汉文 ىلە اقپارات تورابىنا حوش كەلدىڭىزدەر!
جۇڭگو كومانداسى ٴبىر كۇندە ەكى التىن مەدال ەنشىلەپ تىڭ ناتيجە جاراتتى
2022-03-08 11:43:00     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

مۇگەدەكتەر قىسقى وليمپيادا سپورت جارىسىنىڭ تاۋ شاڭعى ەرەن ۇلكەن اينالمالى سىرعاناۋ جارىسىندا

جۇڭگو كومانداسى ٴبىر كۇندە ەكى التىن مەدال ەنشىلەپ تىڭ ناتيجە جاراتتى

20220306000239_e01742b664922cd1589855c7e91ef81f9398b056.JPG

3 - ايدىڭ 6 - كۇنى ەلىمىز سپورتشىسى لياڭ جيڭ - ي جارىستا. 

سول كۇنى بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ تاۋ شاڭعى ەرەن ۇلكەن اينالمالى سىرعاناۋ جارىس ٴتۇرى يانچيڭدەگى مەملەكەتتىك تاۋ شاڭعى ورتالىعىندا وتكىزىلدى. سوڭىندا ەلىمىز سپورتشىسى لياڭ جيڭ - ي التىن مەدالدى ەنشىلەدى. 

جياڭ حان فوتوسى (شينحۋا اگەنتتىگىنىڭ ٴتىلشىسى)


شينحۋا اگەنتىگىنىڭ تىلشىلەرى جاڭ شياۋ، جاڭ رۇڭ حابارلايدى. بەيجيڭ مۇگەدەكتەر قىسقى وليمپيادا سپورت جارىسىنىڭ تاۋ شاڭعى ەرەن اينالمالى سىرعاناۋ جارىسى 3 - ايدىڭ 6 - كۇنى مەملەكەتتىك تاۋ شاڭعى ورتالىعىنىڭ «قار قارلىعاشى» الاڭىندا مارەسىنە جەتتى. جۇڭگو كومانداسى 6 مايدان جارىستا 2 التىن مەدالعا، 2 قولا مەدالعا قول جەتكىزدى، بۇل − جۇڭگو ۋاكىلدەر ۇيىرمەسىنىڭ مۇگەدەكتەر قىسقى وليمپيادا سپورت جارىسىنىڭ قاردا سىرعاناۋ جارىس تۇرىندەگى تۇڭعىش التىن مەدالى. 

جۇڭگو شەبەرى جاڭ مىڭچيۋ بۇل تاريحي ٴساتتى الدىمەن جاراتتى. ول ايەلدەردىڭ ەرەن ۇلكەن اينالمالى (تىك تۇرۋ فورماسىندا) جارىسىنىڭ التىن مەدالىنا يە بولدى، بۇل جۇڭگو مۇگەدەكتەر وليمپيادا سپورت جارىسى تاۋ شاڭعى كومانداسىنىڭ وسى كەزەكتى مۇگەدەكتەر قىسقى وليمپياداسىنداعى تۇڭعىش التىن مەدالى. 5 - كۇنى ول ايەلدەردىڭ تىك تۇرىپ سىرعاناپ تومەندەۋ جارىس تۇرىندە كۇمىس مەدالعا يە بولعان. ول تىلشىلىكتى قابىلداعاندا بىلاي دەدى: «مەدالدىڭ رەڭىن ٴساتتى الماستىردىم». 

ەرلەردىڭ ەرەن ۇلكەن اينالمالى (تىك تۇرۋ فورماسىندا) سىرعاناۋ جارىسىندا لياڭ جيڭ - ي مايدانعا شىعا سالىسىمەن باسىمدىلىعىن ايگىلەدى، بارلىق شەبەردىڭ سىرعاناۋ جارىسى اياقتالعاننان كەيىن التىن مەدال نەگىزىنەن تۇراقتاندى، بۇل − جۇڭگو تاۋ شاڭعى مۇگەدەكتەر كومانداسىنىڭ وسى كەزەكتى مۇگەدەكتەر قىسقى وليمپيادا سپورت جارىسىندا قول جەتكىزگەن 2 - التىن مەدالى. 

بۇدان سىرت، ەلىمىز سپورتشىلارى جۋ داچيڭ مەن جاڭ ۋىنجيڭ دا تاماشا ناتيجەگە قول جەتكىزىپ، ايەلدەر ۇلكەن اينالمالى كەدەرگى جارىسى مەن وتىرىپ سىرعاناۋ جارىس تۇرىندە جەكە - جەكە قولا مەدالعا يە بولدى. بۇل ەكى جارىس ٴتۇرىنىڭ التىن مەدالدارىن جەكە - جەكە سلوۆوكيا، جاپونيا شەبەرلەرى يەلەدى؛ ەرلەر ەرەن ۇلكەن اينالمالى كەدەرگى جارىسى مەن وتىرىپ سىرعاناۋ جارىس ٴتۇرىنىڭ التىن مەدالىن جەكە - جەكە انگليا جانە نورۆەگيا شەبەرلەرى قانجىعاسىنا بايلادى. 

ەكى جارىس كۇنىنەن كەيىن مۇگەدەكتەر قىسقى وليمپيادا سپورت جارىسىنىڭ تاۋ شاڭعى، ەرەن ۇلكەن اينالمالى جارىس ٴتۇرى اياقتالدى، بۇل تۇردەن جۇڭگو كومانداسى 2 التىن، 2 كۇمىس، 3 قولا مەدالعا يە بولدى. جۇڭگو كومانداسى مۇگەدەكتەر قىسقى وليمپيادا سپورت جارىسىنىڭ وزگە تاۋ شاڭعى جارىس تۇرلەرىنە جالعاستى قاتىناسادى.