قۇلجا اۋدانىنىڭ ”اۋىل - قىستاق ەرەن دارەجەلى بىرلەسپە فۋتبول جارىسى“ تابىسپەن اياقتاپ، اعا جۇلدەگەر كوماندا ٴبىر سيىرعا يە بولدى 

ٴتىلشىمىز ليۋ چۇنشيڭ حابارلايدى. 7 - ايدىڭ 1 ـ كۇنى كەشتە قۇلجا اۋداندىق دەنە تاربيە ورتالىعى ەرەكشە دۋمانعا بولەندى. بۇكىل الاڭداعى 7000 نان استام كورەرمەننىڭ نازار اۋدارىپ، دەم بەرۋىندە، اروستەڭ قالاشىعى فۋتبول كومانداسى شەشۋشى جارىستا ونيار قالاشىعى فۋتبول كومانداسىن جەڭىپ اعا جۇلدەگەر بولدى، قۇلجا اۋدانىنىڭ اۋىل ـ قىستاق ەرەن دارەجەلى بىرلەسپە فۋتبول جارىسى (قىسقاشا ”اۋىل - قىستاق ەرەن جارىسى“ دەلىنەدى) ٴساتتى اياقتادى.

سول كۇنى كەشكى ساعات 8 دەن 20 مينۋت وتكەندە، قۇلجا اۋدانىنىڭ ”اۋىل - قىستاق ەرەن جارىسىنىڭ“ شەشۋشى جارىسى باستالدى، اروستەڭ فۋتبول كومانداسى ونيار فۋتبول كومانداسىمەن بەلدەستى. ەكى كومانداداعى باسىم كوپ ساندى مۇشە بۇقارا اراسىنداعى دوپشىلاردان سىرت، تاعى ىلە جيۋچىڭ فۋتبول كلۋبى سياقتى كاسىپتىك كلۋبتاردىڭ سپورتشىلارى دا بار، ولاردىڭ قۋاتى قارايلاس دەۋگە بولادى.

الدىڭعى جارتى مايدان باستالعاندا، اروستەڭ كومانداسى ارت - ارتىنان شابۋىل جاساعان ەدى، ونيار كومانداسى قورعانىسىن كۇشەيتتى. قارسىلاسىنىڭ ريتىمىنە ۇيلەسكەننەن كەيىن، ونيار كومانداسى قورعانۋدان قايتارما شابۋىلعا ٴوتتى. جارىس باستالىپ 34  مينۋت وتكەندە اراوستەڭ كومانداسى بۇرىش دوپ ورايىنان پايدالانىپ، 5 - ٴنومىرلى دوپشى ازەز ىدىرىس باسپەن ٴسۇزىپ قاقپاعا دوپ كىرگىزدى. وسىلايشا 0 : 1 ەسەبىمەن اروستەڭ كومانداسى ىرىقتىلىقتى يەلەدى.

سوڭعى جارتى مايداندا، ونيار كومانداسى ادام اۋىستىرۋ سياقتى تاكتيكالار ارقىلى ورتا، الدىڭعى شەپتى كۇشەيتىپ، جانتالاسا شابۋىلدادى، ٴبىراق اروستەڭ كومانداسىنىڭ تورۋىلشىلارى ەرلىك كورسەتىپ، قاقپانى بەرىك كۇزەتتى. 84 مينۋت وتكەندە ونيار كومانداسىنىڭ 12 - ٴنومىرلى دوپشىسى ابدۇسالام سابىرجان شەكتەلگەن رايون سىرتىنان دوپ ەنگىزىپ، ۇپايدى تەڭەستىردى. وسىدان كەيىن ەكى جاق شابۋىلىن دا، قورعانىسىن دا كۇشەيتتى، اقىرى داعدىلى ۋاقىتتاعى جارىس 1 : 1 ۇپايمەن اياقتادى.

11 قادامنان قيان - كەسكى دوپ تەبۋ باستالدى، الدىڭعى 5 رەتكى قاقپاعا دوپ تەبۋدە ەكى جاق تا ٴبىر دوپتان زيان كەتىردى. ۇستەمەلەگەن جازا دوپ تەبۋ ٴتىپتى دە قيان - كەسكى بولىپ، 8 - رەتكى قاقپاعا دوپ تەبۋدە اروستەڭ كومانداسىنىڭ دوپشىسى جازا دوپ ەنگىزىپ، جالپى ۇپاي 7 : 8 (11 قادامنان تەبۋدەگى ناتيجە 6 : 7) بولىپ، اروستەڭ كومانداسى باس جۇلدەگەرلىكتى ەنشىلەدى.

سول كۇنى تۇستەن كەيىن وتكىزىلگەن ۇشىنشىلىككە تالاسۋ جارىسىندا جاڭاتام كومانداسى 2 : 4 ەسەبىمەن ٴدوڭمازار كومانداسىن جەڭىپ، ۇشىنشىلىكتى ەنشىلەدى.

قۇلجا اۋدانىنىڭ وسى كەزەكتى ”اۋىل - قىستاق ەرەن جارىسىندا“ كۋبوك، مەدالدان سىرت، تاعى ٴبىر ەرەكشە سيلىق ازىرلەندى: اعا جۇلدەگەرگە ٴبىر سيىر، جۇلدەگەرگە ٴبىر قازاق قوي، كىشى جۇلدەگەرگە ٴبىر ەشكى سيلاندى.

وسى كەزەكتى جارىستا نەگىزگى كوميسسيانىڭ باعالاۋىنا ساي، ونيار قالاشىعى ”اۋىل - قىستاق ەرەن جارىسى“ جەتكىنشەك جۇلدىزدار اتاعىن الدى، ٴۇشون حۇيزۋ اۋىلى رۋحاني وركەنيەت سيلىعىن، اۋليە اۋىلى تاڭداۋلى ۇيىمداستىرۋ سيلىعىن، ٴدوڭمازار قالاشىعى ٴمورال سيلىعىن الدى؛ ەڭ ۇزدىك قاقپاشى اروستەڭ كومانداسىنىڭ قاقپاشىسى ابدۇعاني ابليكىم، ەڭ ۇزدىك سۇرمەرگەن جاڭاتام كومانداسىنىڭ 8 دوپ كىرگىزگەن دوپشىسى پارحات تۇرعانجان، ەڭ ۇزدىك دوپشى اروستەڭ كومانداسىنىڭ مۇشەسى ٴالقۇت عاني بولدى.

ۇعىسۋعا قاراعاندا، وسى كەزەكتى جارىسقا 16 ۋاكىل كوماندا، 318 سپورتشى قاتىناسىپ، 8 جارىس كۇنىندە 28 كەزەك جارىس وتكىزىلىپ، قاقپاعا جالپى 74 دوپ ەنگىزىلدى، جارىسقا قاتىناسقان كورەرمەن 30 مىڭ ادام ـ رەتتەن، توراپتا تىكە تاراتىلىمدى كورۋشىلەردىڭ سانى 2 ميلليون 300 مىڭ ادام ـ رەتتەن اسىپ، جارىستىڭ تانىمالىلعى، ىقپالى اناعۇرلىم كەڭ بولعان.

جارىس تابىستى بولدى، ۇيىمداستىرعان جاقتىڭ قاجىرلى ەڭبەگى ەلەنبەسە بولمايدى. ”جارىس وتكىزۋ مىندەتىن تاپسىرىپ العاننان جارىس باستالعانعا دەيىنگى بارلىق دايىندىق ۋاقىتى نەبارى 7 كۇن عانا بولدى، بارلىق قىزمەتكەرلەر ٴۇرتىس قاربالاستىقپەن ىستەپ، جارىستىڭ قالىپتى جۇرگىزىلۋىنە كەپىلدىك ەتتى“. قۇلجا اۋدانى شىڭنيڭ مادەنيەت كاسىبىن دامىتۋ شەكتى سەرىكتەستىگىنىڭ باس جوراسى چىن گۋانلين تىلشىگە بىلاي دەدى: ”قۇلجا اۋدانىنىڭ ’اۋىل - قىستاق ەرەن جارىسىنىڭ‘ تاريحى ۇزاق، وسىدان بۇرىن ٴۇرتىس 26 كەزەك وتكىزىلدى، قويۋ فۋتبول اۋانىنا يە. ەندى ٴبىز قۇلجا اۋدانىنىڭ فۋتبول مادەنيەتى مەن دوپ جانكۇيەرلەرى مادەنيەتىن ۇزدىكسىز تەرەڭدەتىپ، ’اۋىل - قىستاق ەرەن جارىسى‘ ارقىلى مادەنيەت - ساياحاتتىڭ دامۋىن جەبەيمىز“.

قۇلجا اۋداندىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى چىڭ شيڭ بىلاي دەپ تانىستىردى: قۇلجا اۋدانى ”اۋىل - قىستاق ەرەن جارىسى“ سياقتى سپورت قيمىلدارىن وتكىزۋ ارقىلى تۇتاس اۋدانداعى ٴار ۇلت بۇقاراسىنىڭ دەنە تاربيە، مادەنيەت تۇرمىسىن اناعۇرلىم بايىتىپ، جالپى حالىقتىڭ دەنە شىنىقتىرۋ، دەنە ساپاسىن جوعارىلاتۋ بەلسەندىلىگىن ارتتىرىپ كەلەدى. قۇلجا اۋدانىنداعى ”اۋىل - قىستاق ەرەن جارىسى“

توراپتاعى كورىلىمى قىزۋ ورلەۋگە كوتەرىلۋمەن بىرگە، ”قۇلجا اۋدانى“ مەن ”قۇلجا اۋدانىنىڭ ساياحات كورىنىس رايونى“ توراپ ارقىلى كورىلىم مولشەرى كورنەكتى جوعارىلادى، ساياحاتشىلار تۋراسۋ كورىنىس رايونى، تيانشان گۇل القابى سياقتى كورىنىس رايوندارىنا نازار اۋدارىپ، كورىنىس رايوندارىنا بارىپ ساياحاتتاۋ ىنتاسىن ارتتىرىپ، دەنە تاربيە مەن ساياحاتتىڭ ٴبىرىن - ٴبىرى جەبەۋ ماقساتىنا جەتتى.

گۇيجوۋدىڭ ”’اۋىل - قىستاق ەرەن جارىسىمەن‘ سالىستىرعاندا، ٴبىزدىڭ ۇيرەنۋگە ٴتيىستى جەرلەرىمىز ٴالى دە كوپ. كەلەسى قادامدا ٴبىز تاجىريبەلەردى قورىتىندىلاپ، جەرگىلىكتى ورىننىڭ مادەنيەت، جاعراپيالىق جانە گۋمانيتارلىق باسىمدىعىن ساۋلەلەندىرىپ، قۇلجا اۋدانىنىڭ ’اۋىل - قىستاق ەرەن جارىسىن‘ اناعۇرلىم ەرەكشەلىككە يە ەتۋگە قۇلشىنامىز“. چىڭ شيڭ تىلشىگە بىلاي دەدى: ”قازىر ٴبىز قۇلجا اۋداندىق كاسىپتىك ەرلەر فۋتبول كومانداسىن قۇرۋعا دايىندالىپ جاتىرمىز، گۇيجوۋدىڭ اۋىل - قىستاق كوماندالارىن فۋتبول مادەنيەتى جونىندە اۋىس ـ كۇيىس جاساۋعا ۇسىنىس ەتۋدى جوسپارلاپ وتىرمىز. سونىمەن بىرگە، شينجياڭنىڭ ٴىشى ـ سىرتىنداعى تۋىسقان اۋدان - قالالاردى اۋىس ـ كۇيىس جاساۋعا، بىرگە العا باسۋعا ۇسىنىس ەتەمىز. تاياۋدا ٴبىز ’اۋىل - قىستاق ەرەن دارەجەلى باسكەتبول بىرلەسپە جارىسىن‘، ’اۋىل - قىستاق ەرەن دارەجەلى ۆولەيبول بىرلەسپە جارىسىن‘ وتكىزەمىز، بۇدان تىس، 8 - كەزەكتى ’ماليلاي كۋبوگى‘ جاس وسپىرىمدەر فۋتبول ساڭلاقتارىن تاڭداۋ جارىسىنىڭ شينجياڭ اۋماعىنداعى جارىسىن، 2023 - جىلعى اۆتونوميالى رايوننىڭ اۋىل - قىستاق (بەس ادامدىق) فۋتبول ەرەن دارەجەلى بىرلەسپە جارىسىنىڭ سولتۇستىك شينجياڭ اۋماعىنداعى جارىسىن وتكىزەمىز، اۆتونوميالى رايوندىق 14 - كەزەكتى ’اۋىل - قىستاقتى گۇلدەندىرۋ كۋبوگىنا‘ تالاسۋ فۋتبول بولىمشە جارىسى دا قۇلجا اۋدانىندا وتكىزىلەدى“.

اعا جۇلدەگەر بولعان اروستەڭ قالاشىعى فۋتبول كومانداسى جەڭىستەرىن قۇتتىقتاۋدا         ليۋ چۇنشيڭ فوتوسى 

جەرگىلىكتى ەرەكشەلىككە يە وزگەشە سيلىق 

قيان - كەسكى دوپ تالاسى 

جەكەلەي سيلىققا يە بولعاندار

فۋتبول جانكۇيەرلەرى                 سۋرەتتەردى ليۋ چۇنشيڭ تۇسىرگەن