汉文 ىلە اقپارات تورابىنا حوش كەلدىڭىزدەر!
جۇڭگو دوڭگەلەكتى ورىندىقتى مۇز شاۋگىم قۇراماسى جارتىلاي شەشۋشى جارىسقا كىردى
2022-03-12 18:59:08     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى

لياڭ زىلۋ تاۋ شاڭعى تۇرىنەن قولا مەدال الدى

جۇڭگو دوڭگەلەكتى ورىندىقتى مۇز شاۋگىم قۇراماسى جارتىلاي شەشۋشى جارىسقا كىردى


شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى (تىلشىلەر گاۋ مىڭ، جاۋ جيانتۇڭ). 3 - ايدىڭ 10 - كۇنى بەيجيڭ مۇگەدەكتەر قىسقى وليمپيادا سپورت جارىسى 6 - جارىس كۇنىنە قادام قويدى، مۇگەدەكتەر وليمپياداسى تاۋ شاڭعى ەرلەر ۇلكەن يرەك جانە دوڭگەلەكتى ورىندىقتى مۇز شاۋگىم جارىسى جەكە - جەكە يانچيڭ جارىس رايونىندا جانە بەيجيڭ جارىس رايونىندا وتكىزىلدى. جۇڭگونىڭ جاس ساڭلاعى لياڭ زىلۋ مۇگەدەكتەر وليمپياداسى تاۋ شاڭعى ەرلەر ۇلكەن يرەك (وتىرۋ فورماسىندا) ءتۇرىنىڭ قولا مەدالىنا يە بولدى، جۇڭگو دوڭگەلەك ورىندىقتى مۇز شاۋگىم قۇراماسى 2 رەت ءۇرتىس جەڭىپ، اينالمالى جارىستا 1 - بولۋداي ناتيجەمەن جارتىلاي شەشۋشى جارىسقا جولداما الدى.

قاھارمان بالا كەزدەن باستاپ سومدالادى، مۇگەدەكتەر وليمپياداسىنىڭ تاۋ شاڭعى ەرلەر ۇلكەن يرەك (وتىرۋ فورماسىندا) جارىسىندا نەبارى 17 جاستاعى لياڭ زىلۋ قولا مەدالعا يە بولدى. قۇراماداعى جاسى ەڭ كىشى سپورتشى رەتىندە لياڭ زىلۋ بۇكپەسىز: ”بىرنەشە كۇننىڭ الدىندا جاقسى سىرعاناي الماعاندىعىمنان كوڭىل كۇيىم ەرەكشە ءتۇسىپ كەتكەن ەدى“، - دەدى.

اۋىرتپالىقتان ارىلىپ، باتىلدىقپەن العا ۇمتىلعان ءوسپىرىم بۇگىنگى جارىستا ءوزىن جەڭدى. ”بۇگىنگى جارىستا جۇرەگىم قاتتى اتقالاقتاپ كەتتى، ارقاندى ۆاگونعا شىققانىمدا دا كوپشىلىك مەنى جۇباتقان ەدى، سوڭىندا ەشتەڭەنى دە ويلاماي سىرعاناعان ەدىم، كەرىسىنشە ناتيجەسى ءتىپتى جاقسى بولدى. ءوز ارەكەتىمدى، قالاي سىرعاناۋدى، قاي ەسىكتەن، قاي يرەكتەن قالاي شىعۋدى، قانداي شۇڭقىر بار ەكەنىن عانا ويلاپ، سىرتقى فاكتورلاردى كوپ ويلاپ كەتپەدىم، ەگەر كوپ ويلايتىن بولسام، ارەكەتتەرىم بەتالدى كەتەر ەدى“.

اعا جۇلدەگەرلىكتى نورۆەگيانىڭ ساڭلاعى جەسپەر پەدەرسەن جەڭىپ الدى، كۇمىس مەدالدى يتاليانىڭ ساڭلاعى رەنە دشيرۋيست قورجىنىنا سالدى. مۇنان تىس، ەرلەر ۇلكەن يرەك جارىسىندا كورۋ كەمىستىگى جانە تۇرۋ فورماسى سىندى تۇرلەر بويىنشا 2 التىن مەدالدى جەكە - جەكە اۆستريا ۋاكىلدەر ۇيىرمەسى جانە فينلانديا ۋاكىلدەر ۇيىرمەسى الدى.

مەملەكەتتىك ءجۇزۋ ورتالىعى ”مۇز تەكشەدە“ دوڭگەلەكتى ورىندىقتى مۇز شاۋگىم اينالمالى جارىس باسەكەسىن اياقتاتتى. جۇڭگو قۇراماسى الدىمەن تاڭەرتەڭگى جارىستا 3: 6 ناتيجەمەن انگليا قۇراماسىن جەڭدى، كەشكى جارىستا تاعى 2: 9 ناتيجەسىمەن لاتۆيا قۇراماسىن ۇتىپ، 8 رەت ءۇرتىس جەڭىسكە جەتىپ، اينالمالى جارىستا 1 - بولۋداي ناتيجەمەن جارتىلاي شەشۋشى جارىسقا جولداما الدى.

جۇڭگو دوڭگەلەكتى ورىندىقتى مۇز شاۋگىم قۇراماسىنىڭ جاتتىقتىرۋشىسى يۋە چيڭشۋاڭ جارىستان كەيىنگى سۇحباتتا بىلاي دەدى: ”اينالمالى جارىستىڭ سوڭعى كەزەڭىندە قۇرامانىڭ ءاربىر مۇشەسى ەرەكشە كەرەمەت شايقاستى، ورنىقتىلىعى، جەكە سەزىمى، سابىرلىلىعى جاعىنان تولىق ءنومىر بەرەمىن. كەلەر ساتىدا مەيلى كىممەن بەلدەسسە دە، الدىمەن ءوزىن ورنىقتىرىپ، ودان كەيىن تاعى جاقسى سايكەسۋى كەرەك“.

3 - ايدىڭ 11 - كۇنى تۇستەن كەيىن 2 رەت دوڭگەلەكتى ورىندىقتى مۇزشاۋگىم جارتىلاي شەشۋشى جارىسى وتكىزىلەدى، جۇڭگو قۇراماسى مىقتى قوسىن كانادا قۇراماسىمەن، سلوۆاكيا قۇراماسى شۆەتسيا قۇراماسىمەن بەلدەسەدى، 2 رەتكى جارىستا جەڭىپ شىققانى التىن مەدالعا تالاسادى.

3 - ايدىڭ 11 - كۇنى وسى كەزەكتى مۇگەدەكتەر قىسقى وليمپيادا سپورت جارىسىنىڭ كەرى ساناعاندا 3 - جارىس كۇنىنە وتەدى، جاڭجياكوۋ جارىس رايونى مۇگەدەكتەر وليمپياداسى سىڭار تاقتاي شاڭعىسى، مۇگەدەكتەر وليمپياداسى قىسقى ەكى جارىس تۇرىنەن 10 التىن مەدال دوداعا تۇسەدى، يانچيڭ جارىس رايونىندا مۇگەدەكتەر وليمپياداسى تاۋ شاڭعى ايەلدەر ۇلكەن يرەك جارىسىنىڭ 3 تۇردەگى شەشۋشى جارىسى وتكىزىلەدى، دوڭگەلەكتى ورىندىقتى مۇز شاۋگىم قولا مەدالى دا 3 - ايدىڭ 11 - كۇنى جارىققا شىعادى.