تيانشان تورى - شينجياڭ گازەتىنىڭ تىلشىلەرى حۋاڭ شيڭ، تاڭ كاندۇڭ حابارلايدى. ”نارات ساحاراسىنىڭ كوركەم كورىنىسى، تازا اۋاسى جارىس ساپارىمدى وتە كوڭىلدى سەزىندىردى، ناتيجە جاعىنان دا ٴوز قابىلەتىمدى تولىق ساۋلەلەندىردىم“. 6 ـ ايدىڭ 19 ـ كۇنى، ەكى كۇنگە ۇلاسقان 4 ـ كەزەكتى نارات ”ناراتتاعى ادامدار، ناراتتاعى ۆەلوسيپەد، ناراتتاعى تاۋلار“ اتىنداعى ۆەلوسيپەدتى مانەرلى ءمىنىپ، بيىككە ۇمتىلۋ جارىسى اياقتالدى، ٴبىر تۇردەن اعا جۇلدەگەر جانە ءبىر تۇردەن جۇلدەگەر بولعان گانسۋ شەبەرى حۋاڭ شىحايدىڭ لەبىزىنەن ەرەكشە قۋانعانى سەزىلدى.

ءبىر وتباسىنداعى ٴۇش جان ”ۆەلوسيپەد ٴمىنىپ“ ٴماز – مايرام بولدى. سۋرەتتى تيانشان تورى - شينجياڭ گازەتىنىڭ ٴتىلشىسى تاڭ كاندۇڭ تۇسىرگەن

وسى رەتكى جارىستىڭ 12 كۇندىك تىزىمدەلۋ ۋاقىتى ەلىمىزدىڭ گۋاڭدۇڭ، فۋجيان، گانسۋ، شاندۇڭ، سىچۋان قاتارلى جەرلەرىندەگى شەبەرلەردى قاتىناسۋعا باۋرادى. جارىستا بيىككە ۇمتىلۋ جارىسى، بەتكەيگە شىعۋ جارىسى، ۆەلوسيپەد ٴمىنۋ جارىسى توعىسىپ، قىزىقتى جانە باسەكەلىك سيپاتقا يە بولىپ، كاسىپتىك شەبەرلەر مەن اۋەسكەرلەرگە ۇقساماعان ٴلاززات باعىشتادى.

6 ـ ايدىڭ 18 ـ كۇنى، گو ۋانجي 4 ـ كەزەكتى نارات ”ناراتتاعى ادامدار، ناراتتاعى ۆەلوسيپەد، ناراتتاعى تاۋلار“ اتىنداعى ۆەلوسيپەدتى مانەرلى ءمىنىپ، بيىككە ۇمتىلۋ جارىسىندا. سۋرەتتى تيانشان تورى - شينجياڭ گازەتىنىڭ ٴتىلشىسى حۋاڭ شيڭ تۇسىرگەن

”بۇل مەنىڭ مايتاۋ − كۇشار تاس جولىمەن 7 ـ رەت ٴجۇرۋىم، سونداي ـ اق ناراتقا 7 ـ رەت كەلۋىم، الايدا بۇل مەنىڭ تۇڭعىش رەت ۆەلوسيپەد ٴمىنۋ تاسىلىمەن ’كەڭىستىكتەگى ساحاراعا‘ شىعۋىم، جارىستىڭ ماعان تاماشا اسەر بەرگەنىنە العىس ايتامىن“، ـ دەدى فوشاننان كەلگەن 52 جاستاعى ايەل ”شاباندوز“ گو ۋانجي. 57 جاستاعى گۋاڭجوۋلىق اعاي چيان لەي بىلاي دەدى: جارىستىڭ اتى سياقتى نارات راسىندا وتە كوركەم ەكەن، وسى رەتكى ۆەلوسيپەد ٴمىنۋ جارىسى ماعان تاماشا ەستەلىك قالدىردى، كەلەر جىلى ٴتىپتى دە كوپ دوستارىمدى ەرتىپ كەلىپ جارىسقا قاتىناسامىن.

6 – ايدىڭ 19 - كۇنى جارىسقا قاتىناسقان شەبەرلەر بەتكەيگە شىعۋ جارىسىندا. سۋرەتتى تيانشان تورى - شينجياڭ گازەتىنىڭ ٴتىلشىسى حۋاڭ شيڭ تۇسىرگەن

شينجياڭداعى ۆەلوسيپەد شەبەرلەرى دە اتا مەكەندەرىندە وتكىزىلگەن وسى جارىسقا جاپپاي القاۋ ءبىلدىردى. ”وتباسىمىزداعى ٴۇش جان بىرگە ۆەلوسيپەد ٴمىنۋ جارىسىنا قاتىناستىق، وسىنداي جارىستى ٴبىر رەتكى ەرەكشە وتباسىلىق باس قوسۋعا اينالدىرىپ، ايرىقشا باقىتتى سەزىندىك“. قۇلجا قالاسىنان كەلگەن يۇي شيۋيۋان مەن جۇبايى دۋان حۇڭجۇن، قىزى دۋان جيا - ي جارىسقا بىرگە قاتىناستى. ۇرىمجىلىك ۆەلوسيپەد شەبەرى جاڭ يۋە ٴبىر تۇردەن اعا جۇلدەگەرلىكتى جانە ٴبىر تۇردەن جۇلدەگەرلىكتى قانجىعاسىنا بايلادى، ول بىلاي دەدى: ”ناراتتىڭ كوركەم كورىنىسى قاشاندا مەنىڭ ’جاۋىنگەرلىك كۇشىمدى‘ تاسقىنداتادى، بۇل مەنىڭ وسى تۇردەگى جارىسقا 3 ـ رەت قاتىناسۋىم، 3 رەتتە دە اعا جۇلدەگەر بولدىم. وسى تۇردەگى جارىستىڭ بارعان سايىن جاقسى وتكىزىلىپ، شينجياڭنىڭ ماڭداي الدى دەنە تاربيە، ساياحات جارىسىنا اينالۋىن ٴۇمىت ەتەمىن“.

”دەنە تاربيە + ساياحات ۇلگىسى بۇقارانىڭ بارعان سايىن قارسى الۋىنا يە بولىپ، باس قوسۋدىڭ، دەمالۋدىڭ جاڭا ۇلگىسىنە اينالدى. كوركەم كورىنىستى تاماشالاۋدان، جارىسقا قاتىناسۋدان سىرت، باسەكەدەگى تابىس سەزىمىن دە سەزىنۋگە بولادى. تاياۋ جىلداردان بەرى كوپتەگەن دەنە تاربيە جارىستارى ناراتتا ٴساتتى وتكىزىلدى، وسىدان نارات كورىنىس ٴوڭىرى دە بىرتىندەپ بۇكىل ەلگە ايگىلى دەنە تاربيە، ساياحاتتىڭ كوركەم جەرىنە اينالدى“، ـ دەدى وسى رەتكى جارىستىڭ اعا تورەشىسى جاڭ جيان.

اۋدارعان: قادىر ماقان