«سەتەرىن» جەتەلەپ الاڭعا شىعادى، اعاشاياقپەن زىمىرايدى

از ۇلتتاردىڭ ٴداستۇرلى سپورت جارىس تۇرلەرىنىڭ جارقىن تۇيىندەرى مول

شينجياڭ گازەتىنىڭ حابارى (ٴتىلشى ٴابيبا) 9 - ايدىڭ 11 - كۇنى بۇراتالادان حابارلايدى. «سۇيىسپەنشىلىگىن بىلدىرەتىن» قىزقۋار، قۇرالايدى كوزگە اتقان ساداق اتۋ جارىسى، «سەتەرىن» جەتەلەپ الاڭعا الىپ شىققان تۇيە بايگەسى، «دوداعا» تۇسكەن كوكپار جارىسى، اعاشاياقپەن زىمىراۋ... وسى قىزىعى مول جانە قىزىعا كورەتىن جارىس تۇرلەرى از ۇلتتاردىڭ اۆتونوميالى رايوندىق 10 - كەزەكتى ٴداستۇرلى سپورت جارىسىندا وتكىزىلەدى.

9 - ايدىڭ 10 - كۇنى، ٴتىلشىنىڭ وسى كەزەكتى از ۇلتتاردىڭ ٴداستۇرلى سپورت جارىسىن ۇيىمداستىرۋ كوميسسياسىنان ۇعىسۋىنشا، جارىستا جالپى 26 ٴتۇر ورنالاستىرىلعان، مۇندا 16 جارىس ٴتۇرى، 10 ويىن كورسەتۋ ٴتۇرى بار ەكەن. اۆتونوميالى رايوندىق دەنە تاربيە مەكەمەسىنىڭ بۇرىنعى 2 - دارەجەلى شارلاۋشىسى يۇي شىڭۋيدىڭ تانىستىرۋىنشا، وسى كەزەكتى از ۇلتتاردىڭ ٴداستۇرلى سپورت جارىسىنىڭ باسىم كوپ تۇرلەرى بۇرىنعى كەزەكتەگى جارىس تۇرلەرىن جالعاستىرعان، جاڭادان قوسىلعان حىچيۋ، جىنجۋچيۋ سياقتى تۇرلەر مەملەكەتتىك از ۇلتتاردىڭ ٴداستۇرلى سپورت جارىسىندا جاڭادان قوسىلعان تۇرلەر.

«حىچيۋ سياقتى جارىس تۇرلەرىنىڭ تيانشان الابىندا كەڭ كولەمدە جالپىلاستىرىلۋىنا بايلانىستى، رايونىمىز ٴبىر توپ ۇزدىك شەبەرلەردى جەتىلدىردى»، - دەدى يۇي شىڭۋي، - وسى جاڭا جارىس تۇرلەرىن قوسۋداعى ماقسات مەملەكەتتىك از ۇلتتاردىڭ ٴداستۇرلى سپورت جارىسىمەن جان - جاقتى ۇشتاسىپ، جالپى حالىقتىق دەنە شىنىقتىرۋدى جالپىلاستىرۋمەن قاتار، شينجياڭداعى ٴار ۇلت بۇقاراسىنىڭ شينجياڭ سىرتىنداعى ولكە، رايون، قالاداعى بۇقارامەن اناعۇرلىم ارالاسۋىن، ىشتەسۋىن، توعىسۋىن جەبەۋ بولىپ تابىلادى.

وسى كەزەكتى از ۇلتتاردىڭ ٴداستۇرلى سپورت جارىس تۇرلەرىنىڭ اراسىندا داۋاز، سارعايدي، توعىزقۇمالاق سياقتى كوپتەگەن بەيزاتتىق دەنە تاربيە تۇرلەرى بار. «از ۇلتتاردىڭ ٴداستۇرلى سپورت جارىسى تەك از ۇلت شەبەرلەرىنىڭ باسەكەگە تۇسەتىن ساحناسى عانا ەمەس، سونداي - اق كوپتەگەن بەيزاتتىق مادەني مۇرالاردى كورسەتەتىن تۇعىر. وسى بەيزاتتىق دەنە تاربيە تۇرلەرىن باسەكەلەسۋ ٴتاسىلى ارقىلى كورسەتۋ ولاردىڭ ٴتىپتى دە «تىرىلۋىنە»، ٴتىپتى دە «جاندانۋىنا» دەم بەرىپ، اناعۇرلىم مول جاستاردى وزىنە باۋراي الادى»، - دەدى يۇي شىڭۋي.

جۋىق جىلداردان بەرى اۆتونوميالى رايوننىڭ قاتىستى تاراۋلارى دەن قويا تەكسەرۋ - زەرتتەۋ جۇرگىزۋ ارقىلى از ۇلتتاردىڭ ٴداستۇرلى سپورت جارىسىنىڭ بۇقارالىق سيپاتى مەن زاڭدىلىعىن يگەرىپ، اۆتونوميالى رايوندىق از ۇلتتاردىڭ ٴداستۇرلى سپورت جارىسىنىڭ جارىس تۇرلەرىنىڭ، ويىن كورسەتۋ تۇرلەرىنىڭ تاعايىندالۋىن ۇزدىكسىز كەمەلدەندىرىپ، جارىس ەرەجەسىن، ٴتارتىبىن كەمەلدەندىرىپ، جارىستىڭ ارناعا ٴتۇسۋىن، تۇزىمدەنۋىن ىلگەرىلەتتى.

«وسى جارىس تۇرلەرىنىڭ ٴبارى ومىردەن شىققان، ٴار ۇلت بۇقاراسىنىڭ جان الەمىن توتەنشە بايىتادى جانە نارلەندىرەدى». يۇي شىڭۋي بىلاي دەدى: وسى كەزەكتى از ۇلتتاردىڭ ٴداستۇرلى سپورت جارىسىنىڭ نەگىزگى تاقىرىبى ىنتىماق، العا باسۋ، جاراسىمدىلىق، ەكپىندەي ىلگەرىلەۋ. ٴار ۇلت ساڭلاقتارىنىڭ جارىس الاڭىندا ايانباي سايىسىپ، جارىس الاڭىنان تۇسكەن سوڭ ٴبىر نيەتپەن ىنتىماقتاسىپ، شينجياڭداعى ٴار ۇلت حالقىنىڭ اسقاق جىگەرمەن العا تارتاتىن رۋحاني بەت - بەينەسىن جانە پارتياعا دەگەن العىس سەزىمىن ايگىلەۋىن ٴۇمىت ەتەمىز.