شينحۋا اگەنتتىگىنىڭ حۋبەي حۋاڭشىدان 11 - ايدىڭ 12 - كۇنى بەرگەن حابارى (تىلشىلەر شۇي پىڭحاڭ، لى ۋىنۋان) 11 - ايدىڭ 12 - كۇنى 2022 - جىلعى مەملەكەتتىك ۇستەل دوپ جۇلدەلى جارىسى حۋبەي ولكەسىنىڭ حۋاڭشى قالاسىندا سوڭعى مارەسىنە جەتتى. ەرلەر جەكە جارىسىنىڭ شەشۋشى جارىسىندا فان جىندۇڭ 2گە قارسى 4 ۇپايمەن مەملەكەتتىك كومانداداعى ساپتاسى لين گاۋيۋاندى جەڭىپ، وسى كەزەكتى جۇلدەگەرلىك جارىسىنىڭ ەڭ سوڭعى التىن مەدالىنا يە بولدى.

11 - ايدىڭ 12 - كۇنى فان جىندۇڭ جارىستا دوپ باستاۋدا. سۋرەتتى شينحۋا اگەنتتىگىنىڭ ءتىلشىسى ۋ جىزۇن تۇسىرگەن

　　ءبىرىنشى مايداندا لين گاۋيۋان 4كە قارسى 7 ۇپايمەن وزىپ شىقتى، الايدا قايتا - قايتا دوپتان ايىرىلىپ قالىپ، 11گە قارسى 8 ۇپايمەن العاشقى مايداندا جەڭىلىپ قالدى. ەكىنشى مايداندا فان جىندۇڭ باستاي سالىپ 2گە قارسى 5 ۇپايمەن العا شىقتى، لين گاۋيۋان دا تىقسىرا قۋىپ، ۇپاي 18 دە 18گە دەيىن جەتتى؛ شەشۋشى كەزەڭدە فان جىندۇڭ ىركەس - تىركەس 2 ۇپاي الىپ تاعى ءبىر مايدان ۇتىپ الدى.

　11 - ايدىڭ 12 - كۇنى ۇپايدان ايىرىلىپ قالعان لين گاۋيۋان. سۋرەتتى شينحۋا اگەنتتىگىنىڭ ءتىلشىسى ۋ جىزۇن تۇسىرگەن

11 - ايدىڭ 12 - كۇنى فان جىندۇڭ جارىستا ۇپاي ۇتقانىن قۇتتىقتاۋدا. سۋرەتتى شينحۋا اگەنتتىگىنىڭ ءتىلشىسى ۋ جىزۇن تۇسىرگەن

　　كەلەسىدە لين گاۋيۋان مەن فان جىندۇڭنىڭ ەكەۋى دە ءبىر - ءبىر مايدان ۇتىپ شىقتى، جالپى ۇپاي 3كە قارسى 1 بولىپ تۇرعان كەز. بەسىنشى مايداندا ەكى جاقتىڭ ءنومىرى قۇيرىق تىستەسە تاياپ كەلە جاتتى، لين گاۋيۋان 9عا قارسى 11 ۇپايمەن وسى مايداندا جەڭىسكە جەتتى. التىنشى مايداندا فان جىندۇڭ الدىمەن 2 ۇپايعا يە بولدى، لين گاۋيۋان دا قالىسپاي قۇلشىنعانىمەن سوڭىندا 11گە قارسى 9 ۇپايمەن شەشۋشى جارىستا فان جىندۇڭنان جەڭىلىپ قالادى. سول كۇنى وتكىزىلگەن ايەلدەر قوس ادامدىق جارىسىنىڭ شەشۋشى شايقاسىندا چىن شيڭتۇڭ \ چيان تيان - ي 7 مايدان سارى سۇرگىن شايقاس سالىپ 3 كە قارسى 4 ۇپايمەن كۋاي مان \ چىن يدى جەڭىپ اعا جۇلدەگەر بولدى. بۇل چىن شيڭتۇڭنىڭ وسى كەزەكتى مەملەكەتتىك جۇلدەلى جارىسىندا ايەلدەر توپتىق جارىسىنان كەيىنگى العان ەكىنشى التىن مەدالى بولاتىن.