شينحۋا اگەنتتىگىنىڭ 2 ـ ايدىڭ 21 ـ كۇنى بەيجيڭنەن بەرگەن حابارى (ٴتىلشى جي جيادۇڭ). بەيجيڭ مۇگەدەكتەر قىسقى وليمپيادا سپورت جارىسىنىڭ جۇڭگو دەنە تاربيە ۋاكىلدەر ۇيىرمەسى 2 ـ ايدىڭ 21 ـ كۇنى بەيجيڭدە قۇرىلدى.

  بۇل جۇڭگونىڭ 6 ـ رەت ۇيىرمە ۇيىمداستىرىپ، مۇگەدەكتەر قىسقى وليمپيادا سپورت جارىسىنا قاتىناسۋى، سونداي ـ اق جۇڭگو مۇگەدەكتەر قىسقى وليمپيادا سپورت جارىسىنا قاتىناسقاننان بەرى ۋاكىلدەر ۇيىرمەسىنىڭ كولەمى ەڭ ۇلكەن، سپورتشىلار سانى ەڭ كوپ، جارىسقا قاتىناسۋ تۇرلەرى ەڭ تولىق ٴبىر كەزەك ەسەپتەلەدى.

  ۋاكىلدەر ۇيىرمەسىنىڭ جالپى ادام سانى 217، مۇنىڭ ىشىندە 68 ەر سپورتشى مەن 28 ايەل سپورتشىنى قامتىعان 96 سپورتشى، جاتتىقتىرۋشى، قىزمەتكەر، جارىس كومەكشى قىزمەتكەرلەرى، ەمدەۋ - قامتاماسىزداندىرۋ قىزمەتكەرلەرى سياقتى 121 ادام بار. جارىسقا قاتىناسقان سپورتشىلاردىڭ ىشىندە 85 ادام مۇگەدەكتەر قىسقى وليمپيادا سپورت جارىسىنا تۇڭعىش رەت قاتىناسقان، بۇل %88.5 تى ۇستايدى. سپورتشىلاردىڭ ورتاشا جاسى 25، جاسى ەڭ ۇلكەنى 45 جاستاعى اسقار تاۋدا شاڭعى تەبۋ سپورتشىسى جاڭ حاييۋان، جاسى ەڭ كىشىسى 17 جاستاعى سىڭار تاقتايمەن سىرعاناۋ سپورتشىسى گىڭ يانحۇڭ.

  بەيجيڭ مۇگەدەكتەر قىسقى وليمپيادا سپورت جارىسى 3 - ايدىڭ 4 - كۇنىنەن 13 - كۇنىنە دەيىن وتكىزىلەدى، جۇڭگو دەنە تاربيە ۋاكىلدەر ۇيىرمەسى كەرلينگ، مۇز دوپ، تاۋ شاڭعى جارىسى، سىڭار تاقتايمەن سىرعاناۋ، دالالىق شاڭعى جانە قىسقى ەكى ٴتۇر سىندى 6 ۇلكەن ٴتۇر مەن 73 شاعىن ٴتۇر بويىنشا جارىسقا قاتىناسادى. بەيجيڭ مۇگەدەكتەر قىسقى وليمپيادا سپورت جارىسىن وتكىزۋدى ٴوتىنىش ەتۋ ٴساتتى بولۋدىڭ الدىنداعى 2014 ـ جىلعى سوچي مۇگەدەكتەر قىسقى وليمپيادا سپورت جارىسىنا قاتىناسۋمەن سالىستىرعاندا جۇڭگو دەنە تاربيە ۋاكىلدەر ۇيىرمەسىنىڭ جارىسقا قاتىناساتىن ۇلكەن ٴتۇرى 2 دەن 6 عا، شاعىن ٴتۇرى 6 دان 73 كە كوبەيدى.

  ۋاكىلدەر ۇيىرمەسى مىنانى ٴبىلدىردى: دۇنيە جۇزىنە جاڭا داۋىردەگى جۇڭگو مۇگەدەكتەرىنىڭ تالىقپاي تالپىناتىن رۋحاني بەينەسىن، جۇڭگو مۇگەدەكتەر قىسقى وليمپيادا سپورت جارىسىنىڭ دامۋ جەتىستىكتەرىن ايگىلەپ، تاماشا ناتيجە جاراتۋعا قۇلشىنىپ، وتانعا داڭق اپەرۋىن ٴۇمىت ەتەمىز.