3 - ايدىڭ 6 - كۇنى ەلىمىز سپورتشىسى جاڭ مىڭچيۋ جارىستان كەيىن اعا جۇلدەگەرلىگىن قۇتتىقتاۋدا.

سول كۇنى بەيجىڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ تاۋ شاڭعى ٴتۇرىنىڭ ايەلدەر ەرەن ۇلكەن اينالمالى سىرعاناۋ (تىك تۇرۋ فورماسىندا) جارىسى يانچيڭ مەملەكەتتىك تاۋ شاڭعى ورتالىعىندا وتكىزىلدى، ەلىمىز سپورتشىسى جاڭ مىڭچيۋ اعا جۇلدەگەرلىكتى جەڭىپ الدى.

سۋرەتتى شينحۋا اگەنتتىگىنىڭ ٴتىلشىسى لي جيانان تۇسىرگەن.

بەيجيڭ مۇگەدەكتەر قىسقى وليمپيادا سپورت جارىسىنىڭ ەكىنشى جارىس كۇنى جۇڭگو تاۋ شاڭعىسى تاريحي ناتيجە جاراتاتىن اسەرلى ساتكە كۋا بولدى: ٴبىر مينۋد 13 سيكونت 54 تاكت! مۇگەدەكتەر قىسقى وليمپيادا سپورت جارىسىنىڭ تاۋ شاڭعى تۇرىندە  جۇڭگو سپورتشىلارى ەڭ جوعارى سيلىق مىنبەسىندە تۇڭعىش رەت بوي كورسەتتى!

 «مەن <جينرۇڭرۇڭدى>، التىن ٴتۇستى توتەنشە جاقسى كورەمىن!» «مەنىڭ قازىر قۋانىشىمدا شەك جوق، ەرەكشە اسەرلەندىم» دەدى جاڭ مىڭچيۋ.

3- ايدىڭ 5 - كۇنى زور ٴۇمىت ارقالاعان ول ايەلدەردىڭ تۇرەگەپ تۇرىپ تەز سىرعاناۋ تۇرىندە 0.1 سيكونتتىق پارىقپەن جۇلدەگەر بولدى. «قۋانىپ تۇرمىن، مەن تەز سىرعاناۋدىڭ مايتالمانى ەمەسپىن، بۇگىنگى ناتيجەمنىڭ كەيىنگى جارىسقا كومەگى بولادى» جاڭ مىڭچيۋ كۇمىس مەدال العان سوڭ وسىلاي دەدى.

 التىن مەدال العان سوڭ ٴتىلشى ودان وسى رەتكى اعا جۇلدەگەرلىك ارقىلى ادامدارعا قانداي قۇن كوزقاراسىن جەتكىزۋدى ويلايتىنىن سۇراعاندا، ول: «سوزگە شورقاقپىن ، اۋزىما ٴسوز تۇسپەي تۇر» دەدى. ول ساتكە ويلانىپ العان سوڭ باياۋ عانا: « ادامدارعا تەك قۇلشىنعاندا عانا ناتيجە جاراتۋعا بولاتىندىعىن ۇعىندىرعىم كەلەدى» دەدى.