويىنشا اعا جۇلدەگەرلىگىن ساقتاپ قالدى، 2 - ايدىڭ 11 - كۇنى ايەلدەردىڭ قوس تاقتايمەن اسا ۇلكەن يرەك جارىس تۇرىنە تاعى سايىس جاريالايدى.

مۇز شاۋگىم جارىسىندا يتاليا قۇراماسى ويلاماعان جەردەن قارا ءۇزىپ، 5كە قارسى 8 ۇپايمەن نورۆەگيا قۇراماسىن جەڭىپ، جالپى جەڭىستىك ناتيجەمەن ەر - ايەل قوسىلا جۇپتاسىپ ويناۋ ءتۇرىنىڭ اعا جۇلدەگەرى بولدى، بۇل يتاليا قۇراماسىنىڭ قىسقى وليمپيادا سپورت جارىسىندا مۇز شاۋگىم ءتۇرىنىڭ التىن مەدالىن العاش رەت ەنشىلەۋى.

سول كۇنى جالپى 10 التىن مەدال دوداعا ءتۇستى، اۆستريا شەبەرلەرى 2 التىن مەدالدى اكەتتى، جۇڭگو، يتاليا، چەحيا، شۆەتسيا، فرانسيا، نورۆەگيا، نيدەرلاند جانە گەرمانيا جەكە - جەكە ءبىر التىن مەدال الدى. مەدال تاقتاسىندا شۆەتسيا قۇراماسى 4 التىن، 1 كۇمىس، 1 قولا مەدال الىپ كوش باستادى، جۇڭگو قۇراماسى 3 التىن، 2 كۇمىس مەدالمەن 3 - ورىندى يەلەدى. 2 - ايدىڭ 9 - كۇنى 6 التىن مەدال دوداعا تۇسەدى.