ٴبىر تۇتاس جوسپارلاپ سايكەستىرىپ، بىرگە ارەكەتتەندى، سپورت ارقىلى حالىققا تيىمدىلىك جاساۋدى ىلگەرىلەتتى

ىلە وبلىسى اۆتونوميالى رايوندىق 14 - كەزەكتى سپورت جارىسىنا دايىندالدى

ٴتىلشىمىز ليۋ چۇنشيڭ حابارلايدى. بيىل ىلە وبلىسىنىڭ دەنە تاربيە ساڭلاقتارى ماڭىزدى دەنە تاربيە جارىسىن، ياعني اۆتونوميالى رايوندىق 14 ـ كەزەكتى سپورت جارىسىن قارسى الماقشى.

5 - ايدىڭ 11 - كۇنى ىلە وبلىسىنىڭ اۆتونوميالى رايوندىق 14 - كەزەكتى سپورت جارىسىنا دايىندالۋ جونىندەگى اتتانىسقا كەلتىرۋ جينالىسى ىلە قوناق سارايىندا اشىلدى. ماجىلىستە وبلىستىق دەنە تاربيە مەكەمەسىنىڭ جاۋاپتىسى «ىلە وبلىسىنىڭ اۆتونوميالى رايوندىق 14 - كەزەكتى سپورت جارىسىنا دايىندالۋ جونىندەگى قىزمەت جوباسىن» وقىدى، وبلىستىق قازىنا مەكەمەسىنىڭ، وبلىستىق وقۋ - اعارتۋ مەكەمەسىنىڭ، كۇيتۇن قالالىق ۇكىمەتتىڭ، كۇنەس اۋداندىق ۇكىمەتتىڭ قاتىستى جاۋاپتىلارى پوزيتسيا ٴبىلدىرىپ، ٴسوز سويلەدى. وبلىستىڭ ورىنباسار باستىعى دالەلبەك كەنجەقان ۇلى ماجىلىسكە قاتىناستى ٴارى اتتانىسقا كەلتىرۋ ٴسوزىن سويلەدى.   

اۆتونوميالى رايوندىق 14 - كەزەكتى سپورت جارىسى − شينجياڭ بويىنشا ەڭ كولەمدى، ولشەمى ەڭ جوعارى، باسەكەسى ەڭ قيان - كەسكى، ىقپالى ەڭ زور امبەباپ سپورت سالتاناتى. اۆتونوميالى رايوندىق پارتكوم مەن ۇكىمەتتىڭ بەكىتۋىمەن، اۆتونوميالى رايوننىڭ 14 - كەزەكتى سپورت جارىسىن بايىنعولين موڭعۇل اۆتونوميالى وبلىستىق حالىق ۇكىمەتى ۇستىنە الىپ وتكىزەدى، 2023 - جىلى 8 - ايدىڭ 8 - كۇنى كورلا قالاسىندا باستالادى، ٴىشىنارا جارىس تۇرلەرى 5 - ايدىڭ اياق شەنىندە باستالادى.

ۇعىسۋعا قاراعاندا، دايىندالاتىن جارىس ٴتۇرى باسەكەلىك جانە بۇقارالىق دەنە تاربيە تۇرىنە بولىنگەن. ”جالپى حالىقتىق دەنە تاربيە جارىسى، دەنە تاربيە جارىسى ارقىلى حالىققا تيىمدىلىك جاساۋ“ ۇستانىمىنا ساي، باسەكەلىك دەنە تاربيەنى مىقتى يگەرۋمەن بىرگە، بۇقارالىق دەنە تاربيە قيمىلدارىن بەلسەنە ورىستەتىپ، دەنە تاربيە ارقىلى حالىققا تيىمدىلىك جاساۋدى ىلگەرىلەتىپ، بۇقارانىڭ اۆتونوميالى رايوندىق 14 - كەزەكتى سپورت جارىسىنا ات سالىسۋ دەڭگەيىن جوعارىلاتىپ، اناعۇرلىم كوپ ادامعا دەنە تاربيەنىڭ قىزىعىن سەزىندىرۋ.

اۆتونوميالى رايوندىق 14 ـ كەزەكتى سپورت جارىسى 18 ۇلكەن ٴتۇر، 98 كىشى ٴتۇر بويىنشا وتكىزىلىپ، 719 التىن مەدال جارىققا شىعاتىندىعى مەجەلەندى. ىلە وبلىسىنان جەڭىل اتلەتيكا، مالتاۋ، فۋتبول، باسكەتبول، 3 ادامدىق باسكەتبول، ۆولەيبول، قايراڭداعى ۆولەيبول، نىسانا اتۋ، ساداق اتۋ، كۇرەس (حالىقارالىق كۇرەس، ايەلدەر كۇرەسى)، بوكسەر، تاق - تۇق دوپ، قاۋىرسىن دوپ، قىلىشپازدىق، سايىسكەرلىك ونەرى (ساندا، تاۋلۋ)، ۇشاق مودەلى، اۋىرلىق كوتەرۋ سياقتى 17 جارىس تۇرىنە مەجەمەن 816 ادام قاتىناسادى.

اۆتونوميالى رايوندىق 14 - كەزەكتى سپورت جارىسىنىڭ بۇقارالىق دەنە تاربيە تۇرىندە 26 باسەكە ٴتۇرى، 8 ويىن ٴتۇرى ورنالاستىرىلعان. ىلە وبلىسىندا 6 ۇلكەن جارىس ٴتۇرى وتكىزىلەدى، ولار: ”اۋىل ـ قىستاقتى گۇلدەندىرۋ ساۋىتىنا تالاسۋ“ فۋتبول جارىسى، جارتىلاي ارالىقتى مارافون جارىسى، ۇلتتىق ٴداستۇرلى سپورت سايىسكەرلىگى (تايجي جۇدىرىقشىلىعىن قامتيدى)، قورشاما دويبى، حالىقارالىق شاحمات، جۇڭگو شاحمات جارىسى، راديو گيمناستيكاسى، ٴبي جارىسى، الاڭ ٴبي جارىسى، ات ونەرى جارىسى. سونىمەن بىرگە، ىلە وبلىسى 11 ٴتۇرلى بۇقارالىق دەنە تاربيە جارىسىنا قاتىناسادى، جەكە - جەكە مىنالار: ”اۋىل - قىستاقتى گۇلدەندىرۋ ساۋىتىنا تالاسۋ“ 11 ادامدىق فۋتبول جارىسى، سايىسكەرلىك (تايجي جۇدىرىقشىلىعىن قامتيدى)، قورشاما دويبى، حالىقارالىق شاحمات، جۇڭگوشا شاحمات جارىسى، راديو گيمناستيكاسى، ٴبي جارىسى، الاڭ ٴبيى جارىسى، جارتىلاي ارالىقتى مارافون جارىسى، ات بايگەسى، جۇڭگوشا كۇرەس، توعىز قۇمالاق، تىنىشتىق دەنە شىنىقتىرۋ، ۇشاق مودەلى (ۇشقىش اپپارات ٴتۇرى بار)، الەۋمەتتىك اۋماق سپورت جارىسى ٴتۇرى سياقتىلار بار.

قازىر ىلە وبلىسىنىڭ اۆتونوميالى رايوندىق 14 - كەزەكتى سپورت جارىسىنا دايىندىعى اتقارۋ كەزەڭىنە ٴوتتى، ونداعى باستى مىندەت − ابزالدىلىقتى شوعىرلاندىرىپ ٴتۇيىندى نىسانداردى، ٴتۇيىندى سپورتشىلاردى يگەرۋ، ٴتۇيىندى بەكەمدەپ، ەرەكشەلىك قالىپتاستىرىپ، اۆتونوميالى رايوندىق 14 - كەزەكتى سپورت جارىسىنا دايىندالۋدا تىرەكتى تۇرلەردىڭ، تىرەكتى سپورتشىلاردىڭ ناتيجەسىن بەلگىلەنگەن كورسەتكىشكە جەتكىزۋ بولىپ تابىلادى.