汉文 ىلە اقپارات تورابىنا حوش كەلدىڭىزدەر!
شينجياڭنىڭ ءىشى - سىرتىنداعى 270 شاڭعى اۋەسكەرى تۇراقتى ورىن ەرەن جارىسىندا ءوز ونەرلەرىن كورسەتتى
2023-01-09 17:46:06     كورىلىم:رەت كەلۋ قاينارى:تيانشان تورى  جاۋاپتى رەداكتور:جاڭىلقان قوجا قىزى

شينجياڭنىڭ ءىشى - سىرتىنداعى 270 شاڭعى اۋەسكەرى تۇراقتى ورىن ەرەن جارىسىندا ءوز ونەرلەرىن كورسەتتى


 انار بۇلت \ شينجياڭ گازەتىنىڭ تىلشىلەرى ۋاڭ جيڭجيڭ، ءابيبا 1 - ايدىڭ 7 - كۇنى ۇرىمجىدەن حابارلايدى. 1 - ايدىڭ 7 - كۇنى شىنجىننان ۇرىمجىگە شاڭعى تەبۋگە كەلگەن چيۋ حۋبين وتباسىنداعى 4 جان تاڭەرتەڭ ەرتە شينجياڭ جىبەك جولى حالىقارالىق دەمالىس اۋماعىنا بارىپ، 2023 - جىلعى تۇراقتى ورىن ەرەن شاڭعى اشىق جارىسىنا قاتىناساتىنداردى تەكسەرىپ تىزىمگە الۋ ورنىندا كەزەككە تۇرىپ تىزىمگە الىندى. ”بىلتىر وسى اراعا كەلىپ شاڭعى تەپكەنىمدە، اسەرى وتە تاماشا بولعان ەدى! سوندىقتان، بيىل قىستا ءبىز شاڭعى تەبۋ نىسانالى جەرىن شىعىس سولتۇستىكتەن شينجياڭعا وزگەرتتىك. جارىسقا قاتىناسىپ بولعاننان كەيىن دە شاڭعى تەۋىپ، كوكتەم مەرەكەسىندە ءبىراق قايتامىز“، - دەدى چيۋ حۋبين.

  سول كۇنى باستالعان 2023 - جىلعى تۇراقتى ورىن ەرەن شاڭعى اشىق جارىسى ەل ىشىندەگى كولەمى ەڭ زور جالپى حالىقتىق شاڭعى جارىسى ەسەپتەلەدى. بيىك تاۋدا شاڭعى تەبۋ مەن باعىتتى دالالىق شاڭعى تەبۋ ءوزارا توعىسقان وسى جارىس شاڭعى اۋەسكەرلەرىن ايرىقشا قىزىقتىردى. ”بيىل تۇراقتى ورىن ەرەن شاڭعى اشىق جارىسىنىڭ توعىزىنشى جارىس ماۋسىمى ءارى باستالۋ سالتىنىڭ شينجياڭدا ەكىنشى رەت وتكىزىلۋى، كەيىنگى كەزدەردە تاعى شانشي، جيلين، حيلۇڭجياڭ، حىبەي سياقتى 4 جەردە ىركەس - تىركەس جارىس وتكىزىلەدى“، - دەدى جارىستى ۇيىمداستىرۋ كوميسسياسىنىڭ باس حاتشىسى جاڭ پىڭ.

  ۇعىسۋعا قاراعاندا، شينجياڭ بەكەتىندە جارىسقا قاتىناسۋعا تىزىمدەلگەندەر 270 ادامعا جەتكەن، جارىسقا قاتىناساتىن شەبەرلەر شينجياڭنان سىرت، حىنان ولكەسى، فۋجيان ولكەسى، تيانجين قالاسى، شىنجىن قالاسى سياقتى جەرلەردەن ارنايى كەلگەن، ولاردىڭ ەڭ كىشىسى 2 جارىم جاستا، ەڭ ۇلكەنى 59 جاستا ەكەن.

  ”كۇيەۋىم ەكەۋىمىز شاڭعى تەبۋ بارىسىندا تانىسىپ، تابىستىق، ۇلىمىز تاڭدوۋ 2 جارىم جاسقا كەلدى، شاڭعىنىڭ قىزىعىن كورسەتۋ ءۇشىن، ونى دا ەرتىپ كەلدىك“. جارىسقا قاتىناسۋشى شۋە مەي تاڭدوۋدىڭ شاڭعى الاڭىنا 3 - رەت كەلۋى ەكەنىن ايتا كەلىپ بىلاي دەدى: ”ءبىز وتباسىلىق گرۋپپالار جارىسىنا قاتىناستىق، اكەسى بارلىق تۇيىندە نىساناعا جەتۋگە جاۋاپتى، مەن بالامدى ەرتىپ باياۋ سىرعانايمىن، مۇنداي جارىس ءتۇزىمى وتباسىنداعى تۇرلىشە دەڭگەيدەگى شاڭعىشىلاردىڭ قاتىناسۋىنا ەرەكشە ۇيلەسەدى. بالام قازىر شاڭعىنىڭ ۇستىندە تۇرىپ، باياۋ قۇلديلاپ سىرعاناي الاتىن بولدى“.

  ”جارىستا دەنە قۋاتىڭىز سىنالادى ءارى اقىل - پاراساتىڭىز سىنعا تۇسەدى. ءبىز جارىستان بۇرىن دالمە - ءدال جوسپارلادىق، جارىس بارىسىندا تاكتيكاعا ءمان بەردىك، جالپى بارىسى ەرەكشە ءساتتى بولدى“. چيۋ حۋبين بىلاي دەدى: وتباسىمىزداعى 4 جان شاڭعى الاڭىنداعى وتباسىلىق قوناقسارايدى مايعا الىپ جاتتىق، وسى ارادا ءوزىمىز تاماق ىستەپ ىشۋىمىزگە بولادى ءارى شاڭعى الاڭىنا ەمىن - ەركىن كىرىپ - شىعامىز، جارىستاعى نىسانالى تۇيىندەردى ابدەن ءبىلىپ الدىق.

  ءۇرىمجى قالاسىنان كەلگەن 11 جاستاعى شاڭعى اۋەسكەرى ءالدار ءجۇرات اكەسى ءجۇرات راشيتپەن بىرگە اكەلى - بالالى قۇراما بولىپ ۇيىمداستى، ولار بىلتىر جۇلدەگەر بولعان ەدى، ”بۇل رەت اكەم ەكەۋىمىز تاعى كەلدىك، اناعۇرلىم جاقسى ناتيجەگە قول جەتكىزگىمىز كەلەدى. بولاشاقتا شاڭعى سپورتشىسى بولۋدى ارماندايمىن“.

  تاياۋ جىلداردان بەرى، قار - مۇز سپورتىن، قار - مۇز ساياحاتىن ۋاكىل ەتكەن قىسقى دەنە تاربيە، كوڭىل اشۋ، سەيىل - سەرۋەن قيمىلدارى شينجياڭداعى قار - مۇز سپورتىنىڭ دامۋىن بارىنشا ىلگەرىلەتىپ، قار - مۇز گۇلى تيانشان الابىنىڭ بارلىق جەرىندە شەشەك اتتى. وسى رەتكى تۇراقتى ورىن ەرەن شاڭعى اشىق جارىسىنىڭ باستالۋ جارىسى وتكىزىلەتىن جەر بولعان شينجياڭ جىبەك جولى حالىقارالىق دەمالىس اۋماعى مەملەكەتتىك 5S دارەجەلى شاڭعى الاڭىنا جاتادى، وسى قار ماۋسىمىندا بۇل ارا تومەن جانە ورتا دارەجەلى شاڭعى جولدارىن جاڭالاپ، كەڭەيتىپ سالۋ، بيىك تاۋ شاڭعى جولىن ساپالىلاندىرۋ، جاساندى قار بۇركۋ جۇيەسىنىڭ دارەجەسىن كوتەرۋ، قار تاپتاۋ جابدىقتارىن كوبەيتۋ سياقتىلاردى ىلگەرىلەتىپ، ساياحاتشىلاردىڭ قىسقى قار - مۇزدىڭ كەرەمەتىن ارمانسىز كورۋىنە مۇمكىندىك جاسادى.