7 كۇنگە جالعاسقان 26 مايدان قيان - كەسكى سايىس ارقىلى قاشقار ايماعى كومانداسىنىڭ قۇلجا قالالىق دەنە تاربيە ورتالىعىندا چەمپيوندىق لوڭقاسىن الۋىمەن 7 - ايدىڭ 21 - كۇنى كەشتە اۆتونوميالى رايوندىق 14 - كەزەكتى سپورت جارىسىنىڭ “اۋىل - قىستاقتى گۇلدەندىرۋ لوڭقاسىنا” تالاسۋ اتىنداعى بۇقارالىق فۋتبول دايىندىق (شەشۋشى) جارىسى تابىسپەن اياقتادى.
7 كۇندىك جارىستا وتاعاسى بولعان ىلە وبلىسى كومانداسى ەرتەمەن قاتاردان قالعانىمەن، ىلەلىكتەردىڭ دوپ جارىسىن تاماشالاۋ قىزعىندىلىعىن بوگەي المادى. اشىلۋ سالتى مەن شەشۋشى جارىستى 10 مىڭعا جۋىق كورەرمەن تاماشالادى، قۇلجا قالالىق دەنە تاربيە ورتالىعىندا وتكىزىلگەن 18 مايدان جارىستىڭ ٴار مايدانىندا ورتا ەسەپپەن 4000 ادام اينالاسىندا كورەرمەن بولدى. كورەرمەندەردەن تىس، تاعى 2 ميلليون 500 مىڭ ادام ـ رەتتەن استام توراپتاس جەلىدە جارىستى تاماشالادى. 7 - ايدىڭ 21 - كۇنى 600 مىڭنان استام ادام قۇلجا قالالىق توعىسپالى مەديا ورتالىعى جانە بۇكىل شينجياڭداعى ۇكىمەت جاقتىڭ بىرلەسكەن 9 جاڭا مەديا تەكشەسىنىڭ تۇتاس بارىستىق تورابىنان جارىستى كوردى.
قۇلجا قالاسىندا جانە قۇلجا اۋدانىندا وتكىزىلگەن وسى فۋتبول سالتاناتى بۇكىل شينجياڭداعى فۋتبول جانكۇيەرلەرىنىڭ شابىتىن بارىنشا تاسقىنداتتى، بۇل شينجياڭنىڭ دۋماندى فۋتبول ورتاسىنىڭ قايتا قالپىنا كەلگەندىگىنەن دەرەك بەردى ٴارى قۇلجا قالاسىنىڭ “التىن دوپ قالاسى” دەگەن تاماشا اتقا يە بولۋىنا مۇمكىندىك جاسادى ليۋ چۇنشيڭ (ٴوز ٴتىلشىمىز)
تەكە تىرەس. لي شين - ان فوتوسى
اعا جۇلدەگەرلىكتى قۇتتىقتاۋ ٴساتى. لي شين - ان فوتوسى
الاقايلاعان كورەرمەن. لي شين - ان فوتوسى
جارىس الاڭىنداعى ”كريستيانو رونالدو“. ليۋ چۇنشيڭ فوتوسى
ۇمىتسىزدەنگەن قاقپاشى. لي شين - ان فوتوسى
شەشۋشى جارىستى تاماشالاعان 10 مىڭعا جۋىق كورەرمەن. ليۋ چۇنشيڭ فوتوسى
دوپقا تالاسۋ. لي شين - ان فوتوسى
دوپ تالاسى. لي شين - ان فوتوسى
قاقپاعا دوپ ۇرىلعان ٴسات. لي شين - ان فوتوسى
تورەشى مايدانعا شىعۋدا. لي شين - ان فوتوسى